Ajee 1:9 - Maktub gə́ To gə Kəmee

⁹ Seḭ undaje meḛ sí yel gə mba kinja kó yaa̰ ya nɛ aa ooje, seḭ injaje lam ba bèe. Seḭ tel reeje ne mee kəije’g lə sí ya nɛ neḛ n’tó lel pu-u dɔ’g n’sané ne. See gelee ban ɓa bèe wa. Njesigənea̰ gə́ njeboo-néje ɓa pa togə́bè pana: Gelee wɔji dɔ kəi lə neḛ gə́ tuji nɛ seḭ lé seḭ ɔsje rɔ sí ɓad arje nana kara ula rəa ndubu mbata kəi ləa-yeḛ ɓa.

Ajee 1:9 Iomraidhean Croise

2 Samel 21:1

Mee ndəa’g lə Dabid lé ɓoo-boo o̰ orè goo na̰ goo na̰ as ləb munda. Togə́bè Dabid dəji Njesigənea̰ ndá Njesigənea̰ ulá pana: Gelee to mbata Sawul gə njémeekəije ləa gə́ d’ila məs lé, mbata Sawul ar dee tɔl Gabao̰je.

2 Samel 22:16

Ǝi Njesigənea̰, gə goo taji gə́ i taji dee ləm, Gə goo ndu kəmə gə́ teḛ əmi’g ləm tɔ lé Dɔ diŋgri loo gə́ gel manje teḛ ləm, Gin naŋg nee kara teḛ raga ndəgəsə kəm dee’g ləm tɔ.

2 Mbaije 19:7

M’a gə kula ndil kára mée’g mba karee oo sorta kára ɓa yeḛ a tel kaw mee ɓee’g ləa ɓəi, tɔɓəi m’a kar dee tɔlee gə kiambas dan mee ɓee’g ləa ya tɔ.

Maktub gə́ wɔji dɔ Jɔb 10:2

M’ula Ala m’pana: Maji kari gaŋgta dɔm’g el. Maji kari ulam am m’gər gin né gə́ i ɔsm ne rəw gə mbəa lé ɓa!

Gosota-Kəmkàrje 11:24

Dəw gə́ naa gə́ un né ar pə-pə To gə́ mée ndigi lé Tel to bao unda nje gə́ kédé. Dəw gə́ naa gə́ jia tɔ gaa-gaa lé Ndoo ya ɓa gə́ né kea̰ tɔ.

Gosota-Kəmkàrje 27:20

Ɓee lə njé gə́ d’wəi ləm gə bwa-wəl gə́ suna godo ləm tɔ lé né as dee nda̰ el, Kəm dəw kara né asee nda̰ el tɔ.

Njekillamber 1:8

Néje lai neelé kula ra dee lé loo pea godo. Kəm dəw asee dɔ koo loo’g el ləm, mbi dəw asee dɔ koo tar’g el ləm tɔ.

Esai 40:7

Mu ndòlé ləm, pudu gəḭ ləm tɔ Loo gə́ Njesigənea̰ ila kəmə pugudu dɔ dee’g ya. Tɔgərɔ koso-dəwje lé to d’asəna gə mu bèe ya.

Esai 5:10

Ŋgan ndɔ-nduú dɔg ndá manee a kas litər rɔ-mi el ləm, Kandə kó gə́ ka̰ dubu as nékwɔji kwɔi-lə-né tɔl (100) Ndá a kandə gə ka̰dee as nékwɔji kwɔi-lə-né dɔg ba ləm tɔ.

Jeremi 12:13

Deḛ dubu kó nɛ kun ɓa d’inja ləm, Deḛ dao ne dao-dao lal kiŋga né keneŋ ləm tɔ. Maji kar sí naije gə rɔkul dɔ né gə́ seḭ injaje’g Gə goo oŋg lə Njesigənea̰ gə́ taa pər lam-lam lé.

Ejekel 21:31

Mbaidɔmbaije gə́ Njesigənea̰ pa togə́bè pana: D’a kɔr jɔg ləm, d’a kɔr dɔgugu ləm tɔ! Néje d’a tel to ɓəd. Yeḛ gə́ d’aree ula dəa lé d’a karee unda dəa tar ləm, yeḛ gə́ d’aree unda dəa tar lé d’a karee ula dəa ləm tɔ.

Ləbije 19:25

Ləb gə́ njekɔm’g mi lé seḭ a sɔje kandə deeje ləm, a kinjaje kandə dee gə́ kédé-kédé ləm tɔ. Ma m’to Njesigənea̰, Ala lə sí.

Ajee 1:4

See ɓasinè lé to kàr kar sí-seḭ sije mee kəije’g lə sí gə́ maji gə́ tɔs kagje gə́ maji kaar dee’g loo gə́ kəi gə́ to gə kəmee lé tuji lé wa.

Ajee 1:6

Seḭ dubuje kó gə tadee rəg-rəg ya nɛ seḭ injaje lam ba bèe. Seḭ sɔje né yaa̰ ya nɛ ndanje ndanee el. Seḭ aije né yaa̰ ya nɛ tɔlje ne kunda lə sí el. Seḭ ulaje kubu ya nɛ rɔ sí nuŋga ne so el tɔ. Nédɔji lə yeḛ gə́ ra kula ar maree godo kalaŋ asəna gə né gə́ ɔm mee ɓɔl gə́ kəmee mbudu’g bèe.

Malasi 2:2

Njesigənea̰ gə́ njeboo-néje lé pana: Ɓó lé seḭ ooje ta el ləm, əsé arje ta kula rɔnduba dɔ rim’g lé wa dɔɓəŋgərə sí el ləm tɔ ndá m’a kar ndɔl oso mbuna sí’g ləm, m’a kila ndɔl dɔ nétɔrnduje’g lə sí ləm tɔ. Oiyo, m’a kila ndɔl dɔ’g ya mbata seḭ arje taree wa dɔɓəŋgərə sí el.

Tel tura Godndu 28:38

Seḭ a kodoje kó né yaa̰ mba kaw dubu nɛ seḭ a kinjaje lam ba bèe mbata beedéje d’a ko̰ lai.

Loo gə́ killa rea kəm Ja̰’g 2:4

Nɛ né kára gə́ to gə goo rəbee el lé yee ɓa ma m’ndaŋgi dɔ’g. Kédé lé i undam dan kəmi’g nɛ ɓasinè i ya̰ goom yɔgɔ.

Loo gə́ killa rea kəm Ja̰’g 3:19

Ma lé dəwje gə́ m’unda dee dan kəm’g ndá m’wɔji dee kəmkàr ləm tɔ. Bèe ndá ḭ gə rɔi rad, wa ndòo rɔi dɔ kaiya’g ləi.