2 Njé gə́ Kɔrḭtə 10:3 - Maktub gə́ To gə Kəmee

³ Jeḛ j’isi mbuna njé gə́ dɔ naŋg nee ya nɛ rɔ gə́ jeḛ n’rɔ lé to gə goo ka̰ njé gə́ dɔ naŋg nee el.

2 Njé gə́ Kɔrḭtə 10:3 Iomraidhean Croise

Njé gə́ Rɔmə 7:5

Tɔgərɔ ya, loo gə́ jeḛ nai gin darɔ’g ɓəi lé ndá mal ra kaiya gə́ godndu kila gel dee lé taa rɔ sí yéŋgé-yéŋgé ar sí j’andə ne gə kandə sí gə́ ka̰ yoo ya tɔ.

Njé gə́ Rɔmə 8:13

Tɔgərɔ ya, ɓó lé seḭ sije kəmba gə mba darɔ ndá seḭ a kwəije ne. Nɛ ɓó lé seḭ ndolèje goo Ndil, tɔlje ne néra lə darɔ ndá seḭ a sije ne gə kəmə lé ya.

Njé gə́ Rɔmə 8:4

mba kar meekarabasur gə́ godndu wɔji lé j’a ra née karee maji ɔr njoroŋ mbata jeḛ lé jeḛ njaa gə goo né gə́ Ndil ɓa wɔji ɓó jeḛ njaa gə goo né gə́ darɔ ɓa wɔji el.

2 Njé gə́ Kɔrḭtə 1:17

Né gə́ m’ndiŋga rɔm gə mba ra lé see m’ndiŋga ne rɔm gə mḭdé ba wa. Esé see loo gə́ ma m’wɔji rəw-kabm lé see m’pa gə́ naŋg’n to gə́ dəwje gə́ dɔ naŋg nee tɔ wa.

2 Njé gə́ Kɔrḭtə 10:4

Tɔgərɔ ya, nérɔje lə síjeḛ lé to gə́ ka̰ njé gə́ naŋg nee el nɛ nérɔje lə sí lé Ala nja ar dee to nérɔje gə́ gə siŋga dee mba kunda kəi-kaar-kɔgərɔje lə dee naŋg rə̰dəŋ-rə̰dəŋ.

Njé gə́ Galati 2:20

Ma m’ɗar rɔm gə Kristi na̰’d, ɓó lé m’isi kəmba ndá kara to ma el ŋga, nɛ Kristi ɓa si kəmba məəm’g, ɓó lé m’isi kəmba gə darɔm ɓasinè ndá kara meekun gə́ m’un m’ar Ŋgon-Ala lé ɓa m’isi ne kəmba. Yeḛ nja ɓa undam dan kəmee’g, ya̰ rəa ar yoo mbata ləm tɔ.

1 Timote 1:18

Ŋgonəm Timote, ta gə́ m’tɔgi ne neelé to gə́ goo ta gə́ deḛ tegginee d’wɔji ne dɔi kédé lé to mba kar ta nee to kag gədi kari to ne bao-rɔ gə́ gəd ya ləm,

2 Timote 4:7

Ma m’rɔ rɔ maji ləm, ma m’ɔr suna rəw ləm njal ləma, m’aar dɔ meekun’g kɔgərɔ ləm tɔ.

Ǝbrəje 12:1

Jeḛ kara njékoo sə sí géeje gə́ d’aḭ dɔ sí sub lé d’isi ɗəŋ-ɗeŋ. Bèe ndá né gə́ ar rɔ sí wɔi ndiŋ-ndiŋ ləm, gə kaiya gə́ biri sí ləm tɔ lé ar sí j’ɔmje kɔrɔ ləm, ar sí j’aḭje gə meekai sam-sam gə kankəm rəw gə́ to tag no̰ sí’g ləm tɔ.