Ajee 2:2 - Maktub gə́ To gə Kəmee

² Maji kari ula kula dəji Jorobabel, ŋgolə Səaltiel, njeguburuɓee gə́ Juda ləm, gə Juje, ŋgolə Josadak, ŋgɔ-njekinjanéməs ləma, gə ges koso-dəwje gə́ nai ləm tɔ lé pana:

Ajee 2:2 Iomraidhean Croise

Esdras 1:8

Sirus, mbai gə́ Persə ula Mitredat gə́ to njeŋgəm nébaoje neelé gə mba karee teḛ ne gə́ raga tura gée ar Sesbasar, mbai gə́ njekaa dɔ ɓee gə́ Juda lé.

Esdras 2:63

Tɔɓəi njeguburuɓee ula dee mba kar dee d’usɔ néje gə́ to gə kəmee doi el saar kar njekinjanéməs saŋg gə goo urim gə tumim ɓa.

Esdras 3:2

Josué, ŋgolə Josadak, gə ŋgakea̰je gə́ to gə́ njékinjanéməsje ləm, gə Jorobabel, ŋgolə Səaltiel, gə ŋgakea̰je ləm tɔ lé d’ḭ ra loo-nékinjaməs d’ar Ala lə Israɛlje gə mba kinja nékinjanéməsje gə́ ka̰ roo lé keneŋ gə goo ta gə́ ndaŋg mee maktub godndu’g lə Moyis, gə́ to dəw lə Ala.

Nehemi 8:9

Nehemi gə́ njeguburuɓee ləm, gə Esdras gə́ njekinjanéməs gə njendaji-maktub ləma, gə Ləbije gə́ to njendoo koso-dəwje né ləm tɔ lé d’ula dəwje lai pana: Ɓogənè to ndɔ gə́ to gə kəmee mbata lə Njesigənea̰, Ala lə sí lé. Maji kar sí síje dan kəmndoo’g gə mán-no̰ kəm sí’g el. Mbata koso-dəwje lai no̰ loo gə́ deḛ d’oo taje gə́ godndu pa lé tɔ.

Ajee 1:1

Mee ləb gə́ njekɔm’g joo gə́ Darius to ne mbai, mee ndɔ gə́ dɔtar’g lə naḭ gə́ njekɔm’g misa̰ lé ɓa Njesigənea̰ ula Aje, njetegginta ta nee aree un aw ula Jorobabel, ŋgolə Səaltiel, gə́ to njeguburuɓee gə́ Juda ləm, gə Juje, ŋgolə Josadak, ŋgɔ-njekinjanéməs ləm tɔ pana:

Ajee 1:12

Jorobabel, ŋgolə Səaltiel ləm, gə Juje, ŋgolə Josadak, ŋgɔ-njekinjanéməs ləma, gə ges koso-dəwje lai gə́ nai ləm tɔ d’oo ndu Njesigənea̰, Ala lə dee gə goo ta gə́ Aje, njetegginta pa taree gə goo kula gə́ Njesigənea̰ Ala lə dee ɔm jia’g lé. Bèe ɓa ɓəl unda koso-dəwje badə gaŋg dee no̰ Njesigənea̰’g.

Ajee 1:14

Njesigənea̰ ɔs Jorobabel, ŋgolə Səaltiel, njeguburuɓee gə́ Juda ɓɔḭ-ɓɔḭ ləm, ɔs Juje, ŋgolə Josadak, ŋgɔ-njekinjanéməs ɓɔḭ-ɓɔḭ ləma, ɔs ges koso-dəwje lai gə́ nai ləm tɔ. Deḛ ree d’un kudu ra kula kəi lə Njesigənea̰ gə́ njeboo-néje gə́ to Ala lə dee lé