Loo gə́ killa rea kəm Daniel’g 7:4 - Maktub gə́ To gə Kəmee

⁴ Yeḛ gə́ dɔtar lé to tana gə toboḭ nɛ bagee to keneŋ asəna gə ka̰ niŋgatə̰də bèe. Ma m’eaa gərərə saar loo gə́ deḛ tɔr bageeje ndá, d’unee naŋg d’uree tar gə gɔlee asəna gə dəw bèe ndá d’ar mée tel to asəna gə mee dəw bèe tɔ.

Loo gə́ killa rea kəm Daniel’g 7:4 Iomraidhean Croise

2 Samel 1:23

Sawul gə Jonatan ndigi na̰ D’unda na̰ dan kəm na̰’d Loo gə́ d’aw ne kəmba, Ndá ndɔ kwəi lə dee kara D’ya̰ na̰ el tɔ. Rɔ dee wɔilɔ pélé-pélé Unda niŋgatə̰dəje ləm, Siŋga dee kara unda ka̰ toboḭje ləm tɔ.

Maktub gə́ wɔji dɔ Jɔb 25:6

Nɛ ɓəd ɓəi ɓa dəw gə́ to kuru ləm, Gə ŋgon dəw gə́ to kuru ləm tɔ ɓəi wa.

Pakɔsje 9:20

Ǝi Njesigənea̰, maji kari ḭta! Maji kar dəw kára kara dum dɔi el! Maji kar ginkoji dəwje gə raŋg ree nɔḭ’g Gə mba kari gaŋg rəwta dɔ dee’g!

Jeremi 25:38

Yeḛ uba loo-siée ya̰ To gə́ ŋgon toboḭ gə́ uba loo-tée ya̰ bèe. Mbata ɓee lə dee tel dɔ dɔdilaloo Gə goo meekḭ jugugu Gə oŋg-boo lə njetujiloo lé.

Jeremi 4:13

Aa ooje, njetujiloo lé Si ree gə́ nee asəna gə mum, Pusu-rɔje ləa d’aiŋgwɔd To gə́ lel-mal bèe ləm, Gɔl kundaje ləa wɔilɔ pélé-pélé To gə́ niŋgatə̰də bèe ləm tɔ. Meeko̰ oso dɔ sí’g mbata jeḛ n’tuji ŋga!

Jeremi 4:7

Toboḭ ḭ loo-kum’g unda loo teḛ ləm, Njetuji ginkoji dəwje gə raŋg lé Uba loo-tée ya̰ Si njaa gə mba tuji ɓee lə sí, Ɓee-booje lə sí d’a tuji pugudu-pugudu ləm, Dəw kára kara a nai keneŋ el ləm tɔ.

Jeremi 48:40

Mbata Njesigənea̰ pa togə́bè pana: Aa ooje, njeba̰ lé ḭ nar to gə́ mal bèe ləm, yeḛ naji bagee dɔ Moab’g ləm tɔ.

Jeremi 49:19

Aa ooje, yeḛ ḭ ta koŋgo baa-boo Gə́ Jurdɛ̰ gə́ siŋ siŋ-siŋ Aw rɔ gə loo-kaar-kɔgərɔ Gə́ ŋgəŋ ŋgəŋ-ŋgəŋ to gə́ toboḭ bèe, Léegəneeya m’a kɔs Edɔm rad Tubá karee aḭ Ndá m’a kunda yeḛ gə́ ma m’ɔree lé toree’g. Mbata see na̰ ɓa to tana səm wa. See na̰ ɓa a kun ndukunje kam wa. See mbai gə́ ra ɓa Askəm kɔsm ŋgərəŋ wa.

Nɔ̰-ndôo gə́ wɔji dɔ Jerusalem 4:19

Njékula kəm sí ndooje lé Rɔ dee wɔilɔ pélé-pélé unda niŋgatə̰dəje Gə́ d’aw pə̰ dara’g bèe, Deḛ korə sí dɔ mbalje’g ləm, Deḛ d’um sí dɔdilaloo’g ləm tɔ.

Ejekel 17:3

M’a pa pana: Mbaidɔmbaije gə́ Njesigənea̰ pa togə́bè pana: Nḭgatə̰də gə́ boi gə́ bagee tad gəbəbə un loo lad-lad ar bèlee ɔm pɔ-pɔ gə ndaŋg rɔg-rɔg aw saar teḛ dɔ mbal gə́ Liba̰ aw təd dɔ sém kag-sɛdrə.

Ejekel 28:2

I ŋgon-dəw lé, ula mbai gə́ njeko̰ dəb ɓeeko̰ gə́ Tir pana: Mbaidɔmbaije gə́ Njesigənea̰ pana: I beelé məəi’g pana: I to Ala. I si dɔ kalimbai’g lə Ala ŋgaw dan baa-boo-kadje’g! Nɛ i lé to dəw ɓó to Ala el. I un né gə́ məəi ndigi aree taa tor né gə́ mee Ala ndigi.

Ejekel 28:9

No̰ njetɔli’g lé see i a pana: I to Ala nja tɔɓəi wa. I a to dəw ɓó a to Ala meḛ ji yeḛ gə́ a tɔli’g lé el.

Loo gə́ killa rea kəm Daniel’g 2:38

Dəwje gə daje gə́ wala gə yelje lé loo gə́ rara gə́ d’aw keneŋ lé kara, Ala nja ɓa ɔm dee jii’g yəg ləm, yeḛ ari o̰ ɓee dɔ dee’g lai ləm tɔ. Bèe ɓa, i nja to dɔ néndaji gə́ to gə́ larlɔr lé.

Loo gə́ killa rea kəm Daniel’g 7:12

Daje gə́ raŋg lé d’ɔr siŋgamoŋ lə dee rɔ dee’g, nɛ ləb kaw kəmba lə dee ɓa d’ila dɔ maree’g saar kar kur dee əw ne waga.

Loo gə́ killa rea kəm Daniel’g 7:5

Aa oo, da gə́ njekɔm’g joo lé to tana gə da-urs ləm, yeḛ ḭ tar dɔ gɔlee gə́ gogo ləm tɔ. Yee to̰ siŋga seŋgəre kaar da munda təa’g ndá d’ulá pana: Ḭta usɔ dakasrɔ da neelé aree asi nag.

Matiyo 24:28

Loo gə́ yoo-né to keneŋ ndá malje d’a tɔs dɔ na̰ keneŋ ya.

Tel tura Godndu 28:49

Njesigənea̰ a kar ginkoji dəwje gə́ d’isi gwɔi naŋg’d əw ya d’ḭ ree rɔ sə sí, to ginkoji dəwje gə́ d’a ree kalaŋ to gə́ niŋgatə̰də gə́ nar bèe, to ginkoji dəwje gə́ seḭ a gərje ta lə dee el ləm,

Loo gə́ killa rea kəm Ja̰’g 13:2

Da gə́ ma m’ée lé to tana gə kàg. Gɔlee to tana gə gɔl da-urs nɛ təa to asəna gə ta toboḭ. Dakɔb lé ar kàg siŋgamoŋ ləa-yeḛ ləm, aree kalimbai ləa-yeḛ ləma, aree si gə́ dəw dɔ dee ləm tɔ.