Loo gə́ killa rea kəm Daniel’g 1:2 - Maktub gə́ To gə Kəmee

² Mbaidɔmbaije ya ya̰ Jojakim, mbai gə́ Juda lé jia’g ləm, ya̰ ges nékulaje gə́ to mee kəi-Ala’g jia’g ləm tɔ. Nebukadnesar odo nékulaje neelé aw ne mee ɓee gə́ Sineyar mee kəi-magə’d ləa, tɔɓəi yeḛ ɔm dee mee kəi-nébaoje’g lə magə ləa tɔ.

Loo gə́ killa rea kəm Daniel’g 1:2 Iomraidhean Croise

Gḭ-Néje 10:10

Yeḛ o̰ ɓee kédé dɔ ɓeeje gə́ Babel gə Erek gə Akad gə Kalne gə́ to dɔ naŋg gə́ Sineyar.

Gḭ-Néje 11:2

Loo gə́ deḛ d’ḭ par gə́ bər d’aw ndá deḛ teḛ ndag-loo gə́ to dɔ naŋg gə́ Sineyar, tɔɓəi deḛ d’isi keneŋ tɔ.

2 Mbaije 24:1

Mee ləb ko̰ɓee’g lə Jojakim lé Nebukadnesar, mbai gə́ Babilɔn ɔr rɔ aw rɔ səa. Jojakim ula dəa nea̰’g as ləb munda ɓa yeḛ tel ḭ səa ɔsee rəw ɓəi.

2 Sôrta Gḭka Israɛlje 36:5

Jojakim lé ra ləbee rɔ-joo-giree-mi ɓa yeḛ tel to mbai ndá yeḛ si Jerusalem o̰ ne ɓee as ləb dɔg-giree-kára. Yeḛ ra né gə́ majel kəm Njesigənea̰ Ala’g ləa.

2 Sôrta Gḭka Israɛlje 36:7

Nebukadnesar lé odo nékulaje gə́ to mee kəi’g lə Njesigənea̰ aw ne Babilɔn ndá yeḛ ɔm dee mee kəi-mbai’g ləa gə́ to Babilɔn lé.

Esdras 1:7

Mbai Sirus lé teḛ gə nékulaje gə́ kédé to mee kəi’g lə Njesigənea̰ lé ar dee, to néje gə́ Nebukadnesar odo Jerusalem ləw ba aw ne aw ɔm kəi-magə’g ləa lé.

Esai 11:11

Mee ndəa’g neelé ya Mbaidɔmbaije a kun jia tar gɔl kára ya ɓəi Mba taa ne dɔ ges koso-dəwje gə́ nai lé gogo, Deḛ gə́ sanéna̰ mee ɓee gə́ Asiri, gə Ejiptə, Gə Patros, gə Etiopi, Gə Elam, gə Sineyar, gə Amat, Gə dɔgoré-looje gə́ dan baa-boo-kad’g tɔ.

Esai 42:24

See na̰ ɓa uba njé’g lə Jakob ya̰ dee Ar dee d’unda dee banrɔ ləm, Uba Israɛlje ya̰ dee Ji njéɓogoje’g wa. See to Njesigənea̰ Yeḛ gə́ jeḛ n’raje kaiya j’ɔseeje ne rəw lé el wa. Deḛ ndigi njaa goo torndiaje’g el ləm, Deḛ ndigi koo godndia el ləm tɔ.

Jeremi 25:1

Ləb gə́ njekɔm’g sɔ gə́ Jojakim, ŋgolə Jojias, mbai gə́ Juda o̰ ne ɓee lé ta oso mbi Jeremi’g wɔji ne dɔ koso-dəwje gə́ Juda lai. To mee ləb gə́ dɔtar gə́ Nebukadnesar to ne mbai gə́ Babilɔn lé.

Jeremi 27:16

Ma m’ula njékinjanéməsje gə koso-dəwje nee lai m’pana: Njesigənea̰ pa togə́bè pana: Taje lə njéteggintaje lə sí gə́ tegginta d’ar sí pana: Nai lam ndá nékulaje gə́ mee kəi’g lə Njesigənea̰ lé d’a kḭ ne Babilɔn tel ree ne lé maji kar sí ooje el! Mbata to ginta gə́ ŋgɔm ɓa deḛ teg d’ar sí ya.

Jeremi 28:3

Nai as ləb joo ndá nékulaje lai gə́ mee kəi’g lə Njesigənea̰ gə́ Nebukadnesar, mbai gə́ Babilɔn odo aw ne Babilɔn lé m’a kar dee tel ree ne lée’g nee gogo.

Jeremi 35:11

Loo gə́ Nebukadnesar, mbai gə́ Babilɔn aw gə mba rɔ gə ɓee neelé ndá jeḛ j’ulaje na̰ m’pana: Ar sí j’awje Jerusalem əw gə njérɔje lə Kaldeje gə njérɔje lə Aramje. Togə́bè ɓa jeḛ j’isije ne Jerusalem gə mbəa.

Jeremi 50:2

Maji kar sí ilaje mberee Arje ginkoji dəwje gə raŋg ləm, Areeje oso mbi dee’g ləma, Undaje nétɔji tar ləm tɔ. Ilaje mberee ɓó iyaje dɔ né kára el! Pajena: Deḛ taa Babilɔn mba̰ ya! Magə-Bel nai gə rɔkul ləm, Magə-Merodak lé tədee njigi-njigi ləm tɔ! Magəje ləa nai gə rɔkul ləm, Magəje ləa təd njigi-njigi ləm tɔ.

Jeremi 51:44

M’a kar bo̰ néra mag-Bel Ɔs təa’g mee ɓee gə́ Babilɔn ləm, M’a kwa né gə́ yee uru lé təa’g kɔr Ndá ginkoji dəwje gə raŋg D’a kaw budu-budu gə́ rəa’g el ŋga. Ndògo-bɔrɔ gə́ Babilɔn kara Təd oso ya tɔ.

Loo gə́ killa rea kəm Daniel’g 5:13

Yen ŋga d’ar Daniel ree no̰ mbai’g lé. Mbai lé un ta dəji Daniel pana: See i lé ɓa to Daniel mbuna deḛ gə́ d’wa dee Juda ɓa bɔm gə́ to mbai lé ar dee d’ḭ səi ɓee gə́ Juda ree səi lé wa.

Loo gə́ killa rea kəm Daniel’g 5:18

Ǝi mbai, Ala gə́ Njekurdɔloo’g ar bɔbije gə́ Nebukadnesar ɓeeko̰ gə́ tad rəg-rəg ləm, aree to dəw gə́ boo ləm, ula rɔnduba dəa’g ləma, ar boo-rondubaje taa rəa pəl-pəl ləm tɔ lé.

Habakuk 1:16

Gelee gə́ nee ɓa deḛ d’inja ne nékinjaməs d’ar buraje lə dee ləm, Deḛ roo ne néje gə́ ə̰də sululu d’ar bura-masaŋ lə dee ləm tɔ. Mbata mbɔl dɔ dee ɓa kɔr naḭ ubu lə dee to ne keneŋ ləm, Nésɔ lə dee gə́ lel ta’g lé Taa ne rɔ dee pəl-pəl ləm tɔ.

Jakari 5:11

Yeḛ tel ilam keneŋ pana: Deḛ d’aw mba ra kəi mbata ləa mee ɓee gə́ Sineyar. Bèe ɓa loo gə́ kula kəi lé a godo mba̰ ndá d’a kun karè neelé kunda dɔ loo’g ləa tɔ.

Tel tura Godndu 32:30

Ɓó lé yeḛ gə́ to mbal lə dee Uba dee ya̰ dee el ləm, Ɓó lé Njesigənea̰ ya̰ dee ji dee’g el ləm tɔ ndá, See dəw kára ba a tuba goo dəwje gə́ tɔl-dɔg (1.000) to gə́ ban wa, Esé see dəwje joo ba d’a kar dəwje gə́ tɔl-dɔg-loo-dɔg (10.000) d’aḭ to gə́ ban wa.

Njéga̰g-Rəwtaje 2:14

Oŋg lə Njesigənea̰ ḭ səa pu dɔ Israɛlje’g ndá yeḛ uba dee ya̰ dee ji gayim-dəwje’g ar dee tuji néje lə dee ləm, yeḛ ar njéba̰je lə dee gə́ gugu dɔ dee sub lé d’wa dee d’ar dee to ɓərje lə dee ləm tɔ ɓó d’askəm kaar naŋg gəs no̰ dee’g el.

Njéga̰g-Rəwtaje 3:8

Bèe ɓa oŋg lə Njesigənea̰ ḭ səa pu dɔ Israɛlje’g aree uba dee ya̰ dee ne ji Kusan-Risəatayim’g to mbai gə́ Mesɔpotami. Ndá Israɛlje ra kula d’aree as ləb dee jinaijoo.

Njéga̰g-Rəwtaje 4:2

Njesigənea̰ ya̰ dee ji Jabḭ’g, gə́ to mbai gə́ Kana̰, gə́ si o̰ ɓee Asɔr. Mbai dɔ njérɔje ləa gə́ ria lə Sisera lé si ɓee gə́ Haroset-Goyim.

1 Samel 5:2

Loo gə́ Pilistije taa sa̰duk-manrɔ lə Ala ndá d’aw ne kəi magə-Dago̰’g, d’aw d’unda mbɔr magə-Dago̰’g tɔ.