Ajee 1:8 - Maktub gə́ To gə Kəmee

⁸ Ubaje dɔ mbal tugaje kagje gə mba raje ne kəi. Bèe ɓa n’a kiŋga rɔlel gə rɔnduba keneŋ, Njesigənea̰ ɓa pa bèe.

Ajee 1:8 Iomraidhean Croise

1 Mbaije 6:1

Mee ləb gə́ tɔl-sɔ gə dəa rɔ-jinaijoo (480) gə́ orè goo kunda gə́ Israɛlje d’unda ne loo mee ɓee gə́ Ejiptə teḛ lé ɓa Salomo̰ unda ne kəi gə́ wɔji dɔ Njesigənea̰, mee ləb gə́ njekɔm’g sɔ gə́ yeḛ o̰ ne ɓee dɔ Israɛlje’g, mee naḭ Jip gə́ to naḭ gə́ njekɔm’g joo lé tɔ.

1 Mbaije 9:3

Njesigənea̰ ulá pana: M’oo tamaji gə ndòo ra ləi gə́ i ra tam’g lé ya ndá ma m’unda ne kəi gə́ i ra mba kar rim ɓar ne saar-saar gə no̰ lé gə kəmee ləm, m’a kar kəm gə məəm to dɔ’g ta-ta ya ləm tɔ.

1 Sôrta Gḭka-Israɛlje 22:19

Ɓasinè lé ulaje rɔ sí ndubu gə ŋgaw meḛ sí bura, saŋgje ne Ala lə sí gə́ Njesigənea̰, maji kar sí ḭje tar raje kəi-si Njesigənea̰, Ala gə́ to gə kəmee gə mba kar sí reeje gə sa̰duk-manrɔ lə Njesigənea̰ ləm, gə nékulaje gə́ d’unda dee gə kəmee d’ar Ala ləm tɔ lé mee kəi gə́ d’a gə ra gə mba ri Njesigənea̰ lé tɔ.

2 Sôrta Gḭka Israɛlje 7:16

Ɓasinè kəi neelé ma m’ɔree m’unda gə kəmee doi gə mba kar rim ɓar dɔ’g saar gə no̰ ləm, m’a kar kəm gə məəm to dɔ’g bururu gə ndɔje kára-kára lai ya ləm tɔ.

Esdras 3:7

Deḛ d’uga njétɔl-mbalje gə njéra kula kagje. Tɔɓəi d’ar dəwje gə́ Sido̰ gə dəwje gə́ Tir nésɔje gə nékaije gə ubu to mba kar dee d’odo ne kag-sɛdrəje gə́ Liba̰ ree ne gə rəw gə́ baa-boo-kad’g saar teḛ Japo gə goo torndu Sirus, mbai gə́ Persə lé.

Esdras 6:4

d’a tɔs kɔr mbalje gə́ boi gə́ tɔl dee dɔ na̰’d gun munda gə kagje gə́ sigi dɔ na̰’d gun kára ləm tɔ. Lar kuga njékulaje a kḭ mee kəi’g lə mbai ya.

Teḛ-Raga 29:43

Lée gə́ neelé ɓa m’a ree kiŋga Israɛlje keneŋ ndá rɔnduba ləm lé a kɔr loo neelé kunda gə kəmee ya.

Esai 60:13

D’a ree gə nérɔnduba gə́ Liba̰ mee ɓee’g ləi, Yee ɓa to kag-siprɛs gə ɗəŋgərə gə warəm gə́ d’a ree ne na̰’d Gə mba ɗɔi ne loo ləm gə́ to gə kəmee, M’a kula ne rɔnduba dɔ loo-tura-gɔl-kɔm’g tɔ.

Esai 60:7

Koso-nékulje lə njé gə́ Kedar D’a mbo̰ na̰ rɔi’g, Bàl badje lə njé gə́ Nebajot D’a to néra kula ləi, D’a kaw sə dee dɔ loo-nékinjaməs’g ləm ndá D’a taa kəm rəgm ləm, M’a kula rɔnduba dɔ kəi rɔnduba’g ləm ləm tɔ.

Esai 66:11

Gə mba kar sí ulje rɔ sí gə mbəaa Gə́ ka̰ gɔl mée lé karee as sí nag-nag ləm, Gə mba kar sí ooje boo-ronduba ləa gə́ al dɔ loo sula dan meemaji’g ləm tɔ.

Ajee 1:7

Njesigənea̰ gə́ njeboo-néje pa togə́bè pana: Maji kar sí síje gèŋ ə̰jije ta dɔ néje gə́ sí ra sí lé ooje.

Ajee 2:7

N’a yə ginkoji dəwje gə raŋg lai. Nébaoje lə ginkoji dəwje gə raŋg lai lé d’a ree ne ndá n’a kar rɔnduba taa mee kəi neelé pəl-pəl. Njesigənea̰ gə́ njeboo-néje ɓa pa bèe.

Ajee 2:9

Rɔnduba lə kəi gə́ gogo neelé a boi yaa̰ kur dɔ yee gə́ kédé’g lé. Njesigənea̰ gə́ njeboo-néje ɓa pa bèe. Lée neelé ɓa n’a kar dee meekulɔm keneŋ. Njesigənea̰ gə́ njeboo-néje ɓa pa bèe.