Esdras 2:1 - Maktub gə́ To gə Kəmee

¹ Aa ooje, deḛ gə́ dəb ɓeeko̰’d gə́ d’ḭ ɓee-ɓər’g tel ree lé ɓa nee, to dee gə́ Nebukadnesar, mbai gə́ Babilɔn wa dee gə́ ɓər aw sə dee Babilɔn lé. Deḛ tel ree Jerusalem dɔ naŋg gə́ Juda, ndá nana kara aw mee ɓee-boo’g ləa-ləa ya.

Esdras 2:1 Iomraidhean Croise

2 Mbaije 25:11

Nebujaradan, ɓée njéŋgəmlooje wa ges koso-dəwje gə́ nai mee ɓee-boo’g lé aw sə dee rɔ mbai gə́ Babilɔn ləm, gə ges njékulaje ləm tɔ.

1 Sôrta Gḭka-Israɛlje 9:1

Israɛlje lai lé deḛ ndaŋg ri dee gə goo ginkojije lə dee ndá d’unda ri dee mee maktub’g lə mbaije gə́ Israɛl. Njé gə́ Juda ɓa d’wa dee gə́ ɓər d’aw sə dee Babilɔn mbata lə kaltaje lə dee lé.

1 Sôrta Gḭka-Israɛlje 9:2

Dəwje gə́ dɔtar gə́ d’isi dɔ naŋg’d lə dee ləm, gə mee ɓee-booje’g lə dee ləm tɔ lé to Israɛlje, gə njékinjanéməsje, gə Ləbije, gə njéra kula mee kəi-Ala’d gə́ raje lé tɔ.

Esdras 1:11

Nékulaje lai gə́ deḛ ra gə larlɔr gə larnda lé d’as tɔl-dɔg-loo mi gə dəa tɔl sɔ (5.400). Sesbasar aw ne Jerusalem mee ndəa gə́ d’ḭ ne ɓee-ɓər gə́ Babilɔn tel ree’g lé.

Esdras 2:2

Deḛ gə́ ree na̰’d gə Jorobabel lé, Juje, gə Nehemi, gə Seraja, gə Reélaja, gə Mardose, gə Bilsan, gə Mispar, gə Bigbai, gə Rehum, gə Baana tɔ. Bula lə diŋgamje gə́ mee ɓee gə́ Israɛl lé ɓa nee:

Esdras 2:70

Njékinjanéməsje gə Ləbije ləm, gə dəw-mee-ɓeeje gə́ na̰je ləm, gə bao-paje ləm, gə njéŋgəm tarəwje ləma, gə njéra kula mee kəi-Ala’d gə́ raje ləm tɔ lé d’isi mee ɓee-booje’g lə dee lə dee. Israɛlje lai kara d’isi mee ɓee-booje’g lə dee lə dee tɔ.

Esdras 5:8

Maji kar mbai gər gao to gə́ jeḛ j’aw dəb ɓeeko̰ gə́ Juda mee kəi gə́ wɔji dɔ Ala gə́ boo ndá j’oo to gə́ d’unda gə kɔr mbalje gə́ tɔl ləm, d’ɔm kunda kagje dɔ’g tar ləm tɔ, ar kula aw kalaŋ ya ləm, teḛkɔr ji dee’g ləm tɔ.

Esdras 6:2

Ndá deḛ d’iŋga maktub gə́ kə́ na̰’d gə́ ndaŋg ta kolé-mee-dɔ’g mee ɓee gə́ Ahmeta gə́ to ɓee-boo lə dəb ɓeeko̰ gə́ Médi lé. Ta gə́ ndaŋg keneŋ lé ɓa nee:

Esdras 8:35

Ŋgalə deḛ gə́ d’ḭ ɓee-ɓər’g tel ree lé ree gə bɔ maŋgje dɔg-giree-joo gə́ nékḭja məsje gə́ ka̰ roo kar Ala lə Israɛlje, mbata Israɛlje lai ləm, gə bàl badje rɔ-jinaikara-giree-misa̰ gə ŋgan badje rɔ-siri-giree-siri gə bàl bya̰je dɔg-giree-joo gə́ to nékinjanéməsje gə́ wɔji dɔ kuga dɔ kaiya ləm tɔ, ar néje neelé to gə́ nékinjanéməsje gə́ ka̰ roo kar Njesigənea̰ ya.

Nehemi 12:1

Aa ooje, ri njékinjanéməsje gə Ləbije gə́ ree gə Jorobabel, ŋgolə Səaltiel gə Juje lé ɓa nee: Seraja gə Jeremi gə Esdras

Este 1:1

To sorta néje gə́ dəs mee ləbje’g lə Asuerus. Asuerus neelé ɓa o̰ ɓee dɔ dəb ɓeeko̰je’g tɔl-dəa-rɔ-joo-giree-siri (127) gə́ un kudee Inde ya saar teḛ ne Etiopi.

Este 1:11

gə mba kar dee ree gə Basti, dené ləa nea̰’g gə dɔgugu-mbai dəa’g gə mba tɔji koso-dəwje ləm, gə dəwje gə́ boo ləm tɔ kar dee d’oo ma̰də ləa mbata yeḛ ma̰də yaa̰.

Este 1:3

Ləb ko̰ɓee ləa gə́ njekɔm’g munda lé yeḛ ar dee ra muru-gad mbata lə ŋgan-mbaije ləa lai ləm, gə kuraje ləa ləm tɔ. Ɓé-njérɔje lə Persəje gə Medəje ləm, gə dəwje gə́ boo-boo ləma, gə njékaa dɔ dəb ɓeeko̰je ləm tɔ lé mbo̰ dɔ na̰ nea̰’g.

Este 1:8

Tɔɓəi nékai lé dəw as kɔg maree dɔ’g el mbata mbai un ndia ar dəwje lai gə́ mee kəi’g ləa mba kar dee ra to gə́ mee nana kara ndigi ɓa.

Este 8:9

Mee ndəa’g neelé deḛ ɓar njéndaŋ-maktubje lə mbaije mee ndɔ gə́ njekɔm’g rɔ-joo-giree-munda’g lə naḭ gə́ njekɔm’g munda gə́ to naḭ Siban ndá deḛ ndaŋg maktub lé gə goo ndukun lə Mardose d’ar Jibje ləm, d’ar njékaa dɔ dəb ɓeeko̰je ləm, d’ar njéguburuɓeeje ləma, d’ar deḛ gə́ to mbai dɔ dəb ɓeeko̰je gə́ tɔl-dəa-rɔ-joo-giree-siri (127) gə́ un kudee Inde saar teḛ Etiopi ləm tɔ. Ar dəb ɓeeko̰ gə́ rara kara iŋga maktub gə goo rəw ndaŋg maktub ləa ləm, ar koso-dəwje gə́ rara kara gə goo takɔji dee ləma, ar Jibje kara gə goo rəw ndaŋg maktub lə dee gə goo takɔji dee ləm tɔ.

Esai 48:20

Undaje loo mee ɓee gə́ Babilɔn teḛje ləm, Ḭje dan Kaldeje’g aḭje ləm tɔ! Paje gə ndu kalrɔ, ilaje ne mberee Ar deḛje gə́ d’isi gwɔi naŋg’d d’oo taree Pajena: Njesigənea̰ uga dɔ kura ləa Jakob!

Jeremi 50:19

M’a tel gə Israɛlje ree sə dee Loo-si dee’g gogo, D’a kiŋga loo-ko̰-mu lə dee Gə́ to Karmel gə Basan Ndá nésɔ a kas dee nag-nag Dɔ mbal gə́ Eprayim ləm, Gə mee ɓee gə́ Galaad ləm tɔ.

Nɔ̰-ndôo gə́ wɔji dɔ Jerusalem 1:3

Judaje d’aw ɓee-ɓər’g Ar dee d’ula kəm dee ndòo ləm, D’ɔm boo-kula ɓər dɔ dee’g ləm tɔ, Deḛ d’isi keneŋ mbuna ginkoji dəwje gə́ raŋg’g Nɛ deḛ d’iŋga loo-si lɔm el. Deḛ lai gə́ to njékula kəm dee ndooje lé D’uba dee naŋg bus gə boo-néurtije.

Nɔ̰-ndôo gə́ wɔji dɔ Jerusalem 1:5

Njékula kəmee ndooje dum dəa ləm, Njéba̰je ləa d’isi gə meelɔm ləm tɔ. Mbata Njesigənea̰ ula kəmndoo dəa’g Mbata kaiyaje ləa gə́ bula yaa̰ lé, Ŋganeeje lai lé njaa no̰ njekula kəm loo ndòo’g to gə́ ɓərje bèe ya.

Nɔ̰-ndôo gə́ wɔji dɔ Jerusalem 4:22

Néra kori-kori ləi lé d’ɔr dɔi’g mba̰, I ɓee gə́ Sio̰ lé, Dəw a kwai ɓər el ŋga, Nɛ i ɓee gə́ Edɔm lé Yeḛ a kar bo̰ néra kori-kori ləi ɔs tai’g ləm, Yeḛ a kila kaiyaje ləi gə́ raga ləm tɔ.

Soponi 2:7

Ta baa-boo-kadje neelé d’a to mbata ges gel-bɔje lə Juda gə́ nai, Lée neelé ɓa d’a kul rɔ dee keneŋ: Loondul ndá d’a kwa rɔ dee mee kəije’g lə Askalo̰: Mbata Njesigənea̰, Ala lə dee lé Mée a kwəi dɔ dee’g el Ndá yeḛ a kɔr dee ɓee-ɓər’g lə dee tel ree sə dee.

Néra Njékaḭkulaje 23:34

Loo gə́ mbai gə́ njeguburuɓee lé tura maktub lé mba̰ ndá yeḛ dəji dee pana: See Pool lé to dəw gə́ dɔ naŋg gə́ ra wa.