Loo gə́ killa rea kəm Daniel’g 1:7 - Maktub gə́ To gə Kəmee

⁷ Njekaa dɔ néje gə́ mee kəi’g lə mbai lé unda ri dee togə́bè: Daniel lé yeḛ unda ria lə Belsasar ləm, Hanania lé yeḛ unda ria lə Sadrak ləm, Mikaɛl lé yeḛ unda ria lə Mesak ləma, Ajaria lé yeḛ unda ria lə Abed-Nego ləm tɔ.

Loo gə́ killa rea kəm Daniel’g 1:7 Iomraidhean Croise

Gḭ-Néje 41:45

Parao̰ unda ri Jisəb lə Sapnat-Paenea tɔɓəi yeḛ aree taa Asnat, ŋgolə Poti-Pera, njekinjanéməs gə́ Ɔn lé gə dené ləa. Ndá Jisəb ḭ keneŋ ɔd aw gə mba koo ɓee gə́ Ejiptə lé.

2 Mbaije 23:34

Yen ŋga Parao̰ Neko unda Eliakim, ŋgolə Jojias gə́ mbai tor bɔbeeje Jojias’g ndá yeḛ tel unda ria lə Jojakim. Yeḛ wa Joakas aw səa Ejiptə ndá yeḛ wəi keneŋ.

2 Mbaije 24:17

Yen ŋga mbai gə́ Babilɔn lé unda Matania gə́ to naneeje lé gə́ mbai taa ne tor Jojakḭ ndá yeḛ tel unda ria gə́ raŋg lə Sedesias tɔ.

Loo gə́ killa rea kəm Daniel’g 1:19

Mbai lé wɔji sə dee ta, ndá mbuna basaje’g lai neelé dəw kára kara gə́ to asəna gə Daniel, gə Hanania, gə Mikaɛl, gə Ajaria lé godo. Togə́bè ɓa deḛ d’andə ne loo kula’g lə mbai lé.

Loo gə́ killa rea kəm Daniel’g 1:3

Mbai lé ula Aspenaj gə́ to njekaa dɔ néje gə́ mee kəi’g ləa lé mba karee ree gə Israɛlje gə́ na̰je gə́ gel deḛ gə́ mbai əsé gə́ to kojikəije:

Loo gə́ killa rea kəm Daniel’g 10:1

Mee ləb ko̰ɓee’g lə Sirus, mbai gə́ Persə gə́ njekɔm’g munda lé kəm Daniel gə́ d’unda ria lə Belsasar inja dɔ ta né gə́ to loo-kiya’g. Ta neelé to kankəmta gə́ wɔji dɔ boo-némeeko̰ gə́ a gə ree lé. Yeḛ la̰ji taree mée’g ndá yeḛ oo gin némḭdi lé njai-njai tɔ.

Loo gə́ killa rea kəm Daniel’g 2:26

Mbai lé un ta dəji Daniel gə́ d’unda ria lə Belsasar lé pana: See i nja askəm karm m’gər ni gə́ m’ni lé gə ginee na̰’d wa.

Loo gə́ killa rea kəm Daniel’g 2:49

Daniel lé ra ndòo rɔ mbai’g mba karee ɔm kula kaa dɔ dəb ɓeeko̰ gə́ Babilɔn lé ji Sadrak, gə Mesak, gə Abed-Nego’g. Nɛ Daniel ndá nai gə́ njekwɔjimbai ta kəmkàr tɔ.

Loo gə́ killa rea kəm Daniel’g 4:5

Yeḛ gə́ ree nɔm’g gogo lé to Daniel gə́ d’unda ria lə Belsasar gə goo ri magə ləm. Yeḛ neelé ɓa ndil magəje gə́ to gə kəmee sí mée’g. Ma m’ulá ni ləm gə́ m’ni lé m’pana:

Loo gə́ killa rea kəm Daniel’g 4:8

Kag neelé tel teḛ boo ləm, Siŋgá to keneŋ ləma, Semee aw njal mee dara’g ləm tɔ Ar deḛ gə́ d’isi rudu naŋg’d kara d’ée.

Loo gə́ killa rea kəm Daniel’g 5:12

Mbata debee nee gə́ ria lə Daniel lé ɓa mbai unda ria lə Belsasar ndá d’iŋga takə̰ji kəmkàr gə́ doŋgɔ ləm, gə gosɔkəmkàr ləm, gə gosonégər ləm, gə goso riba dɔ ni ləm, gə goso riba dɔ ndá taje ləma, gə goso riba dɔ taje gə́ kədərə gə́ to loo-kiya’g ləm tɔ lé rəa’g. Bèe ndá maji kar dee ɓar Daniel ɓa yeḛ a kɔr gel né neelé kari ya.