Ajee 1:12 - Maktub gə́ To gə Kəmee

¹² Jorobabel, ŋgolə Səaltiel ləm, gə Juje, ŋgolə Josadak, ŋgɔ-njekinjanéməs ləma, gə ges koso-dəwje lai gə́ nai ləm tɔ d’oo ndu Njesigənea̰, Ala lə dee gə goo ta gə́ Aje, njetegginta pa taree gə goo kula gə́ Njesigənea̰ Ala lə dee ɔm jia’g lé. Bèe ɓa ɓəl unda koso-dəwje badə gaŋg dee no̰ Njesigənea̰’g.

Ajee 1:12 Iomraidhean Croise

Gḭ-Néje 22:12

Kura gə́ dara lé pana: Un jii ɔrɔ ne rɔ ŋgon neelé el ləm, ra səa né el ləm tɔ. Mbata ɓasinè lé ma m’gər gao to gə́ i ɓəl Ala ya. Ŋgoni gə́ to ŋgon gə́ kára ba kiao lé i ɔgm el.

Esdras 10:18

Mbuna njékinjanéməsje’g lé deḛ gə́ taa denéje gə́ ginkoji dee raŋg gə́ d’isi keneŋ lé ɓa nee: Deḛ gə́ to gel-bɔje lə Juje gə ŋgakea̰je gə́ to ŋgalə Josadak lé ndá Maaséja, gə Eliéjer, gə Jarib, gə Gedalia lé,

Esdras 5:2

Yen ŋga Jorobabel, ŋgolə Səaltiel, gə Josué, ŋgolə Josadak, d’ḭ d’un kudu kunda kəi-Ala gə́ to Jerusalem lé. Tɔɓəi njéteggintaje lə Ala gə́ d’isi sə dee keneŋ lé la sə dee tɔ.

Pakɔsje 112:1

Pidije Njesigənea̰. Dəw gə́ ɓəl Njesigənea̰ Ra torndia gə meendakaḭ ndá si gə rɔlel.

Gosota-Kəmkàrje 1:7

Ɓəl Njesigənea̰ ɓa To gin gosonégər gə́ dɔtar, Mbəje lé d’ə̰ji takəmkàr Gə tandoo lé bəḭ-bəḭ.

Njekillamber 12:13

Ar sí j’oo loo kunda ŋgaŋ néje neelé togə́bè: Ɓəl Ala ləm, aa dɔ torndiaje kər-kər ləm tɔ, yee ɓa gə́ né gə́ kəm kar dəwje lai-lai ra ya.

Esai 1:19

Ɓó lé seḭ ḭje gə meḛ sí Mba koo ne ta ləm ndá Seḭ a sɔje némajije Gə́ ur dɔ mareeje mee ɓee’g neelé,

Esai 50:10

Nana ɓa mbuna sí’g gə́ ɓəl Njesigənea̰ lé Maji karee oo ndu kura ləa! Nana ɓa gə́ njaa dan loondul’g lal lookàr ɓəi lé Maji karee ɔm mée dɔ ri Njesigənea̰’g ləm, Karee nduna rəa kaar Ala’g ləa ləm tɔ.

Ajee 1:1

Mee ləb gə́ njekɔm’g joo gə́ Darius to ne mbai, mee ndɔ gə́ dɔtar’g lə naḭ gə́ njekɔm’g misa̰ lé ɓa Njesigənea̰ ula Aje, njetegginta ta nee aree un aw ula Jorobabel, ŋgolə Səaltiel, gə́ to njeguburuɓee gə́ Juda ləm, gə Juje, ŋgolə Josadak, ŋgɔ-njekinjanéməs ləm tɔ pana:

Ajee 1:14

Njesigənea̰ ɔs Jorobabel, ŋgolə Səaltiel, njeguburuɓee gə́ Juda ɓɔḭ-ɓɔḭ ləm, ɔs Juje, ŋgolə Josadak, ŋgɔ-njekinjanéməs ɓɔḭ-ɓɔḭ ləma, ɔs ges koso-dəwje lai gə́ nai ləm tɔ. Deḛ ree d’un kudu ra kula kəi lə Njesigənea̰ gə́ njeboo-néje gə́ to Ala lə dee lé

Ajee 2:2

Maji kari ula kula dəji Jorobabel, ŋgolə Səaltiel, njeguburuɓee gə́ Juda ləm, gə Juje, ŋgolə Josadak, ŋgɔ-njekinjanéməs ləma, gə ges koso-dəwje gə́ nai ləm tɔ lé pana:

Néra Njékaḭkulaje 9:31

Togə́bè ɓa Eglisə si ne gə loo kulee lɔm dɔ naŋg gə́ Jude ləm, gə Galile ləma, gə Samari ləm tɔ. Deḛ d’ula diŋgam meḛ na̰’d ləm, deḛ njaa na̰’d ɓəl ne Ndil Mbaidɔmbaije ləm tɔ ndá deḛ ra tɔg gə́ kédé-kédé mbata Ndilmeenda to gə́ dərgel dee tɔ.

Tel tura Godndu 31:12

Seḭ a mbo̰je koso-dəwje, diŋgamje, denéje, ŋganje, gə dəw-dɔ-ɓeeje gə́ d’isi mbuna sí’g gə mba kar dee d’oo ndu sí ləm, kar dee ndoo ne loo ɓəl Ala lə sí gə́ Njesigənea̰ ləma, gə mba kar d’aa dɔ taje lai gə́ to mee godndu’g neelé gə mba ra née ləm tɔ.

Tel tura Godndu 31:13

Ŋgan deeje gə́ d’a gə gər el lé d’a koo ndá d’a ndoo ne loo ɓəl ne Ala lə sí gə́ Njesigənea̰ gə mee ləbje lai gə́ seḭ a síje ne kəmba mee ɓee’d gə́ seḭ a gə taaje gə́ né ka̰ sí loo gə́ seḭ a gaŋgje ne baa gə́ Jurdɛ̰ mba̰ lé tɔ.

Njé gə́ Kolosə 1:6

Tagə́maji lé to mbuna sí’g ləm, to mbuna dəwje lai-lai gə́ dɔ naŋg neelé ləm tɔ, yee teḛkɔr aw gə́ kédé-kédé to gə́ yeḛ ra mbuna sí’g un kudee mee ndəa gə́ kəm sí inja dɔ noji’g lə Ala gə́ aw na̰’d gə kankəmta lé.

Ǝbrəje 12:28

Gelee gə́ nee ɓa jeḛ gə́ j’iŋga ɓeeko̰ gə́ a yə el lé ar sí j’ar ta ra oiyo neelé ɔr wur sí’g el, ar sí j’ar rəw kwa Ala meḛ sí’g lé to ne gə́ taa kəmee rəgm ləm, ar sí n’ra gə meenda londoŋ gə kaar gəd ləm tɔ,