Ǝbrəje 1:1 - Maktub gə́ To gə Kəmee

¹ Ləw ləw ɓa Ala pata gə tapea ləm, gə néreaje ɓəd-ɓəd gə́ d’ɔs goo na̰ goo na̰ ar ka síje d’oo ar njéteggintaje ɓa ria ne sə dee dəa ya.

Ǝbrəje 1:1 Iomraidhean Croise

Gḭ-Néje 3:15

M’a kar ba̰ to mbuna sí-seḭ gə dené’g ləm, Gə mbuna ŋgakaije gə ŋgakea-yeḛje’g ləm tɔ. Yeḛ a rəd dɔi naŋg Ndá i a to̰ gel gɔlee tɔ.

Gḭ-Néje 6:3

Yen ŋga Njesigənea̰ pa pana: Ndiləm a si mee dəw’g saar-saar gə no̰ el mbata dəw lé to gə́ dakasrɔ ba ndá ndɔje gə́ ka̰ si kəmba ləa d’a kas ləb tɔl dəa rɔ-joo ba ŋga.

Lugu 1:55

To némeemaji gə́ yeḛ ra gə Abrakam deḛ gə ŋgakeaje saar gə no̰.

Lugu 1:72

Togə́bè ɓa yeḛ teggin némeekɔrjol ləa gə́ yeḛ ra ar ka síjeḛ lé ləm, Yeḛ ar mée olé dɔ manrɔ’g ləa gə́ to gə kəmee ləm tɔ.

Lugu 24:27

Tɔɓəi un ginee ɓee lə Moyis gə ɓee lə njéteggintaje lai lé yeḛ ɔr sə dee gintaje lai gə́ to mee maktub gə́ to gə kəmee gə́ pata wɔji ne dəa-yeḛ lé ar dee ya.

Lugu 24:44

Tɔɓəi yeḛ ula dee pana: Ta né gə́ teḛ lé to ta gə́ ma m’ula sí loo gə́ ma m’nai sə sí ɓəi lé ya, mba kar lé riri kara taje lai gə́ deḛ ndaŋg mee maktub godndu Moyis’g ləm, gə ka̰ njéteggintaje ləma, gə yee gə́ ndaŋg mee maktub Pakɔs’g ləm tɔ d’wɔji ne dɔm lé a kaw lée’g béréré togə́bè ya.

Tagə́maji gə́ Ja̰ ndang 16:13

Loo gə́ njenai sə sí, yeḛ gə́ to Ndil gə́ gəd lé a ree ndá yeḛ a kɔr no̰ sí dan kankəmta’g, mbata yeḛ a kula sí ta gə́ mbaiyee kea̰ el, nɛ taje lai gə́ yeḛ oo lé ɓa yeḛ a kula sí ləm, yeḛ a riba sə sí dɔ néje gə́ d’a gə ree lé ləm tɔ.

Tagə́maji gə́ Ja̰ ndang 7:22

Moyis wɔji sí loo kinja tamɔd sí nɛ ginee ḭ rɔ ka síje’g ɓó ḭ rəa-yeḛ’g el. Ndá seḭ injaje tamɔd dəw gə ndɔ-kwa-rɔ.

Tagə́maji gə́ Ja̰ ndang 9:29

Jeḛ n’gər gao Moyis lé Ala wɔji səa ta gə təa ya, nɛ dəw neelé jeḛ n’gər loo-kḭyee el.

Néra Njékaḭkulaje 13:32

Tɔɓəi jeḛ nja jeḛ j’ula sí tagə́maji neelé, ndukun gə́ Ala un ar ka síjeḛ lé

Néra Njékaḭkulaje 2:30

Yeḛ lé to gə́ njetegginta ləm, yeḛ gər gao, Ala nja man rəa aree mba kar ŋgokea kára mbuna ŋgakeaje’g si kalimbai’g ləa tar gao ya.

Néra Njékaḭkulaje 28:23

D’wɔji ndɔ dee d’aree ɓa njé gə́ na̰je bula ree d’iŋgá kəi gə́ yeḛ si keneŋ lé. Pool ɔr ta riba ne dɔ ɓeeko̰ lə Ala, ɔr ne ginta godndu Moyis gə ka̰ njéteggintaje gə́ wɔji dɔ Jeju ula ne ta meḛ dee’g. D’wɔji na̰ ta dɔ’g gə ndɔ ya saar d’ar kàrkemetag dɔ dee’g.

Néra Njékaḭkulaje 3:21

Yeḛ neelé a ra ɓee dara saar ndɔ gə́ d’a tel gɔl néje lai lée’g gogo gə goo ta gə́ Ala ula ta njéteggintaje’g ləa gə́ to gə kəmee lé.

Ǝbrəje 11:18

Ala kara ulá ta wɔji ne dəa ləm tɔ pana: Gin Isaak ɓa i a kiŋga ne ŋgakaije gə́ rii a ɓar dɔ dee’g lé.

Ǝbrəje 11:2

Dəwje gə́ ləw lé meekun lə dee ɓa Ala oo dee ne gə́ dəwje gə́ maji.

Ǝbrəje 12:25

Meḛ sí dɔ rɔ sí’g! Yeḛ gə́ ula sí ta lé uduje mbi sí dɔ ta’g ləa el. Mbata deḛ gə́ d’udu mbi dee dɔ ta’g lə yeḛ gə́ ndəji dee dɔ naŋg neelé deḛ teḛ ne ta yoo’g el, nɛ ɓəd ɓa see jeḛ gə́ j’udu mbi sí dɔ ta’g lə yeḛ gə́ si dara lé see j’a teḛ ta yoo’g loo gə́ ra wa.

Ǝbrəje 2:2

Mbata ɓó lé ta gə́ kuraje gə́ dara pa taree lé ra née ləm, ɓó lé nana ɓa gə́ ɔs ta nee rəw əsé al ta təa’g ɓa d’ar bo̰ nérea ɔs təa’g ləm tɔ

Ǝbrəje 2:3

ndá ɓó lé jeḛ ndoo bao dɔ boo-kaji gə́ Mbaidɔmbaije ila mberee kédé ləm, deḛ gə́ d’oo ta ləa təa’g d’ɔr ginee d’ar sí j’oo ləm tɔ ndá see j’a kiya rɔ sí ra ɓa mba kar ta wa dɔ sí el wa.

Ǝbrəje 3:5

Moyis lé njaa gə ŋgonkoji mee kəi’g lə Ala wa loo wɔr-wɔr asəna gə kura ba gə mba kɔr gin né gə́ d’a gə pa ɓəi.

Ǝbrəje 4:8

Tɔgərɔ ya ɓó lé Juje ar dee loo-kwa-rɔ lə dee ndá Ala a pa kwɔji ne ndɔ gə́ raŋg el ŋga.

Ǝbrəje 5:5

Togə́bè ɓa rɔnduba gə́ wɔji dɔ ŋgɔ-njekinjanéməs lé Kristi kara ula dəa’g gə dɔrea el tɔ. Nɛ yeḛ iŋga rɔ yeḛ gə́ pana: I to Ŋgonəm, ɓogənè ɓa m’ojii.

Ǝbrəje 9:19

Moyis lé loo gə yeḛ ɔr godnduje neelé gə ria-ria no̰ koso-dəwje’g ndá yeḛ taa məs ŋgan maŋgje ləm, gə bàl bya̰je ləma, gə mán ləm tɔ. Məs ŋgan maŋgje gə bàl bya̰je lé d’orè gə mán ləm, gə bḭ badə gə́ kas ləma, gə gərgənd ləm tɔ ndá yeḛ saga məs gə mán neelé dɔ maktub’g ləm, gə dɔ dəwje’g lai ləm tɔ pana: