Esdras 2:2 - Maktub gə́ To gə Kəmee

² Deḛ gə́ ree na̰’d gə Jorobabel lé, Juje, gə Nehemi, gə Seraja, gə Reélaja, gə Mardose, gə Bilsan, gə Mispar, gə Bigbai, gə Rehum, gə Baana tɔ. Bula lə diŋgamje gə́ mee ɓee gə́ Israɛl lé ɓa nee:

Esdras 2:2 Iomraidhean Croise

Esdras 1:11

Nékulaje lai gə́ deḛ ra gə larlɔr gə larnda lé d’as tɔl-dɔg-loo mi gə dəa tɔl sɔ (5.400). Sesbasar aw ne Jerusalem mee ndəa gə́ d’ḭ ne ɓee-ɓər gə́ Babilɔn tel ree’g lé.

Esdras 1:8

Sirus, mbai gə́ Persə ula Mitredat gə́ to njeŋgəm nébaoje neelé gə mba karee teḛ ne gə́ raga tura gée ar Sesbasar, mbai gə́ njekaa dɔ ɓee gə́ Juda lé.

Esdras 2:1

Aa ooje, deḛ gə́ dəb ɓeeko̰’d gə́ d’ḭ ɓee-ɓər’g tel ree lé ɓa nee, to dee gə́ Nebukadnesar, mbai gə́ Babilɔn wa dee gə́ ɓər aw sə dee Babilɔn lé. Deḛ tel ree Jerusalem dɔ naŋg gə́ Juda, ndá nana kara aw mee ɓee-boo’g ləa-ləa ya.

Esdras 2:3

deḛ gə́ to gel-bɔje lə Pareos gə́ diŋgam d’as tɔl-dɔg-loo joo gə dəa tɔl gə dəa rɔ-siri giree-joo (2.172),

Esdras 3:2

Josué, ŋgolə Josadak, gə ŋgakea̰je gə́ to gə́ njékinjanéməsje ləm, gə Jorobabel, ŋgolə Səaltiel, gə ŋgakea̰je ləm tɔ lé d’ḭ ra loo-nékinjaməs d’ar Ala lə Israɛlje gə mba kinja nékinjanéməsje gə́ ka̰ roo lé keneŋ gə goo ta gə́ ndaŋg mee maktub godndu’g lə Moyis, gə́ to dəw lə Ala.

Esdras 4:3

Nɛ Jorobabel gə Juje gə mbai dɔ gel-bɔje lə Israɛlje gə́ nai lé tel d’ila dee keneŋ pana: Jeḛ sə síje j’a kasjekəm kɔrè na̰ mba ra kəi-Ala lə sí el. Jeḛ nja gə kar sí ba j’a ra kəi neelé kar Njesigənea̰ Ala lə Israɛlje to gə́ Sirus, mbai gə́ Persə un ne ndia ar sí lé ya.

Esdras 4:8

Rehum gə́ njeguburuɓee ləm, gə Simsai, njendaŋ-maktub ləm tɔ lé, deḛ kara ndaŋg maktub səg ne njé gə́ Jerusalem no̰ mbai Artajerjɛs’g tɔ. Ta gə́ pa mee maktub’g lé ɓa nee:

Esdras 5:2

Yen ŋga Jorobabel, ŋgolə Səaltiel, gə Josué, ŋgolə Josadak, d’ḭ d’un kudu kunda kəi-Ala gə́ to Jerusalem lé. Tɔɓəi njéteggintaje lə Ala gə́ d’isi sə dee keneŋ lé la sə dee tɔ.

Esdras 8:1

Aa ooje, ri deḛ gə́ to mbai dɔ gel-bɔje gə ri ginka deeje-je gə́ d’ḭ səm Babilɔn mee ləb ko̰ɓee’g lə mbai Artajerjɛs lé ɓa nee:

Nehemi 10:15

Mbai dɔ koso-dəwje-je ɓa nee: Pareos gə Pahat-Moab gə Elam gə Jatu gə Bani gə Buni gə Ajgad gə Bebai gə Adonija gə Bigbai gə Adḭ gə Ater gə Ejekias gə Ajur gə Hodija gə Hasum gə Besai gə Harip gə Anatot gə Nebai gə Magpias gə Mesulam gə Hejir gə Mesejabeel gə Sadɔk gə Jadua gə Pelatia gə Hanan gə Anaja gə Ojee gə Hanania gə Hasub gə Halokes gə Pilsa gə Sobek gə Rehum gə Hasabna gə Maaséja gə Aija gə Hanan gə Anan gə Maluk gə Harim gə Baana.

Nehemi 12:47

Mee ndəa’g lə Jorobabel gə Nehemi lé Israɛlje lai d’un ta néje lə dee d’ar njékɔspaje ləm, gə d’ar njéŋgəm takəije ləm tɔ gə ndɔ dee ndɔ dee. Deḛ d’ar Ləbije néje gə́ d’unda gə kəmee ndá Ləbije d’ar ŋgaka Aaro̰ néje gə́ d’unda gə kəmee lé tɔ.

Nehemi 7:7

Deḛ d’aw gə Jorobabel gə Juje gə Nehemi gə Ajaria gə Raamia gə Nahamani gə Mardose gə Bilsan, gə Misperet gə Bigbai gə Nehum gə Baana. Bula lə koso-dəwje gə́ Israɛl lé ɓa nee:

Ajee 1:1

Mee ləb gə́ njekɔm’g joo gə́ Darius to ne mbai, mee ndɔ gə́ dɔtar’g lə naḭ gə́ njekɔm’g misa̰ lé ɓa Njesigənea̰ ula Aje, njetegginta ta nee aree un aw ula Jorobabel, ŋgolə Səaltiel, gə́ to njeguburuɓee gə́ Juda ləm, gə Juje, ŋgolə Josadak, ŋgɔ-njekinjanéməs ləm tɔ pana:

Ajee 1:12

Jorobabel, ŋgolə Səaltiel ləm, gə Juje, ŋgolə Josadak, ŋgɔ-njekinjanéməs ləma, gə ges koso-dəwje lai gə́ nai ləm tɔ d’oo ndu Njesigənea̰, Ala lə dee gə goo ta gə́ Aje, njetegginta pa taree gə goo kula gə́ Njesigənea̰ Ala lə dee ɔm jia’g lé. Bèe ɓa ɓəl unda koso-dəwje badə gaŋg dee no̰ Njesigənea̰’g.

Ajee 1:14

Njesigənea̰ ɔs Jorobabel, ŋgolə Səaltiel, njeguburuɓee gə́ Juda ɓɔḭ-ɓɔḭ ləm, ɔs Juje, ŋgolə Josadak, ŋgɔ-njekinjanéməs ɓɔḭ-ɓɔḭ ləma, ɔs ges koso-dəwje lai gə́ nai ləm tɔ. Deḛ ree d’un kudu ra kula kəi lə Njesigənea̰ gə́ njeboo-néje gə́ to Ala lə dee lé

Ajee 2:2

Maji kari ula kula dəji Jorobabel, ŋgolə Səaltiel, njeguburuɓee gə́ Juda ləm, gə Juje, ŋgolə Josadak, ŋgɔ-njekinjanéməs ləma, gə ges koso-dəwje gə́ nai ləm tɔ lé pana:

Ajee 2:21

Maji kari ula Jorobabel, njeguburuɓee gə́ Juda togə́bè pana: N’a gə yə dara gə naŋg nee.

Ajee 2:4

Njesigənea̰ pana: Ɓasinè, i Jorobabel, wa rɔi kɔgərɔ! I Juje, ŋgolə Josadak, ŋgɔ-njekinjanéməs lé wa rɔi kɔgərɔ! Seḭ koso-dəwje lai gə́ mee ɓee’g lé waje rɔ sí kɔgərɔ! Njesigənea̰ ɓa pa bèe. Tɔɓəi raje kula! Mbata neḛ nja nai sə sí ya. Njesigənea̰ gə́ njeboo-néje ɓa pa bèe.

Jakari 3:1

Yeḛ am m’oo Jujee ŋgɔ-njekinjanéməs gə́ aar tar no̰ kura’g lə Njesigənea̰ ndá Njekurai aar dɔ jikɔlee’g gə mba kila ta dəa’g.

Jakari 3:3

Nɛ Jujee lé ula kubu gə́ mina̰ rəa’g ɓa aar ne no̰ kura gə́ dara’g.