Ajee 2:3 - Maktub gə́ To gə Kəmee

³ See dəw gə́ oo kəi neelé gə rɔnduba ləa gə́ kédé lé nai mbuna sí’g ɓəi wa. Ŋga ɓasinè gə́ seḭ éeje lé see to to gə́ ban wa. See to asəna gə né gə́ əḭ kəm sí’g el əsé ban wa.

Ajee 2:3 Iomraidhean Croise

1 Sôrta Gḭka-Israɛlje 22:5

Dabid pana: Ŋgonəm Salomo̰ to basa gə́ as el ɓəi ləm, kəi gə́ d’a gə kunda mbata lə Njesigənea̰ lé ria a ɓar kur dɔ loo’g ləma, rɔnduba ləa a ɓar gə mee ɓeeje lai ləm tɔ, gelee gə́ nee ɓa ma m’ndigi kwa ne dɔ gɔl néje mbata ləa tɔ. Bèe ɓa Dabid wa ne dɔ gɔl néje bula yaa̰ kédé ɓa wəi ɓəi.

Esdras 3:11

Deḛ d’ɔs pa pidi ne Njesigənea̰ d’ɔs ne gajee pana: Mbata yeḛ lé maji dum ləm, meekɔrjol ləa gə mbata lə Israɛlje lé to saar-saar gə no̰ ya ləm tɔ. Tɔɓəi koso-dəwje lai neelé ra né gə ndu dee gə́ boi wəl d’ɔs ne gaji Njesigənea̰ gə mbata gin kəi lə Njesigənea̰ gə́ deḛ tum lé tɔ.

Esdras 3:12

Nɛ njékinjanéməsje ləm, gə Ləbije ləma, gə mbai dɔ gel baujeje gə́ na̰je bula ləm tɔ lé, deḛ gə́ tɔg gə́ d’oo kəi gə́ dɔtar lé gə kəm dee lé ndá, no̰ gə ndu dee gə́ boi wəl loo gə́ deḛ d’oo gin kəi gə́ nee gə́ d’aw tum lé. Njé gə́ raŋg bula d’ɔr ndu dee gə́ tar wəl ra ne birim-birim gə rɔlel,

Esai 64:10

Kəi lə sí gə́ to gə kəmee gə maji dum Loo gə́ bɔ síje-je d’ula rɔnduba dɔi’g keneŋ lé Pər rée dula-dula ya, Néje lə sí lai gə́ gad dee to yaa̰ lé Tuji pugudu-pugudu tɔ.

Ejekel 7:20

Deḛ d’əsta dɔ nérab rɔje’g lə dee Gə́ mbərḛ mbə̰-mbə̰ ləm, Deḛ ndaji néje lə dee gə́ mina̰ jɔmri-jɔmri gə magə-poleje lə dee ləm tɔ. Gelee gə́ nee ɓa n’a karee tel to né gə́ to kḛji kəm dee’g,

Ajee 2:9

Rɔnduba lə kəi gə́ gogo neelé a boi yaa̰ kur dɔ yee gə́ kédé’g lé. Njesigənea̰ gə́ njeboo-néje ɓa pa bèe. Lée neelé ɓa n’a kar dee meekulɔm keneŋ. Njesigənea̰ gə́ njeboo-néje ɓa pa bèe.