Esdras 3:1 - Maktub gə́ To gə Kəmee

¹ Naḭ gə́ njekɔm’g siri, loo gə́ Israɛlje d’isi mee ɓee-booje’g lə dee lə dee mba̰ ndá koso-dəwje ree mbo̰ dɔ na̰ Jerusalem asəna gə dəw gə́ kára ba bèe.

Esdras 3:1 Iomraidhean Croise

Nehemi 7:72

Njékinjanéməsje gə Ləbije gə njéŋgəm takəije gə njékɔspaje gə dəw-mee-ɓeeje, gə njéra kula kəi-Ala’d gə́ raje gə Israɛlje lai lé tel d’aw d’isi mee ɓee-booje’g lə dee lə dee. Naḭ gə́ njekɔm’g siri teḛ ndá Israɛlje d’isi mee ɓee-booje’g lə dee tɔ.

Nehemi 8:1

Koso-dəwje lai mbo̰ dɔ na̰ to gə́ dəw gə́ kára ba bèe ndaa-loo gə́ to tarəwɓee gə́ ria lə Rəw-Manje. Deḛ d’ula Esdras, njendaji-maktub lé mba karee ree gə maktub godndu Moyis gə́ Njesigənea̰ aree mbata lə Israɛlje lé.

Nehemi 8:14

Bèe ɓa deḛ d’iŋga ta gə́ ndaŋg mee maktub godndu’d gə́ Njesigənea̰ un ar dee gə ndu Moyis to gə́ to kəm kar Israɛlje d’isi mee kəi-surumje’g loo ra naḭ’g mee naḭ gə́ njekɔm’g siri lé ləm,

Ləbije 16:29

Yee gə́ nee ɓa to godndu gə́ to saar gə no̰ mbata lə sí: ndɔ dɔg lə naḭ gə́ njekɔm’g siri lé seḭ a saŋgje rɔ sí ləm, seḭ a raje kula kára kara el ləm tɔ, lé gə́ kojiɓee əsé dəw-dɔ-ɓee gə́ si mbuna sí’g kara a ra bèe ya.

Ləbije 23:24

pana: Ula Israɛlje pana: Ndɔ gə́ dɔtar lə naḭ gə́ njekɔm’g siri lé a to ndɔ-kwa-rɔ sí gə́ seḭ a ɓarje ne Njesigənea̰ wəl-wəl ləm, seḭ a mbo̰je ne dɔ na̰ kwamje ne meḛ sí’g ləm tɔ.

Soponi 3:9

Yen ŋga n’a togo ta koso-dəwje karee àr ŋgad-ŋgad Gə mba kar dee-deḛ lai ɓar ne ri Njesigənea̰ ləm, Gə mba kar dee d’ɔm na̰’d téréré D’wa ne neḛ meḛ dee’g ləm tɔ.

Néra Njékaḭkulaje 2:46

Ndɔje kára-kára lai lé deḛ d’aw na̰’d kəi-Ala’g ta teg-teg ləm, d’aw kəi lə na̰ d’o̰ muru na̰’d gə rɔlel gə meendakaḭ ləm tɔ.

Néra Njékaḭkulaje 4:32

Koso-dəwje gə́ d’un meḛ dee neelé d’ɔm meḛ dee na̰’d sad d’isi d’asəna gə dəw gə́ kára ba bèe. Dəw kára kara mbuna dee’g oo néje ləa gə́ né kea̰-yeḛ nja gə karee el, nɛ deḛ lai d’oo néje lə dee gə́ ka̰ na̰ ya.

1 Njé gə́ Kɔrḭtə 1:10

Ŋgakɔmje, ma m’ndəji sí gə ri Mbaidɔmbaije lə sí Jeju Kristi mba kar tapa sí aw na̰’d kára ba ɓó kar ta tḭ-na̰ oso mbuna sí’g el. Maji kar sí ndaje meḛ sí kaḭ gə na̰ mba kar takə̰ji lə sí aw na̰’d kára ba ya.

Tel tura Godndu 16:16

Mee ləbje kára-kára lé diŋgamje lai mbuna sí’g d’a teḛ as gɔl munda kaar no̰ Njesigənea̰ Ala’g lə sí loo gə́ yeḛ a kɔr kunda gə kəmee lé: ndɔ ra naḭ gə́ muru gə́ lal əm-tiné ləm, gə naḭ gə́ wɔji dɔ ndɔje gə́ siri-siri lé ləma, gə naḭ gə́ wɔji dɔ kəi-kubuje lé ləm tɔ. D’a ree kaar no̰ Njesigənea̰’g gə ji dee kari ba el.

Njéga̰g-Rəwtaje 20:1

Un kudee Dan saar teḛ Beer-Seba gə ɓee gə́ Galaad lé Israɛlje lai d’unda loo teḛ ndá koso-dəwje mbo̰ dɔ na̰ to gə́ dəw gə́ kára ba bèe no̰ Njesigənea̰’g loo gə́ Mispa.