2 Njé gə́ Kɔrḭtə 7:10 - Maktub gə́ To gə Kəmee

¹⁰ Tɔgərɔ ya, nékəmndoo gə́ Ala nja wɔji ɓa ar dəw wa ne ndòo rəa dɔ kaiya’g ləa mba teḛ ne rəw-kaji’g, ɓó a tel kɔm rəd gogo el. Nɛ nékəmndoo gə́ ka̰ naŋg nee ɓa oji yoo.

2 Njé gə́ Kɔrḭtə 7:10 Iomraidhean Croise

Néra Njékaḭkulaje 3:19

Bèe ndá waje ndòo rɔ sí dɔ kaiya’g lə sí ɔsje badm telje mba kar kaiya lə sí ɔr ndɔs-ndɔs ləm,

Néra Njékaḭkulaje 11:18

Loo gə́ d’oo ta neelé mba̰ ndá meḛ dee oso naŋg po̰ ar dee d’ula rɔnduba dɔ Ala’g pana: Ala lé ya ar njétareeje d’wa ndòo rɔ dee dɔ kaiya’g lə dee gə mba kar dee-deḛ nja kara d’a si ne gə kəmə lé tɔ.

2 Samel 12:13

Dabid ula Natan pana: M’ra kaiya m’ɔs ne ta lə Njesigənea̰ rəw ya. Natan tel ula Dabid pana: Njesigənea̰ ar mée oso lemsé dɔ kaiya’g ləi ndá i a kwəi el ŋga.

Lugu 18:13

Nɛ njetaa lar-gədɓee lé unda rəa ŋgərəŋ, yeḛ ɓəl koo loo kun kəmee tar gə́ dara nɛ yeḛ unda kaaree gə jia rii pana: Wai Ala, ma gə́ m’to gə́ njekaiya lé ar məəi oso lemsé dɔm’g ya kari.

Lugu 15:10

Togə́bè ɓa ma m’ula sí təsərə, kaiya-dəw kára ba kiao gə́ wa ndòo rəa dɔ kaiya’g ləa lé ndá d’a ra rɔlel yaa̰ dəa’g no̰ kuraje lə Ala gə́ dara lé tɔ.

Junas 3:10

Ala oo to gə́ deḛ ra togə́bè ləm, deḛ tel d’ya̰ goo rəw néra gə́ majel lə dee ləm tɔ. Togə́bè ɓa Ala tel ne gə ndia ar goo takə̰ji gə́ wɔji dɔ né gə́ majel gə́ yeḛ wɔji-kwɔji ra sə dee lé yɔr ne ləm, yeḛ ra ne née el ləm tɔ.

Ǝbrəje 12:17

Seḭ gərje gao, waga ɓa loo gə́ yeḛ ra ndòo rɔ bɔbee’g gə mán-no̰ kəmee’g, mba karee tɔr ne ndia dəa’g ndá bɔbee undá ɓad mbata loo gə́ yeḛ ndigi kwa ndòo rəa dɔ kaiya’g ləa ndá lé godo ŋga.

Gosota-Kəmkàrje 17:22

Mee dəw gə́ lelee lé to kuma̰ gə́ maji mbata lə darəa, Nɛ rɔkwəi sululu lé sɔ siŋgarea tɔ.

Junas 4:9

Ala dəji Junas pana: See oŋg gə́ i ra wɔji ne dɔ roŋ neelé i oo gə́ né gə́ maji ya wa. Yeḛ tel ilá keneŋ pana: Oŋg gə́ m’ra lé m’ra gə goo rəbee ya saar a kas yoom.

1 Samel 30:6

Dabid si dan boo-néurti’g mbata d’wɔji-kwɔji tilá gə kɔri-ər. Meḛ njérɔje lai adə dee mbag-mbag, nana kara mbata ŋganeeje gə́ diŋgam gə njé gə́ dené tɔ. Nɛ Dabid wa mée kɔgərɔ, gəd ne rəa rɔ Njesigənea̰, Ala’g lé ləa.

2 Njé gə́ Kɔrḭtə 12:21

Meem to kərm nà loo gə́ m’a teḛ dɔ sí’g lé Ala a kila rɔkul dɔm’g gə mbata lə sí ya tɔɓəi ləm, m’a gə no̰-no̰ njé gə́ na̰je gə́ d’oso dan kaiya’g ɓa d’wa ne ndòo rɔ dee dɔ mɔdkaiya’g gə kəmnda gə néraje gə́ kori-kori gə́ d’ula rɔ dee keneŋ lé el ɓəi ləm tɔ.

Matiyo 26:75

Léegəneeya kona no̰ wəl ndá mee Piɛrə aḭ har teḛ dɔ ta gə́ Jeju ulá kédé pana: Kona a no̰ el nja ɓəi ndá i a maḭ dɔm’g gɔl munda ya. Yen ŋga, yeḛ unda loo teḛ raga no̰ ɓugudu-ɓugudu.

Junas 3:8

Nɛ maji kar dee d’ula kubu-kwa-ndòo rɔ dee’g, dəwje ləm, gə daje ləm tɔ kar dee d’ɔr ndu dee gə́ tar wəl no̰ ne gə kaar gəd rɔ Ala’g lé. Maji kar dəwje kára-kára lai lé d’uba goo néra deeje gə́ majel ləm, gə goo néra gə́ kərm-kərm gə́ ji dee ɓa ra lé ləm tɔ d’ya̰.

Ejekel 7:16

Njékaḭ taa ne rɔ deeje, deḛ d’isi dɔ mbalje’g asəna gə dərndaje gə́ d’isi kəm wəl-looje’g bèe. Deḛ lai no̰ tuma̰ ŋgururu-ŋgururu, ar nana kara no̰ mbata néra kori-kori ləa-ləa.

Jeremi 31:9

Deḛ ree gə mán-no̰ kəm dee’g Ndá ma m’ɔr no̰ dee Dan no̰ ndòo’g lə dee, Ma m’aw sə dee Par gə́ kəm-rəw-manje gə́ ula yal-yal, Gə rəw gə́ kára ba bərəŋ Gə́ né tuga gɔl dee keneŋ el, Mbata ma m’to gə́ bɔ-Israɛlje ləm, Eprayimje to ŋgondərm ləm tɔ.

Gosota-Kəmkàrje 18:14

Takə̰ji lə dəw lé gədee dan rɔko̰’g, Nɛ dəw gə́ rəa gaḭ ges lé see a gəd rəa to gə́ ban wa.

Gosota-Kəmkàrje 15:15

Ndɔje lai gə́ wɔji dɔ njénékəmndooje lé To majel, Nɛ meelel lə dəw lé To asəna gə si ta muru-gad’g ta-ta bèe.

Gosota-Kəmkàrje 15:13

Mee dəw gə́ lelee lé Ar təa to gə kogo dḛ̀, Nɛ loo gə́ mee dəw lelee el ndá Rea wəi sululu.

1 Mbaije 21:4

Akab tel aw kəi ləa gə kəmndoo ləm, gə meeko̰ ləm tɔ mbata ta gə́ Nabot gə́ Jisreel ulá pana: M’a kari nénduba gə́ to ka̰ kamje-je el lé! Ndá yeḛ to dɔ tira’g ləa ar kəmee mas mbid-mbid tɔɓəi sɔ né el tɔ.

2 Samel 17:23

Ahitopel lé loo gə́ yeḛ oo to gə́ deḛ taa takwɔji-kəmkàr ləa el ndá yeḛ ɔm kali dɔ mulayḛ̀je’g ləa ḭ gə mba tel kaw kəi ləa mee ɓee-boo’g. Yeḛ un ndia ar njémeekəije ləa ndá yeḛ aw ila kúla wəi. Togə́bè ɓa yeḛ wəi ne ar dee dubee dɔɓar bɔbeeje’g tɔ.

2 Samel 13:4

Yeḛ dəji Amno̰ pana: See gelee ban ɓa i gə́ to ŋgolə mbai ya əŋ togə́bè gə ndɔ-ndɔ wa. See i ndigi kulam gelee el wa. Amno̰ tel ilá keneŋ pana: Mal Tamar, kɔnan Absalɔm gə́ to ŋgokɔm lé ram ŋgwɔd-ŋgwɔd.

Gḭ-Néje 30:1

Loo gə́ Rasel oo to gə́ yeḛ as koji ŋgon gə Jakob el ndá yeḛ ra kəmkəḭ dɔ ŋgokea̰ gə́ dené’g ndá yeḛ ula Jakob pana: Am ŋganje nà m’a kwəi!

Pakɔsje 38:18

Ma lé nai lam ba karm m’oso ya, Meeko̰ ləm kara to nɔm’g ta-ta tɔ.

Njekillamber 7:3

Si gə meeko̰ maji unda kogo. Mbata si dan kəmtondoo’g lé A kar rɔ dəw lelee ɓəi.

2 Njé gə́ Kɔrḭtə 7:9

ɓasinè m’ra rɔlel nɛ ma m’ra mbata kəm sí gə́ m’ula ndòo el nɛ ma m’ra rɔlel mbata kəmtondoo lə sí lé ar sí waje ndòo rɔ sí dɔ kaiya’g lə sí. Mbata kəm sí gə́ j’ula ndòo lé to gə goo rəw gə́ Ala wɔji ya ɓó to gə́ jeḛ ɓa n’ra né gə mba busu sí ne el.