Ǝbrəje 7:2 - Maktub gə́ To gə Kəmee

² Abrakam lé kai nébanrɔje lé kudu dɔg ɓa un təa kára ar Melkisedek. Melkisedek lé to mbai gə́ ka̰ meekarabasur gə goo gin ria-yeḛ nja ləm, yeḛ to mbai gə́ Salem, yee ɓa wɔji dɔ mbai gə́ njekar dəwje d’isi gə meekulɔm ləm tɔ.

Ǝbrəje 7:2 Iomraidhean Croise

Gḭ-Néje 28:22

Kɔr mbal nee gə́ ma m’unda gə́ nékolé-mee lé a to kəi lə Ala ndá néje lai gə́ i a karm lé m’a kai dee loo dɔg ndá m’a kun təa kára kari ya tɔ.

2 Samel 23:3

Ala lə Israɛlje pata, Biri mbal lə Israɛlje ulam ta pana: Yeḛ gə́ o̰ ɓee dɔ dəwje’g gə goo rəbee ləm, Yeḛ gə́ ɓəl Ala loo ko̰ɓee’g ləa ləm tɔ lé

2 Samel 8:15

Dabid o̰ ɓee dɔ Israɛlje’g lai ndá yeḛ ra né danasur ləm, ɔr ne kəmta lə dəwje ləa lai gə goo rəbee ləm tɔ.

1 Sôrta Gḭka-Israɛlje 22:9

Yeḛ ulam tɔɓəi pana: I a koji ŋgon gə́ diŋgam ndá yeḛ a to dəw gə́ njesi lɔm, yeḛ ɓa m’a karee loo-kwa-rɔ loo gə́ m’a kɔree ne ji njéba̰je’g ləa gə́ gugu dəa sub lé, mbata Salomo̰ ɓa a to ria ndá m’a kar Israɛlje d’isi ne dan maji’g ləm, loo a to lɔm ləm tɔ ləb si kəmba’g ləa lé.

Pakɔsje 72:7

Mee ndəaje’g neelé njera nédana a kidi pug-pug ləm, Meelɔm a kḭ dɔ maree’d gə́ kédé-kédé Saar kar ndogó lə naḭ a godo ne ləm tɔ.

Ləbije 27:32

Né gə́ dɔg kun təa kára-kára k’ar gə́ to nékulje gə́ boi-boi əsé gə́ lam-lam lé deḛ lai gə́ dəs gel kag-ɗugu’d lé d’a to né kára mbuna néje’g dɔg gə́ to gə kəmee mbata lə Njesigənea̰ ya.

Misee 5:5

Deḛje neelé d’a ko̰ guburu ɓee gə́ Asiri Gə ɓee gə́ Nimrɔd gə kiambas. Togə́bè ɓa yeḛ a taa sí ne ji dəw gə́ Asiri, Loo gə́ yeḛ a ree mee ɓee’g lə sí ləm, A kila gɔlee dɔ naŋg’d lə sí ləm tɔ.

Bula lə Israɛlje 18:21

Néje gə́ dɔg kun təa kára kára lai gə́ Israɛlje d’ar lé ma m’ar Ləbije gə́ né ka̰ dee-deḛ mbata kula gə́ deḛ ra gə́ wɔji dɔ kəi-kubu-kiŋga-na̰ lé.

Matiyo 1:23

Aa oo, ŋgoma̰də a taa kèm ndá a koji ŋgon gə́ diŋgam, D’a kunda ria lə Emanuɛl (tel ta koji sí, Ala nai sə síjeḛ).

Lugu 2:14

Ulaje rɔnduba dɔ Ala’g lé, seḭ gə́ síje mee dara’g lé Deḛ gə́ dɔ naŋg nee gə́ taa kəmee rəgm lé d’a sí ne dan meekulɔm’g tɔ.

Njé gə́ Rɔmə 3:26

Yee ɓa ma m’ula sí, Ala ra togə́bè mba tɔji ne dəwje meekarabasur ləa təsərə ɓasinè, mba kar dee d’oo gao, yeḛ to njemeekarabasur ləm, deḛ lai gə́ d’ɔm meḛ dee dɔ Jeju Kristi’g kara yeḛ ɔr ne ta dɔ dee’g ləm tɔ.

Ǝbrəje 7:1

Melkisedek neelé to mbai dɔ Salem ləm, yeḛ to njekinjanéməs lə Ala gə́ Njesisémdara’g ləm tɔ. Loo gə́ Abrakam ḭ loo dum gə́ yeḛ dum ne mbaije’g ndá Melkisedek tila kəmee ləm, yeḛ tɔr ndia dəa’g ləm tɔ.

Ǝbrəje 7:3

Yeḛ neelé bɔbeeje godo ləm, kea̰je kara godo ləma, gin ka-dɔgeje godo ləm tɔ. Dəw oo ndɔ kojee əsé ndɔ gə́ kəmə ləa godo lé el tɔ. Nɛ deḛ d’ée gə́ dəw gə́ tel to asəna gə Ŋgon-Ala ya. Melkisedek neelé sí gə́ njekinjanéməs ya saar-saar gə no̰.

1 Samel 8:15

Koje gə́ seḭ iŋgaje gə goo kandə néje gə́ seḭ dubuje ləm, gə mán-nduú gə́ seḭ iŋgaje gə goo miaa̰ gə́ seḭ manje ləm tɔ lé ndá, mee né gə́ dɔg’d lé yeḛ a taa təa kára mba kar kuraje ləa.

1 Samel 8:17

Nékulje lə sí dɔg ndá yeḛ a taa kára gə́ kea̰ ləm, seḭ ya kara a toje ɓər-kulaje ləa ləm tɔ.