2 Njé gə́ Kɔrḭtə 2:3 - Maktub gə́ To gə Kəmee

³ Ma m’ndaŋg maktub m’ar sí togə́bè mba kar ndɔ gə́ m’a teḛ dɔ sí’g lé deḛ gə́ m’ŋgina rɔlel rɔ dee’g lé d’a kam rɔlel ya ɓó kəmndoo el. Mbata ma m’gər gao, rɔlel lə sí wɔji dɔ kama ya.

2 Njé gə́ Kɔrḭtə 2:3 Iomraidhean Croise

1 Njé gə́ Kɔrḭtə 4:21

See ri ɓa seḭ ndigije wa. See m’a kaw rɔ sí’g gə ndəi əsé m’a kaw rɔ sí’g gə meenoji ləm, gə ndu noji ləm tɔ wa.

2 Njé gə́ Kɔrḭtə 1:15

Meem gə́ to yel gə́ dɔ sí’g lé yee ɓa ma m’ndiŋga ne rɔm mba kaw rɔ sí’g kar sí iŋgaje ne nénoji gə́ a kɔs dɔ maree’g.

2 Njé gə́ Kɔrḭtə 1:23

Ala nja gə́ m’wa məəm’g to njekoogoo ta ləm ya: kaw gə́ m’aw Korintə el ɓəi lé to gə mba m’sa rɔm rəw ndɔr sí ne jan-jan ɓəi.

2 Njé gə́ Kɔrḭtə 12:11

Ma m’pa tapa dəw gə́ ndilee igee. Nɛ to seḭ nja gə́ ɔsmje ɓɔḭ-ɓɔḭ mba karm m’ra togə́bè. To ta lə sí gə mba pidim ya mbata ɓó lé ma m’to gə́ né el kara deḛ njékaḭkulaje gə́ to dəwje gə́ boo lé deḛ dum ma gə né kára kara el.

2 Njé gə́ Kɔrḭtə 12:21

Meem to kərm nà loo gə́ m’a teḛ dɔ sí’g lé Ala a kila rɔkul dɔm’g gə mbata lə sí ya tɔɓəi ləm, m’a gə no̰-no̰ njé gə́ na̰je gə́ d’oso dan kaiya’g ɓa d’wa ne ndòo rɔ dee dɔ mɔdkaiya’g gə kəmnda gə néraje gə́ kori-kori gə́ d’ula rɔ dee keneŋ lé el ɓəi ləm tɔ.

2 Njé gə́ Kɔrḭtə 13:10

Gelee gə́ nee ɓa, ma gə́ m’godo mbuna sí’g ɓasinè lé ma m’ndaŋg maktub nee m’ar sí mba kar loo gə́ m’a teḛ mbuna sí’g ndá m’a koo loo mba ra sə sí kədərə el, ndukun gə́ Mbaidɔmbaije un am lé to gə mba rɔd sí ne ɓó gə mba tuji sí ne el.

2 Njé gə́ Kɔrḭtə 2:9

Mbata ma m’ndaŋg maktub m’ar sí mba kuru ne meḛ sí koo see seḭ a toje ŋgankojije dɔ néje’g lai wa.

2 Njé gə́ Kɔrḭtə 7:12

Bèe ndá ɓó lé ma m’ndaŋg ta mee maktub’g m’ar sí ndá ma m’ra mbata lə yeḛ gə́ njetɔsta el ləm, əsé mbata lə yeḛ gə́ yeḛ tɔs səa ta el ləm tɔ. Ma m’ra mba kar kag sí gə́ seḭ tədje lé to raga pai-pai mbuna sí’g no̰ Ala’g ya.

2 Njé gə́ Kɔrḭtə 7:16

Ma m’ra rɔlel mbata m’oo loo kɔm məəm dɔ sí’g mbata néje lai ya.

2 Njé gə́ Kɔrḭtə 7:6

Nɛ Ala gə́ njegɔl meḛ deḛ gə́ rɔ dee wəi njururu lé yeḛ nja ɓa ar Titə teḛ dɔ sí’g gɔl ne meḛ sí,

2 Njé gə́ Kɔrḭtə 7:8

Lé maktub gə́ m’ula ne m’ar sí lé ar meḛ sí o̰ sí kara m’aar dɔ’g njaŋg ya ɓəi. Ɓó lé m’aar dɔ’g njaŋg el mbata m’oo to gə́ maktub neelé ar meḛ sí o̰ sí waga ba kara

2 Njé gə́ Kɔrḭtə 8:22

Ŋgoko̰ sí gə́ raŋg kára gə́ jeḛ j’aḭ mée gɔl bula j’oo ne loo kag sí gə́ yeḛ təd lé j’ulá sə dee na̰’d tɔ, ɓasinè yeḛ a tədkag loo yaa̰ kunda nje gə́ kédé mbata yeḛ ɔm mée dɔ sí’g jəb-jəb.

Njé gə́ Galati 5:10

Ma lé m’ɔm məəm dɔ sí’g gin Mbaidɔmbaije’g m’oo to gə́ takə̰jije lə sí a to ne ɓəd el. Nɛ dəw gə́ njebəg sí lé ɓó lé to gə́ nana kara bo̰ nérea a kɔs təa’g bɔsɔrɔ ya.

2 Njé gə́ Tesalonikə 3:4

Mbaidɔmbaije ɓa ar meḛ sí oso naŋg po̰ dɔ sí’g ar sí n’gər gao, ta gə́ jeḛ ndəji sí lé seḭ raje mba̰ ləm, seḭ a raje kəm sí gə́ kédé ɓəi ləm tɔ.

Piləmɔ̰ 1:21

Ma m’ndaŋg maktub nee m’ari mbata ma m’gər gao i a kila ŋgonkoji dɔm’g. Ma m’gər gao i a ra né kur dɔ né gə́ m’wɔji’g ya!