Esdras 1:5 - Maktub gə́ To gə Kəmee

⁵ Yen ŋga, mbai dɔ gel-bɔje lə Judaje gə Bḛjamije ləm, gə njékinjanéməsje ləma, gə Ləbije ləm tɔ lé deḛ lai gə́ Ala ɔs dee ɓɔḭ-ɓɔḭ lé ndá d’uba naŋg d’ḭ gə mba kaw Jerusalem kaw ra kəi lə Njesigənea̰ keneŋ tɔ.

Esdras 1:5 Iomraidhean Croise

2 Sôrta Gḭka Israɛlje 36:22

Ləb ko̰ɓee gə́ dɔtar lə Sirus, mbai gə́ Persə lé Njesigənea̰ ar ta gə́ yeḛ pa gə ndu Jeremi lé aw lée’g béréré ya. Njesigənea̰ lé ɔs Sirus, mbai gə́ Persə lé ɓɔḭ-ɓɔḭ gə mba karee ar dee d’ila mber gə looje lai mee ɓeeko̰’g ləa ləm, gə ndaŋg taree ləm tɔ pana:

Esdras 1:1

Mee ləb ko̰ɓee gə́ dɔtar’g lə Sirus, mbai gə́ Persə lé Njesigənea̰ ar ta gə́ yeḛ pa gə ndu Jeremi lé aw lée’g béréré ya. Njesigənea̰ lé ɔs Sirus, mbai gə́ Persə lé ɓɔḭ-ɓɔḭ gə mba karee ar dee d’ila mber gə looje lai mee ɓeeko̰’g ləa ləm, gə ndaŋg taree mee maktub’g ləm tɔ pana:

Esdras 1:2

Sirus, mbai gə́ Persə pa togə́bè pana: Njesigənea̰ Ala gə́ si dara lé am ɓeeko̰je lai gə́ dɔ naŋg nee ləm, yeḛ un ndia mba kam m’unda kəi-mbai mee ɓee gə́ Jerusalem dɔ naŋg gə́ Juda’g m’aree ləm tɔ.

Esdras 1:4

Loo gə́ rara ɓa gə́ ges ŋgan Israɛlje nai keneŋ lé maji kar dəwje gə́ lée’g neelé d’ar dee larnda gə larlɔr ləm, gə némajije ɓəd-ɓəd gə nékulje ləma, gə nékarje gə́ d’ḭ gə meḛ dee d’ar ləm tɔ, mba ra ne kəi-Ala gə́ to Jerusalem lé.

Nehemi 2:12

Tɔɓəi m’ḭ loondul’g gə dəwje gə́ na̰je nɛ m’ula dəw kára kara né gə́ Ala ra dɔɓəŋgərəm’g gə mba k’am m’ra mbata lə Jerusalem lé el. M’aw gə mulayḛ̀je gə́ raŋg el nɛ kama gə́ m’ubá ba ya.

Gosota-Kəmkàrje 16:1

Kwɔji né gə mba ra lé ḭ mee dəw’g, Nɛ ra née lé ḭ rɔ Njesigənea̰’g.

Ajee 1:14

Njesigənea̰ ɔs Jorobabel, ŋgolə Səaltiel, njeguburuɓee gə́ Juda ɓɔḭ-ɓɔḭ ləm, ɔs Juje, ŋgolə Josadak, ŋgɔ-njekinjanéməs ɓɔḭ-ɓɔḭ ləma, ɔs ges koso-dəwje lai gə́ nai ləm tɔ. Deḛ ree d’un kudu ra kula kəi lə Njesigənea̰ gə́ njeboo-néje gə́ to Ala lə dee lé

2 Njé gə́ Kɔrḭtə 8:16

To kəm ra Ala oiyo mbata yeḛ nja ɓa ar Titə tədkag sí to gə́ jeḛ bèe lé

Njé gə́ Pilibə 2:13

Mbata to Ala nja ra kula meḛ sí’g ar sí ndigije raje togə́bè ləm, yeḛ ar rɔ sí wɔilɔ keneŋ gə mba ra tɔl bém ɓó gə taa ne kəmee ləm tɔ.

3 Ja̰ 1:11

I gə́ m’undai dan kəm’g lé néra gə́ maji ɓa maji kari ndoo ra ɓó i a ndoo néra gə́ majel el. Mbata yeḛ gə́ ra maji lé yeḛ to ka̰ Ala ya. Nɛ yeḛ gə́ njeramajel lé oo Ala nda̰ el ɓəi tɔ.