Ǝbrəje 1:2 - Maktub gə́ To gə Kəmee

² Nɛ ndəa gə́ gogo nee, yeḛ pata ar sí nɛ Ŋgonee ɓa ria ne sə sí dəa. Yeḛ nja ɓa Ala unda ne naŋg nee ləm, yeḛ aree to njenéje lai ləm tɔ.

Ǝbrəje 1:2 Iomraidhean Croise

Gḭ-Néje 49:1

Jakob ɓar ŋganeeje ula dee pana: Mbo̰je dɔ na̰ gə mba kam m’ula sí né gə́ a teḛ dɔ sí’g ndɔ gə́ gogo.

Esai 2:2

Ndɔ gə́ rudu ndəaje a gə kun ɗiao ndá Dɔ mbal gə́ wɔji dɔ kəi lə Njesigənea̰ lé D’a tel tum ginee dɔ mbalje gə́ tar. Yeḛ a to tar dɔ dɔdərloo’g Ndá ginkoji dəwje gə raŋg lai d’a kaḭ kaw keneŋ.

Esai 44:24

Njesigənea̰, njekoga dɔ sí, Yeḛ gə́ njekuba sí meḛ ko̰ síje’g lé Pa togə́bè pana: Ma m’to Njesigənea̰ gə́ njekunda néje lai, Ma nja kára ba gə́ njenaji dara ləm, Ma nja kára ba gə́ njetḭ mee naŋg karee tad rəg-rəg ləm tɔ.

Esai 45:12

Ma nja ɓa m’unda naŋg ləm, M’unda dəw m’aree si keneŋ ləm tɔ, Ma nja ɓa m’naji dara ləm, Ma nja ɓa m’unda boo-néje lai keneŋ gə lée-lée ləm tɔ.

Esai 45:18

Mbata Njesigənea̰, Yeḛ gə́ to njekunda dara ləm, Gə to Ala kára ba kiao ləm, Yeḛ gə́ to njekunda naŋg Gə́ undá aree ŋgəŋ ŋgəŋ-ŋgəŋ ləm, Yeḛ gə́ undá mba karee tel to dɔdilaloo el ləma, Yeḛ gə́ gɔlee mba kar dəwje d’isi keneŋ ləm tɔ lé Pa togə́bè pana: Ma nja m’to Njesigənea̰ Ɓó yeḛ gə́ njekorè dɔm godo.

Jeremi 30:24

Oŋg lə Njesigənea̰ Gə́ o̰ to gə́ pər bèe lé a kwəi bèm el Saar karee tɔl ne ta néje Gə́ yeḛ wɔji mée’g mba ra lé bém, Ndɔje gə́ gogo ɓa seḭ a gərje njai ɓəi.

Jeremi 48:47

Nɛ mee ndəa gə́ gogo ndá M’a tel gə Moabje Gə́ d’aw sə dee ɓee-ɓər’g lé Ree sə dee. Njesigənea̰ ɓa pa bèe. Yee nee ɓa gə́ ta gə́ gaŋg dɔ Moab’g ya.

Ejekel 38:16

I a kɔr rɔ kaw rɔ gə koso-dəwje lə neḛ gə́ Israɛl asəna gə mum gə́ a gə dəb dɔ ɓee’g bèe. Ǝi Gɔg, mee ndəaje gə́ gogo lé n’a kari aw rɔ gə ɓee lə neḛ gə mba kar ginkoji dəwje gə raŋg gər ne neḛ loo gə́ i a kar neḛ n’to gə kəmee kəm dee’g raga lé!

Loo gə́ killa rea kəm Daniel’g 10:14

Ma m’ree ɓasinè mba kari gər néje gə́ d’a gə́ teḛ dɔ dəwje’g ləi mee ndəaje gə́ d’a gə ree ɓəi. Mbata némḭdi neelé wɔji dɔ ndəaje neelé ya.

Loo gə́ killa rea kəm Daniel’g 2:28

Nɛ Ala gə́ si dan dara’g lé ɓa riba dɔ néje gə́ to loo-kiya’g ndá yeḛ nja ɓa ari-i Nebukadnesar, mbai lé oo né gə́ a gə teḛ meḛ ndɔje gə́ d’a gə ree ɓəi. Aa oo, ni ləi gə némḭdije gə́ i oo dee dɔ tira-toi’g lé ɓa nee:

Ojee 3:5

Gée gə́ gogo ndá Israɛlje d’a tel ree rɔ Njesigənea̰’g tɔɓəi d’a ndolè goo Ala lə dee ləm, gə Dabid gə́ to mbai lə dee ləm tɔ. Mee ndɔje gə́ aw ree’g lé, deḛ d’a rəm pər gə́ rɔ Njesigənea̰’g ləm gə rɔ némeemajije’g ləa ləm tɔ gə kàr gəd ya.

Misee 4:1

Mee ndɔje gə́ aw ree’g lé. Ndá dɔ mbal gə́ wɔji dɔ kəi lə Njesigənea̰ lé D’a tum ginee dɔ sém mbalje’g, Yee a kḭ dəs dɔdərloo gə́ tar Ndá koso-dəwje d’a kaḭ kaw keneŋ.

Bula lə Israɛlje 24:14

Ɓasinè aa oo, m’a tel kaw rɔ dəwje’g ləm. Gə́ ree ndá m’a kulai né gə́ dəwje neelé d’a ra gə dəwje ləi mee ndɔ gə́ d’a gə ree gogo ɓəi.

Matiyo 13:39

Njeba̰ gə́ njedubu haowa lé yee ɓa to gə́ Njekurai lé ya. Naḭ kinja kó lé yee ɓa to ndɔ gə́ rudu naŋg nee a kun ɗiao. Njékḭjakoje lé deḛ ɓa to kuraje gə́ dara tɔ.

Matiyo 17:5

Ta gə́ pa nai təa’g ɓəi ndá mum ree liriri dəb dɔ dee’g rigim ar ndu dəw ɓar mee mum’g neelé wəl pana: Yeḛ neelé to Ŋgonəm gə́ gəd-gəd gə́ m’undá dan kəm’g gə́ taa kəm rəgm ya. Taaje ta təa’g.

Matiyo 21:38

Loo gə́ njéndɔ-nduúje neelé d’aa loo d’oo ŋgon lé ndá d’ula njuma̰ meḛ na̰’d pana: Aa ooje, ŋgon gə́ njekwa-nénduba lé ya ŋga sí aw gə́ nee to ŋga. Reeje ɓó gə ar sí n’tɔleeje, j’ya̰je loo n’taaje ne nénduba ləa.

Matiyo 26:63

Jeju ila təa maree’g ndag ya si. Ŋgɔ-njekinjanéməs lé un ta ulá pana: Ma mani gə ri Ala gə́ njesikəmba, ɓó lé i to Kristi, Ŋgon-Ala lé nja ndá ula sí woḭ.

Matiyo 28:18

Jeju ree pər gə́ rɔ dee’g ula dee pana: Ma lé d’ula dɔmoŋ dɔm’g mba karm m’to dəw dɔ néje lai dara gə dɔ naŋg nee tɔ.

Matiyo 3:17

Tɔɓəi aa oo, ndu dəw ɓar mee dara’g wəl pana: Yeḛ neelé to ŋgonəm gə́ gəd-gəd gə́ m’undá dan kəm’g, yeḛ taa kəm rəgm ya.

Mark 1:1

Ta neelé to gin tagə́maji lə Jeju Kristi, Ŋgon-Ala lé.

Mark 12:6

Ŋgonee gə́ yeḛ undá dan kəmee’g ya ŋga nai, yeḛ ulá rɔ dee’g gə́ rudee. Yeḛ ə̰ji mée’g pana: D’a ɓəl kəm ŋgon mee neḛ.

Mark 12:7

Nɛ njéndɔ-nduúje lé d’ula na̰ ta pana: Aa ooje, ŋgon gə́ njekwa nénduba lé si aw gə́ nee ŋga, reeje ar sí n’tɔleeje, j’ya̰je ne nénduba ləa gə́ ka̰ síjeḛ.

Tagə́maji gə́ Ja̰ ndang 1:10

Yeḛ neelé si naŋg nee ləm, yeḛ unda naŋg nee gə néje lai gə́ to keneŋ ləm tɔ nɛ kəm dəwje gə́ dɔ naŋg nee inja dəa’g bèe el.

Tagə́maji gə́ Ja̰ ndang 1:14

TA lé tel to darɔ dəw ndá yeḛ ree si mbuna sí’g. Noji gə kankəmta taa rəa pəl-pəl. Jeḛ lé j’oo rɔnduba ləa gə́ ka̰ ŋgon gə́ gəd-gəd gə́ to darɔ Bɔbee lé ya.

Tagə́maji gə́ Ja̰ ndang 1:3

Yeḛ ɓa unda néje lai-lai, né gə́ rara kara yeḛ ɓa to njerea.

Tagə́maji gə́ Ja̰ ndang 13:3

Jeju gər gao to gə́ Bɔ-dəwje mbo̰ néje lai ɔm jia’g ləm, gə kḭ gə́ yeḛ ḭ rɔ Ala’g ləm, gə tel gə́ yeḛ a gə tel gə́ rɔ Ala’g ləm lé yeḛ gər mba̰ ləm tɔ

Tagə́maji gə́ Ja̰ ndang 13:32

Ɓó lé Ala iŋga rɔnduba rəa-yeḛ’g ndá Ala kara a kula rɔnduba kea̰-yeḛ dəa’g tɔ, waga ba bèe ndá yeḛ a kula rɔnduba dəa’g ŋga.

Tagə́maji gə́ Ja̰ ndang 15:15

Ma m’ɓar sí kuraje ləm el mbata kura lé gər néra ɓéeje el. Nɛ ma m’ɓar sí baokuraje ləm mbata néje lai gə́ ma m’oo rɔ Bɔm’g lé ma m’riba dəa pərəg m’ar sí ya.

Tagə́maji gə́ Ja̰ ndang 16:15

Né gə́ ka̰ Bɔ-dəwje lai-lai lé to gə́ kama ya, gelee gə́ nee ɓa ma m’ula sí ne m’pana: Né kamaje lé yeḛ a kun taree pa kar sí ya.

Tagə́maji gə́ Ja̰ ndang 17:2

Gə goo dɔmoŋ gə́ i ula dɔ Ŋgoni’g aree to ne dəw dɔ dəwje lai-lai lé togə́bè ɓa deḛ lai gə́ i ɔm dee jia’g lé yeḛ a kar dee d’isi gə kəməgə́ gə no̰ lé tɔ.

Tagə́maji gə́ Ja̰ ndang 3:16

Ala ndigi dəwje lai-lai dɔ naŋg nee, unda dee dan kəmee’g ɓa un Ŋgonee gə́ gəd-gəd kára ba ulá ar dee mba kar nana ɓa gə́ ɔm mée dəa’g ndá a si gə kəməgə́ gə no̰ lé ɓó a kudu nda̰ el.

Tagə́maji gə́ Ja̰ ndang 3:25

Yen ŋga njékwakila Ja̰je maḭ gə Jib kára bèe dɔ ta togo won néje’g.

Tagə́maji gə́ Ja̰ ndang 5:26

Mbata to gə́ Bɔ-dəwje si gə kəmə lé mée’g ndá yeḛ ar Ŋgon kara si gə kəmə lé mée’g togə́bè ya tɔ.

Tagə́maji gə́ Ja̰ ndang 5:27

Yeḛ un ndia aree gə mba karee gaŋg rəwta mbata yeḛ lé to gə́ Ŋgon-dəw ya.

Tagə́maji gə́ Ja̰ ndang 9:29

Jeḛ n’gər gao Moyis lé Ala wɔji səa ta gə təa ya, nɛ dəw neelé jeḛ n’gər loo-kḭyee el.

Néra Njékaḭkulaje 10:36

Ta neelé yeḛ unda ne kula ar Israɛlje gə mba kar dee gər gao gin Jeju Kristi lé ɓa d’a kiŋga meekulɔm keneŋ mbata yeḛ to Mbaidɔmbaije lə dəwje lai-lai ya.

Néra Njékaḭkulaje 2:17

Ala pana: ndɔ gə́ rudu ndəa a gə kun ɗiao lé M’a kɔm Ndilm dɔ dəwje’g lai gə loo-loo. Ndá ŋgan síje gə́ diŋgam gə njé gə́ dené d’a tegginta ləm, Basaje lə sí d’a koo né gə némḭdije lé ləma, Ɓugaje lə sí d’a koo né gə nije ləm tɔ.

Njé gə́ Rɔmə 1:4

nɛ teḛ gə́ yeḛ teḛ dɔkumbwa’g lé yee ɓa riba dəa to gə́ yeḛ to Ŋgon-Ala gə́ njesiŋgamoŋ gə goo Ndilmeenda.

Njé gə́ Rɔmə 8:17

Ɓó lé jeḛ n’to ŋganeeje ndá jeḛ n’to njékiŋga nédɔji síje lé. Ɓó lé jeḛ j’ula rɔ sí ndubu gə Kristi na̰’d gə mba kiŋga səa rɔnduba na̰’d ndá j’a to njékiŋga nédɔjije lə Ala na̰’d gə Kristi tɔ.

1 Njé gə́ Kɔrḭtə 2:7

Kəmkàr lə Ala gə́ to loo-kiya’g kɔrɔg ɓa jeḛ ndoo sí. Kəmkàr neelé Ala nja wɔji kédé par-par ɓad ɓa d’un kudu tura ləb dee ɓəi gə mba kula ne rɔnduba dɔ sí’g ya.

1 Njé gə́ Kɔrḭtə 8:6

Ndá jeḛ lé Ala lé Bɔ síje lé to kára ba kiao. Néje lai ḭ rəa’g ləm, jeḛ lé j’isi gə́ kea̰-yeḛ nja ləm tɔ. Mbaidɔmbaije lə sí Jeju Kristi lé to gə́ kára ba kiao tɔ. Mbɔl dəa-yeḛ nja ɓa néje lai to ne keneŋ ləm, jeḛje kara j’isi ne keneŋ gə mbəa-yeḛ nja ləm tɔ.

Njé gə́ Galati 4:4

Nɛ loo gə́ ndəa gə́ Ala wɔji lé aw lée’g béréré ndá yeḛ ula Ŋgonee ar dené ojee gin godndu’g,

Njé gə́ Epesə 1:10

mba kar loo gə́ ndɔ gə́ wɔji dəa a kaw lée’g béréré ndá yeḛ a mbo̰ néje lai na̰’d gin Kristi’g ya, néje gə́ dara ləm, gə néje gə́ naŋg nee ləm tɔ,

Njé gə́ Epesə 3:9

mba kar kəm dee inja dɔ ta gə́ to loo-kiya’g rɔ Ala gə́ njekunda néje lai kédé gə́ dɔtar saar ɓasinè ləm tɔ.

Tel tura Godndu 18:15

Ala lə sí gə́ Njesigənea̰ a kɔr dəw kára mbuna ŋgako̰ síje’g karee to njetegginta to gə́ ma bèe ndá seḭ a kooje ta ləa!

Tel tura Godndu 31:29

Mbata ma m’gər gao loo gə́ m’wəi mba̰ ndá seḭ a gə kosoje dan kaiyaje’g ləm, seḭ a gə kya̰je goo rəw gə́ ma m’wɔji sí lé ləm tɔ, ŋga némajelje d’a teḛ dɔ sí’g loo gə́ seḭ a raje né gə́ majel kəm Njesigənea̰’g saar mba kar mée ea̰ ne dɔ kula’d gə́ seḭ raje lé.

Tel tura Godndu 4:30

Dan nékəmndoo’g lə sí lé néje nee lai d’a ree dɔ sí’g. Togə́bè ɓa ndəa gə́ gogo ndá seḭ a telje gə́ rɔ Njesigənea̰ Ala’g lə sí ləm, seḭ a kooje ndia ləm tɔ,

Ǝbrəje 1:5

See na̰ ɓa mbuna dəwje gə́ dara lé Ala ulá ta nee pana: I to Ŋgonəm, Ɓogənè ɓa m’ojii ya. See yeḛ pa bèe wa. Esé see yeḛ pa pana: M’a to Bɔbeeje ləm, Yeḛ a to Ŋgonəm ləm tɔ See yeḛ pa bèe wa.

Ǝbrəje 1:8

Nɛ aa ooje, ta gə́ yeḛ ula Ŋgonee lé ɓa nee: Ǝi Ala, kalimbai ləi to saar gə no̰. Kag-mbai gə́ ka̰ ko̰ɓee ləi lé ɓa to kag-mbai gə́ ka̰ meekarabasur.

Ǝbrəje 11:3

Meekun lé ɓa jeḛ j’oo to gə́ tapa Ala ɓa yeḛ unda ne naŋg nee ar néje gə́ jeḛ j’oo gə kəm sí el lé Ala mbo̰ dee unda ne néje gə́ jeḛ j’oo gə kəm sí.

Ǝbrəje 2:3

ndá ɓó lé jeḛ ndoo bao dɔ boo-kaji gə́ Mbaidɔmbaije ila mberee kédé ləm, deḛ gə́ d’oo ta ləa təa’g d’ɔr ginee d’ar sí j’oo ləm tɔ ndá see j’a kiya rɔ sí ra ɓa mba kar ta wa dɔ sí el wa.

Ǝbrəje 3:6

Nɛ Kristi gə́ njaa gə ŋgonkoji mee kəi’g lə Ala lé to gə́ Ŋgonee. Ndá jeḛ nja n’to gə́ kəi ləa-yeḛ lé loo gə́ j’aar njaŋg dɔ né gə́ j’ɔm meḛ sí dɔ’g ləm, gə dɔ némeekundayel gə́ jeḛ n’ti ne rɔ sí dɔ’g ləm tɔ.

Ǝbrəje 4:14

Bèe ndá Jeju, Ŋgon-Ala lé to ŋgɔ-njekinjanéməs lə sí gə́ andə mee dara’g mba̰ ndá maji kar sí j’aar njaŋg dɔ meekun’g lə sí gə́ j’un j’aree.

Ǝbrəje 5:8

Yeḛ to ŋgon mee bɔbee ya nɛ yeḛ kara némeeko̰ gə́ rəa ɓa yeḛ ndoo ne loo kila ne ŋgonkoji dɔ bɔbeeje’g.

Ǝbrəje 7:28

Tɔgərɔ ya, godndu lé ɔr dəwje gə́ to gə́ njérəmje ɓa unda dee gə ŋgɔ-njékinjanéməsje, nɛ ta manrɔ gə́ orè goo godndu lé yee ɓa ɔr Ŋgon gə́ maji péd-péd lé undá gə́ njekinjanéməs saar-saar gə no̰.

Ǝbrəje 7:3

Yeḛ neelé bɔbeeje godo ləm, kea̰je kara godo ləma, gin ka-dɔgeje godo ləm tɔ. Dəw oo ndɔ kojee əsé ndɔ gə́ kəmə ləa godo lé el tɔ. Nɛ deḛ d’ée gə́ dəw gə́ tel to asəna gə Ŋgon-Ala ya. Melkisedek neelé sí gə́ njekinjanéməs ya saar-saar gə no̰.

Ǝbrəje 9:26

Ɓó lé to togə́bè ndá nékəmndoo a ra Kristi gɔl bula ndɔ tum gel naŋg nee saar, nɛ ɓasinè loo gə́ rudu naŋg nee nai dəb ndá yeḛ unda loo teḛ mba tuji ne kó kaiya gə nékinjaməs gə́ to gə́ darəa-yeḛ ya.

1 Piɛrə 1:20

Ala nja ɔree ar sí mba̰ ɓa yeḛ tum gin naŋg nee ɓəi ləm, ndɔ gə́ rudu neelé yeḛ riba dəa mbata lə sí ləm tɔ.

2 Piɛrə 3:3

Kona ta gə́ kəm gər kédé lé ɓa to nee: Ndəa gə́ rudee a gə kun ɗiao lé ndá njédəjinduje d’a kḭ gə ta dəjinduje lə dee lé deḛ gə́ d’a gə ra né gə goo malee gə́ ra dee-deḛ lé

Jude 1:18

Deḛ d’ula sí pana: ndɔ gə́ rudu lé njédəjinduje d’a si keneŋ ya, d’a ra gə goo mal néje gə́ yèr gə́ ra dee lé.