Loo gə́ killa rea kəm Daniel’g 8:2 - Maktub gə́ To gə Kəmee

² Loo gə́ né ram gə́ mḭdi lé m’oo to gə́ m’isi Susə, ɓee-boo gə́ to mee dəb ɓeeko̰ gə́ Elam. Loo gə́ né si ram gə́ mḭdi lé ndá m’aar ta baa gə́ ria lə Ulai.

Loo gə́ killa rea kəm Daniel’g 8:2 Iomraidhean Croise

Gḭ-Néje 10:22

Ri ŋgalə Sem ɓa nee: Elam, gə Asur, gə Arpaksad, gə Lud gə Aram.

Gḭ-Néje 14:1

Mee ləb gə́ Amrapel to ne mbai gə́ Sineyar ləm, Arjok to ne mbai gə́ Elasar ləm, Kedorlaomer to ne mbai gə́ Elam ləma, Tidəal to ne mbai gə́ Gojim ləm tɔ lé

Nehemi 1:1

Taje gə́ Nehemi, ŋgolə Hakalia pa lé, pana: Mee naḭ gə́ ɓaree Kislə, gə mee ləb gə́ njekɔm’g rɔ-joo lé, loo gə́ m’isi Susə gə́ to ɓee-boo lé ndá

Este 1:2

Mee ndəaje’g neelé mbai Asuerus si dɔ kalimbai ko̰ɓee’g ləa gə́ to Susə gə́ to ɓee-boo lé.

Este 2:8

Loo gə́ d’ila mber godndu lə mbai gə goo ndukun ləa lé ndá deḛ mbo̰ ŋgama̰dje bula mee ɓee-boo gə́ Susə, d’ɔm dee ji Hege’g ndá Este kara d’ɔree d’aw səa kəi lə mbai, d’aw d’ilá ji Hege’d gə́ to njeŋgəm denéje lé tɔ.

Este 3:15

Njékaḭkulaje d’ɔs rɔ dee ɓad d’aw ne gə goo ndukun lə mbai lé. Ndukun neelé d’ila mberee mee ɓee-boo’d gə́ Susə tɔ. Yen ŋga loo gə́ mbai deḛ gə Aman d’isi d’ai né bèe-bèe ndá dəwje gə́ ɓee-boo gə́ Susə lé d’aw dɔ na̰’d bèe wur-wur tɔ.

Este 7:6

Este tel ilá keneŋ pana: Njekula kəm loo ndòo ləm, gə njeba̰ ləm tɔ lé to Aman, njemeeyèr neelé ya. Ɓəl unda Aman badə gaŋgee no̰ mbai’g ləm, gə no̰ dené’g ləa ləm tɔ.

Este 8:15

Mardose unda loo kəi lə mbai teḛ gə kubu-mbai gə́ ndul ɗigi gə ndá kələw-kələw ləm, gə dɔgugu gə́ boi gə́ ra gə larlɔr dəa’g ləma, gə kubu gə́ boi yul gə́ d’ṵji gə kúla palégal gə́ ndul piro-piro ləm tɔ. Dəwje gə́ ɓee-boo gə́ Susə lé d’ɔr ndu dee gə́ tar wəl gə rɔlel d’al ne rɔ dee tɔ.

Este 9:11

Mee ndəa’g neelé deḛ d’ula mbai bula lə dəwje gə́ deḛ tɔl dee mee ko̰ɓee gə́ Susə lé.

Este 9:15

Togə́bè ɓa Jibje gə́ d’isi Susə lé mbo̰ dɔ na̰ gɔl kára ya tɔɓəi mee ndɔ gə́ njekɔm’g dɔg-giree-sɔ mee naḭ Adar’g ndá deḛ tɔl dəwje tɔl-munda (300) mee ɓee gə́ Susə ya ɓəi. Nɛ deḛ d’ula ji dee d’un ne né lə dee el.

Esai 11:11

Mee ndəa’g neelé ya Mbaidɔmbaije a kun jia tar gɔl kára ya ɓəi Mba taa ne dɔ ges koso-dəwje gə́ nai lé gogo, Deḛ gə́ sanéna̰ mee ɓee gə́ Asiri, gə Ejiptə, Gə Patros, gə Etiopi, Gə Elam, gə Sineyar, gə Amat, Gə dɔgoré-looje gə́ dan baa-boo-kad’g tɔ.

Esai 21:2

Némḭdi gə́ to ɓəl kədm-kədm inja kəm’g. Njekula kəm loo ndòo ula kəm loo ndòo ləm, Njetujiloo tuji loo ləm tɔ. Seḭje gə́ Elam, ɔrje rɔ rɔje! Seḭje gə́ Médi, aḭje dɔ ɓee-boo sub gə rɔ! M’a kar tuma̰ rɔ ŋgururu-ŋgururu lə dəwje godo lai.

Jeremi 25:25

M’ar mbaije lai gə́ Jimri ləm, gə mbaije lai gə́ Elam ləma, gə mbaije lai gə́ Médi ləm tɔ lé d’ai.

Ejekel 1:1

Mee ləb gə́ njekɔm’g rɔ-munda lé gə ndɔ mi lə naḭ gə́ njekɔm’g sɔ lé ndá, loo gə́ m’isi mbuna ɓərje’g mbɔr baa’d gə́ ria lə Kebar lé ndá, kəm dara teḛ am m’oo némḭdije gə́ d’ḭ rɔ Ala’g lé.

Ejekel 32:24

Lée nee ɓa mbai gə́ Elam to keneŋ ar njé’g ləa gə́ bula digi-digi gugu dɔ dɔɓaree sub, deḛ lai lé d’wəi yoo-kiambas ya. Deḛ to njépole-magəje gə́ d’aw gin naŋg’d gə́ bər lé deḛ gə́ to njékɔm ɓəl-boo mee ɓee’g lə njé gə́ d’isi kəmba ndá deḛ d’aw gə rɔkul-boo lə dee rɔ njé gə́ dubu dee bwa-dɔɓar’g.

Loo gə́ killa rea kəm Daniel’g 10:4

Ndɔ rɔ-joo-giree-sɔ mee naḭ gə́ dɔtar ndá m’aar ta baa gə́ boi gə́ ria lə Hidekel.

Loo gə́ killa rea kəm Daniel’g 7:15

Ma Daniel, məəm to kəgəgə ləm, némḭdije gə́ m’oo kara am m’unda bala ləm tɔ.

Loo gə́ killa rea kəm Daniel’g 7:2

Daniel un ta pa pana: Loo gə́ né ram gə́ mḭdi loondul’g lé m’aa loo gərərə ndá aa oo, lelje gə́ dara sɔ d’ḭ d’ula mbḭ-mbḭ dɔ baa-boo-kad’g.

Loo gə́ killa rea kəm Daniel’g 8:1

Mee ləb ko̰ɓee’g lə mbai Belsasar gə́ njekɔm’g munda lé ma Daniel, né ram gə́ mḭdi orè ne goo némḭdi gə́ m’oo kédé lé ya ɓəi.

Loo gə́ killa rea kəm Daniel’g 8:3

M’un kəm gə́ tar m’aa ne loo ndá aa oo, m’oo bàl badə gə́ uba gajeeje joo gə́ aar ta baa’g. Gajeje neelé ŋgal ya nɛ yee gə́ kára ŋgal unda maree, tɔɓəi yee neelé to yee gə́ uba gogo goo maree’g.

Bula lə Israɛlje 12:6

Yeḛ pana: Ooje ta ləm maji, loo gə́ njetegginta a si mbuna sí’g ndá némḭdi ɓa ma Njesigənea̰ m’a riba ne səa dɔ rɔm ləm, ni ɓa m’a kwɔji ne səa ta ləm tɔ.

Ǝbrəje 1:1

Ləw ləw ɓa Ala pata gə tapea ləm, gə néreaje ɓəd-ɓəd gə́ d’ɔs goo na̰ goo na̰ ar ka síje d’oo ar njéteggintaje ɓa ria ne sə dee dəa ya.

Loo gə́ killa rea kəm Ja̰’g 9:17

Togə́bè ɓa m’oo kunda-kaw-rɔje lé gə́ némḭdi, m’oo njékuba gir deeje tɔ. Njékṵdaje neelé kubu-lar gə́ ŋgira kiŋ-kiŋ gə́ to rɔ dee’g lé kas asəna gə pər bèe ləm, gə ndul asəna gə jər gə́ ɓaree hyasintə ləma, gə kas asəna gə kṵji pər bèe ləm tɔ. Dɔ kundaje lé to asəna gə dɔ toboḭje. Pər teḛ ta dee’g gə sia ləm, gə kṵjee ləm tɔ.