Loo gə́ killa rea kəm Daniel’g 2:4 - Maktub gə́ To gə Kəmee

⁴ Kaldeje d’ila mbai keneŋ gə takɔji Aramje pana: Ǝi mbai, maji kari sí gə ləbi-ləbi gə nɔḭ! Maji kari ula kuraje ləi ta ni ləi ɓa j’a kɔr ginee kari ɓəi.

Loo gə́ killa rea kəm Daniel’g 2:4 Iomraidhean Croise

Gḭ-Néje 31:47

Laba̰ unda ri loo neelé lə Jegar-Sahaduta nɛ Jakob unda ria lə Galed.

Gḭ-Néje 41:8

Teḛ gə ndɔ rad ndá mee Parao̰ to kəgəgə ndá yeḛ ula kula ɓar njémbeḛje lai gə njékəmkàrje lai gə́ Ejiptə rəa’g. Yeḛ ula dee ta ni ləa. Nɛ dəw kára kara askəm kɔr ginee kar Parao̰ el.

1 Mbaije 1:25

Mbata yeḛ aw ɓogənè inja maŋgje ləm, gə bɔ maŋgje gə́ rɔ dee to ndəb-ndəb ləma, gə badje bula ləm tɔ gə́ nékinjanéməsje, tɔɓəi yeḛ ɓar ŋgalə mbai lai ləm, gə ɓé-njérɔje ləma, gə Abiatar, njekinjanéməs ləm tɔ. Ndá aa oo, deḛ d’usɔ gə d’ai nea̰’g, tɔɓəi deḛ pana: Maji kar dɔ mbai Adonija ai səgərə ya.

1 Mbaije 1:31

Yen ŋga Bat-Seba dəb kəmee naŋg unda barmba no̰ mbai’g. Ndá yeḛ pana: Maji kar dɔ Dabid, mbai ləm ai səgərə saar-saar gə no̰ ya.

2 Mbaije 18:26

Eliakim, ŋgolə Hilkija, gə Sebna, gə Joa, d’ula Rabsake pana: Maji kari ula kuraje ləi ta gə ta lə Aramje ɓa mbata jeḛ n’gərje ya ɓó ula sí ta gə takɔji Judaje mba karee oso mbi koso-dəwje gə́ d’aar dɔ ndògo-bɔrɔ’g lé el.

Esdras 4:7

Tɔɓəi mee ndəa’g lə Artajerjɛs kara Bislam, gə Mitredat, gə Tabeel gə ges kuramar deeje lé ndaŋg maktub d’ar Artajerjɛs, mbai gə́ Persə lé. Maktub neelé deḛ ndaŋg gə goso ndaŋg maktub lə Aramje tɔɓəi deḛ telee gə ta Aram ya tɔ.

Nehemi 2:3

Ndá m’tel m’ila mbai’g lé m’pana: Maji kar mbai si kəmba saar-saar gə no̰ ya. Loo gə́ ɓee-boo gə́ dɔɓar bɔmje-je to keneŋ lé tuji ləm, pər o̰ tarəwkɔgje ləa ləm tɔ ŋga see kəm a to ndòo el ba̰ ɓəi wa.

Esai 36:11

Eliakim, gə Sebna, gə Joa d’ula Rabsake pana: Maji kari ula kuraje ləi ta gə ta lə Aramje ɓa mbata jeḛ n’gər ya ɓó ula sí ta gə takɔji Judaje mba karee oso mbi koso-dəwje gə́ d’aar dɔ ndògo-bɔrɔ’g lé el.

Esai 44:25

M’tuji nétɔjije lə njétegginta gə́ ŋgɔmje ləm, M’ar njénékooje tel to mbəje ləm tɔ, M’rəm gə kəmkàr lə njékəmkàrje ləm, Négər lə dee lé ma m’telee gə́ némbə ləm tɔ.

Loo gə́ killa rea kəm Daniel’g 1:4

basaje gə́ dəb rɔ dee ya̰ maree el ləm, kəm dee turu sia̰-sia̰ ləm, to njékəmkàrje gə njégosonégərje ləm, deḛ gə́ ndoo né gər yaa̰ ləma, deḛ gə́ d’askəm ra kula mee kəi-mbai’g lə mbai ləm tɔ ndá d’a ndoo dee gosonégər gə takɔji lə Kaldeje.

Loo gə́ killa rea kəm Daniel’g 2:7

Deḛ tel d’ilá keneŋ njekɔm’g gɔl joo pana: Maji kar mbai ula kuraje ləa ni ləa lé ɓa jeḛ j’a kɔr ginee karee ɓəi.

Loo gə́ killa rea kəm Daniel’g 3:9

Deḛ d’un ta d’ula mbai Nebukadnesar lé pana: Ǝi mbai, maji kari si gə ləbi-ləbi gə́ nɔḭ ya!

Loo gə́ killa rea kəm Daniel’g 4:19

Ǝi mbai, kag neelé to i nja gə́ teḛ boo ləm, siŋgai to keneŋ ləm tɔ, dɔmoŋ ləi ḭ dɔ maree’g aw njal teḛ mee dara’g ləm, dumdɔloo ləi kara aw njal ɔr rudu naŋg nee ləm tɔ.

Loo gə́ killa rea kəm Daniel’g 4:7

Aa oo, némḭdije gə́ m’oo Loo gə́ m’to dɔ tira-tom’g lé ɓa nee: Ma m’aa loo ndá aa oo, Kag gə́ ŋgal yaa̰ aar dɔ naŋg’d Loo gə́ dana bab.

Loo gə́ killa rea kəm Daniel’g 4:9

Kamee maji yaa̰ ləm, Ka̰dee kara andə njim-njim ləm tɔ, Dəwje lai d’iŋga nésɔ dee keneŋ, Daje gə́ wala d’wa rɔ dee ndilee’g ləm, Yelje gə́ dara kara ra kəi dee Mbuna barkəmeeje’g ləm tɔ, Néje lai gə́ d’aw kəmba lé D’iŋga nésɔ dee rəa’g ya.

Loo gə́ killa rea kəm Daniel’g 5:10

Dené lə mbai lé loo gə́ yeḛ oo taje gə́ mbai gə dəwje ləa gə́ boo-boo pa lé ndá yeḛ andə mee kəi-muru-gad’g un ta pa pana: Ǝi mbai, maji kari si gə ləbi-ləbi gə nɔḭ ya! Maji kar takə̰jije ləi d’ar məəi tila ŋgaḭla-ŋgaḭla el ləm, ar kəmi tel to ne ɓəd el ləm tɔ!

Loo gə́ killa rea kəm Daniel’g 5:8

Deḛ lai gə́ to njékəmkàrje lə mbai lé d’andə kəi nɛ d’askəm tura ta gə́ ndaŋg əsé kɔr gelee kar mbai lé el.

Loo gə́ killa rea kəm Daniel’g 6:21

Loo gə́ mbai lé ree pər gə́ ta bwa’g lé ndá yeḛ ɓar Daniel gə ndu gwɔb no̰ dəjee pana: Daniel, kura lə Ala gə́ Njesikəmba lé see Ala ləi gə́ i ra né aree gə meekai sam-sam lé taai ta toboḭje’g wa.

Loo gə́ killa rea kəm Daniel’g 6:6

Dəwje neelé pana: J’a kiŋga ta kára kara mba kila dɔ Daniel’g neelé el nɛ banelə ta gə́ wɔji dɔ godndu magə ləa ɓa.

Loo gə́ killa rea kəm Daniel’g 6:7

Togə́bè ɓa mbaije neelé gə njékaa dɔ dəb ɓeeko̰je lé mbo̰ dɔ na̰ rɔ mbai’g d’ar ndu dee ɓar birim-birim, tɔɓəi d’ulá ta togə́bè pana: Mbai Darius, maji kari si gə ləbi-ləbi gə nɔḭ!

Matiyo 21:9

Deḛ gə́ njaa nea̰’g gə deḛ gə́ ndɔm gée’g lé ra né tar u-u-u pana: Hosana, arje ŋgon Dabid. Maji kar dɔkaisəgərə nai gə yeḛ gə́ ree gə ri Mbaidɔmbaije lé. Hosana, arje deḛ gə́ d’isi mee loo gə́ to tar sab lé ləm tɔ.

1 Samel 10:24

Samel ula koso-dəwje lai pana: See ooje yeḛ gə́ Njesigənea̰ ɔree tɔr ne ndia dəa’g lé ya wa. Dəw kára kara mbuna koso-dəwje’g lai gə́ as səa lé godo. Yen ŋga koso-dəwje d’unda bula yi-i-i pana: Maji kar mbai lé si kəmba ya.