2 Njé gə́ Kɔrḭtə 7:2 - Maktub gə́ To gə Kəmee

² Seḭ lé arje meḛ sí to tag mbata lə síjeḛ ya. Jeḛ j’ra majel gə dəw kára kara el ləm, j’ula sul dɔ dəw kára kara el ləma, jeḛ j’unda kəm dəw kára kara jibi n’taa ne né ləa el ləm tɔ.

2 Njé gə́ Kɔrḭtə 7:2 Iomraidhean Croise

Bula lə Israɛlje 16:15

Oŋg lə Moyis al dəa sula ndá yeḛ ula Njesigənea̰ pana: Nékarje lə dee lé maji kari oo gə́ né el. Ma lé m’taa mulayḛ̀je lə dee kára kara el ləm, m’ra majel gə dəw kára kara mbuna dee’g el ləm tɔ.

Matiyo 10:14

Loo gə́ d’a kwa sí gə́ rɔ dee’g el əsé d’a koo ta lə sí el ndá teḛje mee kəi’g neelé əsé mee ɓee’g neelé gə́ ɗaga ndá kundaje kor gɔl sí’g ya.

Matiyo 10:40

Yeḛ gə́ wa sí gə́ rəa’g ndá yeḛ kara wam gə́ rəa’g ya ləm, yeḛ gə́ njekwam gə́ rəa’g kara wa dəw gə́ njekulam gə́ rəa’g ya ləm tɔ.

Lugu 10:8

Ɓee-boo gə́ rara ɓa gə́ seḭ a teḛje keneŋ ɓa njéɓeeje gə́ keneŋ d’wa sí gə́ rɔ dee’g d’ar sí nésɔ ndá maji kar sí sɔje nésɔ gə́ d’ar sí ləm,

Néra Njékaḭkulaje 20:33

Ma lé larnda əsé larlɔr əsé kubu lə dəw kára kara malee ram el.

Njé gə́ Rɔmə 16:18

Mbata dəwje neelé ra kula gə́ wɔji dɔ meḛ dee-deḛ ɓó deḛ ra kula gə mba kar Mbaidɔmbaije lə sí lé el. Ta gə́ rii ləm gə ta lèbè ne kəm dəwje ləm tɔ ɓa deḛ pəl ne meḛ njémeekwɔilɔje.

2 Njé gə́ Kɔrḭtə 1:12

Mbata né gə́ jeḛ n’ti ne rɔ sí dɔ’g lé ɓa to nee: Jeḛ lé ta gə́ meḛ sí ula sí ɓa ar sí j’oo gao kaw gə́ jeḛ j’aw dɔ naŋg nee ləm, gə né gə́ jeḛ n’ra gə mbata lə sí ləm tɔ lé jeḛ n’ra gə meenda gə meemaji no̰ Ala’g ya: jeḛ n’ra gə goo noji lə Ala ya ɓó jeḛ n’ra gə goo kəmkàr gə́ ka̰ naŋg nee el.

2 Njé gə́ Kɔrḭtə 11:16

Ma m’pa gɔl kára tɔɓəi, maji kar dəw kára kara oom gə́ mbə-dəw el. Esé maji kar sí wamje gə́ rɔ sí’g asəna gə mbə-dəw mba karm-ma nja m’ti rɔm bəl tɔ ŋga ɓa.

2 Njé gə́ Kɔrḭtə 11:9

mbata ŋgako̰ síje gə́ d’ḭ Masedoinə ɓa d’am né gə́ m’aw ndée. Lé riri gə́ lalm kara ma m’ɔg rɔm kaw kabee ji sí’g tɔɓəi m’a kɔg rɔm dɔ’g bèe ya saar-saar ya tɔ.

2 Njé gə́ Kɔrḭtə 4:2

Nérɔkulje lai gə́ dəwje ra loo-ŋgəḭ lé jeḛ j’unda dee ɓad ləm, jeḛ n’ra goso el ləma, ta lə Ala kara jeḛ n’telee raŋg el ləm tɔ. Nɛ jeḛ n’riba dɔ kankəmta j’wɔji ne dɔ rɔ sí, j’ula taree meḛ dəwje’g kəm Ala’g.

Njé gə́ Pilibə 2:29

Bèe ndá wáje gə́ rɔ sí’g gə ri Mbaidɔmbaije, ndaje ne meḛ sí kaḭ tɔ, dəwje gə́ togə́bè lé ilaje riɓar dɔ dee’g ya.

Njé gə́ Kolosə 4:10

Arisitarekə, njeboadaŋgai ləm ra sí lapia. Mark, ŋgolə bɔ Barnabas gə́ ma m’ula sí ta gə́ wɔji dəa kédé lé yeḛ kara ra sí lapia tɔ. Ɓó lé yeḛ a kaw ɓee lə sí ndá maji kar sí wáje gə́ rɔ sí’g.

1 Njé gə́ Tesalonikə 2:10

Seḭ toje njékoogineje ləm, Ala kara oo ləm tɔ. Néra gə́ jeḛ n’ra sə sí-seḭ njémeekunje lé to né gə́ àr ləm, to né gə́ to gə dɔ najee ləma, to néra njemeekarabasur ləm tɔ.

Piləmɔ̰ 1:12

Ma m’ulá m’aree tel rɔi’g gogo asəna gə dəb rɔm kára gə́ m’ɔr m’ulá rɔi’g.

Piləmɔ̰ 1:17

Bèe ndá ɓó lé i oom gə́ baokura ləi ndá maji kari wá gə́ rɔi’g to gə́ wam ne ma bèe nja tɔ.

2 Ja̰ 1:10

Ɓó lé dəw kára aw rɔ sí’g ɓa, un ta neelé ula sí el ndá wáje gə́ rɔ sí’g mee kəi’g lə sí el ləm, reaje lapia wɔjije ne kag noji el ləm tɔ.