Ǝbrəje 7:3 - Maktub gə́ To gə Kəmee

³ Yeḛ neelé bɔbeeje godo ləm, kea̰je kara godo ləma, gin ka-dɔgeje godo ləm tɔ. Dəw oo ndɔ kojee əsé ndɔ gə́ kəmə ləa godo lé el tɔ. Nɛ deḛ d’ée gə́ dəw gə́ tel to asəna gə Ŋgon-Ala ya. Melkisedek neelé sí gə́ njekinjanéməs ya saar-saar gə no̰.

Ǝbrəje 7:3 Iomraidhean Croise

Teḛ-Raga 6:18

Ŋgalə Keat ɓa ri dee to nee: Amram, Jisəar, Ebro̰ gə Ujiel. Ləb si kəmba lə Keat lé aḭ tɔl-dəa-rɔ-munda-giree-munda (133) tɔ.

Bula lə Israɛlje 1:18

ndá mee ndɔ gə́ dɔtar lə naḭ gə́ njekɔm’g joo lé deḛ ɓar koso-dəwje lai na̰’d. Deḛ ndaŋg ri dee gə goo gel-bɔje lə dee ləm, gə goo njémeekəije lə bɔ deeje-je ləm tɔ. Tɔɓəi deḛ tura dee gə ri dee ri dee, un kudee dɔ deḛ gə́ ra ləb rɔ-joo gə́ tar.

Matiyo 4:3

Léegəneeya, njekər dəwje ree pər gə́ rəa’g ulá pana: Ɓó lé i to Ŋgon-Ala gə́ gəd ya ndá un ndui ar kɔr mbalje neelé tel muru ko̰ lé.

Ǝbrəje 4:14

Bèe ndá Jeju, Ŋgon-Ala lé to ŋgɔ-njekinjanéməs lə sí gə́ andə mee dara’g mba̰ ndá maji kar sí j’aar njaŋg dɔ meekun’g lə sí gə́ j’un j’aree.

Ǝbrəje 7:1

Melkisedek neelé to mbai dɔ Salem ləm, yeḛ to njekinjanéməs lə Ala gə́ Njesisémdara’g ləm tɔ. Loo gə́ Abrakam ḭ loo dum gə́ yeḛ dum ne mbaije’g ndá Melkisedek tila kəmee ləm, yeḛ tɔr ndia dəa’g ləm tɔ.

Ǝbrəje 7:17

Mbata d’ɔr taree d’wɔji ne dəa pana: I to njekinjanéməs gə no̰, Gə goo ka̰ Melkisedek.

Ǝbrəje 7:2

Abrakam lé kai nébanrɔje lé kudu dɔg ɓa un təa kára ar Melkisedek. Melkisedek lé to mbai gə́ ka̰ meekarabasur gə goo gin ria-yeḛ nja ləm, yeḛ to mbai gə́ Salem, yee ɓa wɔji dɔ mbai gə́ njekar dəwje d’isi gə meekulɔm ləm tɔ.

Ǝbrəje 7:6

Nɛ Melkisedek gə́ to ginkoji dee el lé taa ta néje ji Abrakam’g ɓa tɔr ne ndia dɔ yeḛ gə́ Ala tɔr ndia dəa’g lé ɓəi.