Loo gə́ killa rea kəm Daniel’g 12:3 - Maktub gə́ To gə Kəmee

³ Deḛ gə́ to njégosonégərje lé d’a ndɔḭ wər-wər asəna gə rɔndɔḭ lə dara ləm, deḛ gə́ ndoo koso-dəwje ta meekarabasur lé d’a ndogó wər-wər asəna gə kéréméje bèe gə́ kédé-kédé saar gə no̰ ləm tɔ.

Loo gə́ killa rea kəm Daniel’g 12:3 Iomraidhean Croise

Teḛ-Raga 34:35

Israɛlje lé d’aa kəm Moyis d’oo ndá, deḛ d’oo to gə́ kəmee lé ndogó jol-jol, bèe ɓa Moyis wa kubu lé tel ɔn ne kəmee gogo saar yeḛ tel aw ne mba kwɔji ne ta gə Njesigənea̰ gogo ɓəi.

Gosota-Kəmkàrje 11:30

Kandə njemeekarabasur lé To kag-kəmə ləm, Njekəmkàr lé Taa dɔ dəwje gə́ taa ləm tɔ.

Gosota-Kəmkàrje 3:35

Njékəmkàrje lé Rɔnduba ɓa d’a kwa gə́ nénduba lə dee Nɛ mbəje lé rɔkul ɓa gə́ né ka̰ dee-deḛ ya.

Gosota-Kəmkàrje 4:18

Kila-rəwkaw lə njémeekarabasurje To asəna gə lookàr gə́ ndogó ɔr jol-jol, Ndogó ləa lé aw gə́ kédé-kédé Saar kàr aar daŋdɔ.

Njekillamber 12:9

Njekilamber lé to gə́ njekəmkàr ɓa goo kára ba el nɛ yeḛ ndoo koso-dəwje loo gər-gin-né ləm, yeḛ tən gosotaje bula ləm, yeḛ ə̰də gel dee ləma, yeḛ unda dee gə nduree-nduree ləm tɔ.

Esai 53:11

Mbɔl dɔ kula rɔ ndubu ləa lé ɓa Kəmə gə́ orè gée lé a taa ne kəmee rəgm. Mbɔl dɔ négər lə kura ləm gə́ to njegelgodo lé Dəwje bula d’a tel to ne njégelgodoje tɔ, Mbata yeḛ a taa néra kori-korije lə dee kɔm dəa’g.

Jeremi 23:22

Ɓó lé deḛ d’isi keneŋ D’oo takə̰ji lə neḛ ndá D’a kar taje lə neḛ Oso mbi koso-dəwje’g lə neḛ ləm, D’a kar dee d’ɔs badm tel Dɔ rəw-kawje’g lə dee gə́ majel ləma, Gə dɔ néra meeyèrje’g lə dee ləm tɔ.

Loo gə́ killa rea kəm Daniel’g 11:33

deḛ gə́ kəmkàr lə dee ur dɔ ka̰ mar deeje lé kara d’a ndoo koso-dəwje ta kəmkàrje ləm tɔ. Nɛ njé gə́ na̰je d’a kwəi yoo-kiambas ləm, gə yoo-ndo̰ pər ləm, d’a kwa dee ɓər kaw sə dee raŋg ləma, d’a taa néje lə dee kɔg ləm tɔ.

Loo gə́ killa rea kəm Daniel’g 11:35

Njékəmkàrje gə́ na̰je d’a koso ne gə mba naa ne meḛ dee ləm, kar dee d’àr ne ŋgad-ŋgad ləma, kar meḛ dee ndá ne londoŋ ləm tɔ saar ndəa gə́ rudee a kun ɗiao mbata né neelé a teḛ mee ndəa gə́ d’wɔji lé ɓa.

Loo gə́ killa rea kəm Daniel’g 12:10

Dəwje bula d’a kar dee d’àr ŋgad-ŋgad ləm, kar meḛ dee ndá londoŋ ləma, d’a naa meḛ dee ləm tɔ. Nɛ njémeeyèrje d’a ra majel ləm, dəw kára kara mbuna dee-deḛ njémeeyèrje’g lé a gər ginee el ləm tɔ. Nɛ deḛ gə́ d’a to njégosonégərje ɓa d’a gər ginee ya.

Matiyo 13:43

Ndəa neelé rɔ njémeekarabasurje a nduba raŋg-raŋg ɓeeko̰’g lə Bɔ deeje asəna gə kàr gə́ nduba rəa raŋg-raŋg bèe tɔ. Yeḛ gə́ mbia to gən mba koo ne ndá maji karee oo ne ya.

Matiyo 19:28

Jeju tel ila dee keneŋ pana: Ma m’ula sí təsərə, ndɔ gə́ d’a gə kar néje lai tel to lée’g béréré lé ɓa Ŋgon-dəw a kuba dɔ kalimbai ndubarɔ ləa gao si’g ndá seḭ gə́ unje goom lad-lad lé seḭje kara a kubaje dɔ kalimbaije gə́ dɔg-giree-joo neelé gao si keneŋ mba gaŋgta dɔ ginkoji Israɛlje gə́ dɔg-giree-joo neelé tɔ.

Matiyo 24:45

See na̰ ɓa gə́ kura gə́ majikoji gə́ inja paw gə́ mbai ləa aree si dɔ kuramareeje’g gə mba kai dee nésɔ dee gə lée-lée lé wa.

Tagə́maji gə́ Ja̰ ndang 4:36

Yeḛ gə́ inja lé iŋga dɔ jia ya ndá yeḛ mbo̰ ka̰dee ɔm gə mba si gə kəməgə́ gə no̰ lé mba kar dəw gə́ njedubu né gə dəw gə́ njekḭja né d’a kal ne rɔ dee na̰’d ya.

Tagə́maji gə́ Ja̰ ndang 5:35

Ja̰ lé to gə́ néndogó gə́ o̰ ndogó bən ndá si gə́ seḭ sije waga kəm pər’d ləa gə́ ndogó lé lel sí ya.

Néra Njékaḭkulaje 13:1

Mee Eglisə gə́ Antiɔs lé njéteggintaje gə njéndoo né dəwje d’isi keneŋ, ri dee ɓa nee: Barnabas, gə Simeo̰ gə́ deḛ ɓaree Niger ləm, gə Lusius, dəw gə́ Sirèn’g ləm, gə Manahen gə́ d’odee gə Herɔdə gə́ to njeguburuɓee lé na̰’d ləma, gə Sool ləm tɔ.

1 Njé gə́ Kɔrḭtə 3:10

Mbɔl dɔ noji gə́ Ala wa səm ɓa ma m’tum ne gin kəi asəna gə gɔŋgé-tum-gin-kəi ɓa dəw gə́ raŋg rɔd maree dɔ’g ɓəi. Nɛ maji kar nana kara tɔs kəmee dɔ kəi gə́ rɔd dɔ maree’g tar.

Njé gə́ Epesə 4:11

Yeḛ nja ɓa ar njé gə́ na̰je to gə́ njékaḭkulaje ləm, ar njé gə́ raŋg to gə́ njéteggintaje ləm, ar njé gə́ raŋg to gə́ njékilamber tagə́majije ləma, ar njé gə́ raŋg ya ɓəi to gə́ njékul dəwje gə njékɔrgootaje ləm tɔ,

Ǝbrəje 5:12

Seḭ gə́ sije keneŋ kàr bèe nḛ seḭ asjekəm ndooje mar síje né ləw ba mba̰, nɛ ɓasinè dəw gə́ njetum sə sí kudu né lə Ala gə́ dɔtar ɓa seḭ awje ndée nja tɔɓəi. Mbà kil ɓa seḭ tel awje ndée ɓó muru gə́ kədərə kaw-kaw el.

2 Piɛrə 3:15

Maji kar sí gərje gao, boo-meekila lə Mbaidɔmbaije lé tel to kaji lə sí ya, to gə́ ŋgoko̰ sí gə́ Pool gə́ jeḛ j’undá dan kəm sí’g lé yeḛ kara ndaŋg taree ar sí gə goo kəmkàr gə́ Ala aree lé tɔ.

Loo gə́ killa rea kəm Ja̰’g 1:20

Ta lə kéréméje gə́ siri gə́ ma m’oo jikɔl neḛ’g gə ta lə kag pər-ndɔje gə́ siri gə́ ra gə larlɔr lé to gə ndəree ɓəi. Kéréméje gə́ siri lé to kuraje lə Ala gə́ wɔji dɔ Eglisəje gə́ siri ləm, kag pər-ndɔje gə́ siri lé to Eglisəje gə́ siri ləm tɔ.

Njéga̰g-Rəwtaje 5:31

Ǝi Njesigənea̰, ar njéba̰je ləi lai d’udu togə́bè ya. Deḛ gə́ d’undai dan kəm dee’g lé Ar dee to d’asəna gə kàr bèe Loo gə́ yee teḛ ɔs keḭ-keḭ. Yen ŋga ɓee lé to lɔm as ləb rɔ-sɔ ya.