Loo gə́ killa rea kəm Daniel’g 8:3 - Maktub gə́ To gə Kəmee

³ M’un kəm gə́ tar m’aa ne loo ndá aa oo, m’oo bàl badə gə́ uba gajeeje joo gə́ aar ta baa’g. Gajeje neelé ŋgal ya nɛ yee gə́ kára ŋgal unda maree, tɔɓəi yee neelé to yee gə́ uba gogo goo maree’g.

Loo gə́ killa rea kəm Daniel’g 8:3 Iomraidhean Croise

1 Sôrta Gḭka-Israɛlje 21:16

Dabid un kəmee oo kura gə́ dara gə́ aar mbuna dara gə naŋg nee’g. Kiambas gə́ yeḛ ɔr sɔlee’g to jia’g ula par gə́ Jerusalem. Yen ŋga Dabid gə ŋgatɔgje d’ula kubu-kwa-ndòo rɔ dee’g d’oso bəbərə dəb ne kəm dee naŋg.

Esdras 1:2

Sirus, mbai gə́ Persə pa togə́bè pana: Njesigənea̰ Ala gə́ si dara lé am ɓeeko̰je lai gə́ dɔ naŋg nee ləm, yeḛ un ndia mba kam m’unda kəi-mbai mee ɓee gə́ Jerusalem dɔ naŋg gə́ Juda’g m’aree ləm tɔ.

Esdras 4:5

Deḛ d’odo lar d’uga ne dəwje gə́ njékwɔji takəmkàrje mba kar dee tuji ne gin kula lə dee lé. Deḛ ra togə́bè mee ndəa gə́ Sirus, mbai gə́ Persə si ne gə kəmee ɓəi ləm, saar teḛ mee ndəa gə́ Darius tel to ne mbai gə́ Persə ləm tɔ.

Este 1:3

Ləb ko̰ɓee ləa gə́ njekɔm’g munda lé yeḛ ar dee ra muru-gad mbata lə ŋgan-mbaije ləa lai ləm, gə kuraje ləa ləm tɔ. Ɓé-njérɔje lə Persəje gə Medəje ləm, gə dəwje gə́ boo-boo ləma, gə njékaa dɔ dəb ɓeeko̰je ləm tɔ lé mbo̰ dɔ na̰ nea̰’g.

Esai 13:17

Aa ooje, n’a kɔs kudu Medje ɓɔḭ-ɓɔḭ gə́ dɔ dee’g Deḛ gə́ d’oo larnda gə́ né el ləm, Gə d’ar kəm dee əḭ dɔ larlɔr’g el ləm tɔ.

Esai 21:2

Némḭdi gə́ to ɓəl kədm-kədm inja kəm’g. Njekula kəm loo ndòo ula kəm loo ndòo ləm, Njetujiloo tuji loo ləm tɔ. Seḭje gə́ Elam, ɔrje rɔ rɔje! Seḭje gə́ Médi, aḭje dɔ ɓee-boo sub gə rɔ! M’a kar tuma̰ rɔ ŋgururu-ŋgururu lə dəwje godo lai.

Esai 44:28

Ma m’pata wɔji dɔ Sirus m’pana: Yeḛ to gə́ njekulbadje ləm, Yeḛ a ra torndum karee aw lée’g béréré, Yeḛ a pata kwɔji dɔ Jerusalem pana: Maji kar dee tel gɔlee gogo! Tɔɓəi yeḛ a pata kwɔji ne dɔ kəi gə́ to gə kəmee pana: Maji kar dee tel tum gelee gogo!

Jeremi 51:11

Olje ndo̰ kag ɓandaŋgje lə sí ləm, Waje dərje lə sí kègègè ləm tɔ! Njesigənea̰ ɔs kudu mbaije gə́ Médi ɓɔḭ-ɓɔḭ, Mbata yeḛ wɔji mée’g Gə mba tuji Babilɔn, Mbata to dalba̰ lə Njesigənea̰, To dalba̰ gə́ wɔji dɔ kəi ləa Gə́ to gə kəmee.

Loo gə́ killa rea kəm Daniel’g 10:5

M’un kəm gə́ tar m’aa ne loo ndá, m’oo dəw kára gə́ ula kubu gə́ d’ṵji gə kúla palégal rəa’g ləm, wa rḛgee gə ndar gə́ ra gə larlɔr gə́ d’ḭ ne Upaj ləm tɔ.

Loo gə́ killa rea kəm Daniel’g 2:39

Ɓeeko̰ gə́ raŋg gə́ a kḭ gooi’g gogo lé siŋgá a kasəna gə kaḭ el. Tɔɓəi ɓeeko̰ gə́ njekɔm’g munda gə́ a to gə́ larkas lé a ko̰ɓee dɔ naŋg nee lai.

Loo gə́ killa rea kəm Daniel’g 6:28

Yeḛ nja ɓa ɔr dəwje Dan tuji’g aji dee ləm, Yeḛ ar nétɔjije gə nédumkooje To dan dara’g gə dɔ naŋg nee ləm tɔ. Yeḛ nja ɓa taa Daniel Ji siŋgamoŋ’d lə toboḭje lé tɔ.

Loo gə́ killa rea kəm Daniel’g 7:5

Aa oo, da gə́ njekɔm’g joo lé to tana gə da-urs ləm, yeḛ ḭ tar dɔ gɔlee gə́ gogo ləm tɔ. Yee to̰ siŋga seŋgəre kaar da munda təa’g ndá d’ulá pana: Ḭta usɔ dakasrɔ da neelé aree asi nag.

Loo gə́ killa rea kəm Daniel’g 8:2

Loo gə́ né ram gə́ mḭdi lé m’oo to gə́ m’isi Susə, ɓee-boo gə́ to mee dəb ɓeeko̰ gə́ Elam. Loo gə́ né si ram gə́ mḭdi lé ndá m’aar ta baa gə́ ria lə Ulai.

Loo gə́ killa rea kəm Daniel’g 8:20

Bàl badə gə́ ma m’ée gə́ gajeeje joo lé yee ɓa wɔji dɔ mbaije lə Medəje gə Persəje.

Jakari 2:1

Ma m’un kəm gə́ tar ndá aa oo, ma m’oo gaji daje sɔ.

Jakari 5:1

Ma m’un kəm gə́ tar gɔl kára ya tɔɓəi m’aa loo ndá aa oo, maktub gə́ kə́ na̰’d mber-mber gə́ ḭtar nar jərəŋ.

Jakari 5:5

Kura gə́ dara gə́ njekwɔji səm ta lé aw gə́ kédé ndá yeḛ ulam pana: Maji kam m’un kəm gə́ tar m’oo né gə́ teḛ kən.

Jakari 5:9

Ma m’un kəm m’aa loo ndá aa oo, denéje joo d’unda loo teḛ. Lel ula bag dee’g, bag dee to keneŋ to gə́ ka̰ ndilili-woḭ bèe. Deḛ d’un karè lé d’aw ne mbuna dara’g gə naŋg’d nee.

Jakari 6:1

Ma m’un kəm gə́ tar gɔl kára ya tɔɓəi m’aa loo ndá aa oo, pusu-rɔje sɔ teḛ mbuna mbalje gə́ ŋgal léŋgé-léŋgé’g joo, nɛ mbalje neelé to gə́ mbalje gə́ to gə́ larkas.

Bula lə Israɛlje 24:2

Balaam un kəmee gə́ tar ndá yeḛ oo Israɛlje gə́ d’isi loo-si dee’g gə goo ginkoji lə dee lə dee. Tɔɓəi Ndil Ala teḛ dəa’g tɔ.

Jujé 5:13

Loo gə́ Juje teḛ mbɔr Jeriko’g dəb ndá yeḛ un kəmee gə́ tar oo ne diŋgam kára gə́ aar nea̰’g gə kiambas gə́ yeḛ ɔr sɔlee’g jia’g. Yeḛ aw rəa’g dəjee pana: See i lé to gə́ ka̰ síjeḛ əsé ka̰ njéba̰je lə sí wa.

Loo gə́ killa rea kəm Ja̰’g 13:11

Tɔɓəi ma m’oo da gə́ raŋg gə́ ḭ dɔ naŋg neelé, gajeeje joo to tana gə ka̰ ŋgon badə bèe ləm, tapea to asəna gə tapa dakɔb bèe ləm tɔ.

Loo gə́ killa rea kəm Ja̰’g 5:6

M’aa loo ndá loo gə́ dan kalimbai’g ləm, gə mbuna nékundaje lə Ala sɔ gə́ d’aw kəmba ləma, gə mbuna ŋgatɔgje’g ləm tɔ lé m’oo Ŋgonbad gə́ to asəna gə ŋgonbad gə́ d’inja gə́ məs ya aar keneŋ. Ŋgonbad neelé lé gajee siri ləm, kəmee siri ləm tɔ. Deḛ ɓa gə́ ndilje lə Ala gə́ siri gə́ yeḛ ula deḛ gə́ d’un loo lad-lad dɔ naŋg nee.