2 Njé gə́ Kɔrḭtə 1:4 - Maktub gə́ To gə Kəmee

⁴ Yeḛ nja ɓa gə́ njegɔl sí dan némeeko̰ gə́ rara gə́ j’isi danee’g gə mba kar mbɔl dɔ gɔl gə́ yeḛ gɔl meḛ sí lé jeḛ kara j’askəm gɔl ne meḛ mar síje gə́ d’isi dan némeeko̰’g gə́ rara kara gə́ ra dee lé tɔ.

2 Njé gə́ Kɔrḭtə 1:4 Iomraidhean Croise

Pakɔsje 32:5

M’teggin kaiya ram m’ari ya. M’iya səi dɔ néra kori-kori ləm el tɔ, M’pana: M’a riba dɔ kaltaje ləm pərəg no̰ Njesigənea̰’g, Bèe ɓa i tuji bo̰ néra kaiya ləm gə́ a gə kɔs tam’g lé.

Pakɔsje 32:7

I ɓa to loo-kula-rɔm keneŋ ləm, I nja ɓa gə́ njekɔgm dɔ koso dan ndòo’g ləm tɔ, I aḭ dɔm sub gə pa taa ne dɔm.

Pakɔsje 66:16

Seḭje lai gə́ ɓəlje Ala Gə́ reeje urje mbi sí gèŋ Amje m’ɔr sor né gə́ yeḛ ra mbata ləm lé m’ar sí ooje.

Pakɔsje 86:17

Maji kari am m’oo nétɔji gə́ wɔji dɔ meemaji gə́ i a gə ra səm lé Maji kar njéba̰je ləm d’oo ləm, Ar kəm sɔḭ wa kəm dee ləm tɔ. Ǝi Njesigənea̰, i lé to njela səm gə njegɔl məəm ya.

Esai 12:1

Mee ndəa’g neelé i a pa pana: Ǝi Njesigənea̰, ma m’pidii Mbata kédé oŋg ləi ḭ səi pu dɔm’g, Nɛ oŋg ləi lé tel wəi bèm Ndá i tel gɔl məəm.

Esai 40:1

Ala lə sí pa bèe pana: Gɔlje, gɔlje meḛ koso-dəwje ləm,

Esai 49:10

Ɓó a tɔl dee el ləm, Kṵdaman a tɔl dee el ləma, Pər kàr gə́ nuŋga kəd-kəd gə kàr lé D’a kula kəm dee ndòo el ləm tɔ Mbata yeḛ gə́ mée aw taḭ-taḭ dɔ dee’g lé A to njekɔrno̰ dee Ndá yeḛ a kɔr no̰ dee par gə́ kəm-rəw-manje’g.

Esai 51:12

To ma, to ma ɓa gə́ njegɔl meḛ sí, See ɗi ɓa seḭ a ɓəlje ne dəw gə́ a gə kwəi ləm, Gə ŋgon dəw gə́ to asəna gə mu bèe lé wa.

Esai 51:3

Njesigənea̰ oo kəmtondoo lə Sio̰ bèe ləm, Yeḛ oo kəmtondoo ləa dɔ néje ləa lai gə́ tuji ləm tɔ. Yeḛ a kar dɔdilaloo ləa Tel to asəna gə loo-ndɔ gə́ Edḛ bèe ləm, Yeḛ a kar dɔ naŋg ləa gə́ tudu kurum-kurum lé Tel to asəna gə loo-ndɔ lə Njesigənea̰ bèe ləm tɔ. D’a kiŋga rɔlel gə kalrɔ keneŋ ləm, Ta ra oiyo gə ndu paje d’a ɓar keneŋ ləm tɔ.

Esai 52:9

Seḭ dɔ ndubaje gə́ Jerusalem gə́ tujije lé Ndubaje rɔ sí na̰’d gə pa rɔlel! Mbata Njesigənea̰ gɔl meḛ koso-dəwje ləa ləm, Yeḛ taa dɔ njé gə́ Jerusalem ləm tɔ.

Tagə́maji gə́ Ja̰ ndang 14:16

Ma lé m’a ra tamaji ta Bɔ-dəwje’g mba karee ar sí njenai sə sí gə́ raŋg mba karee orè sí més gə no̰.

Tagə́maji gə́ Ja̰ ndang 14:18

M’a kya̰ sí to gə́ ŋganalje bèe el, nɛ m’a tel ree rɔ sí’g ɓəi.

Tagə́maji gə́ Ja̰ ndang 14:26

Nɛ Ndilmeenda gə́ njenai sə sí gə́ Bɔ-dəwje a kulá karee ree rɔ sí’g gə rim lé yeḛ nja ɓa a ndoo sí néje lai ləm, taje lai gə́ ma m’ula sí lé yeḛ a kolé meḛ sí dɔ’g ləm tɔ.

2 Njé gə́ Kɔrḭtə 7:13

Gelee gə́ nee ɓa meḛ sí to ne lɔm. Ta nee gɔl meḛ sí goo kára ba el nɛ loo gə́ jeḛ j’oo rɔlel lə Titə mbata seḭ arje ndilee ree rəa’g ndá rɔlel lə sí to yaa̰ unda nje gə́ kédé ya.

2 Njé gə́ Kɔrḭtə 7:4

Ma m’ɔm məəm dɔ sí’g jəb-jəb m’ti ne rɔm guu dɔ sí’g. M’isi gə meekulɔm ləm, m’isi gə meendakaḭ dan némeekonje’g lai ləm tɔ.

Njé gə́ Pilibə 1:14

Kúla gə́ deḛ tɔm ne neelé ula diŋgam meḛ kawal ŋgakɔmje gə́ ka̰ Mbaidɔmbaije lé ar dee d’ila ne mber ta lə Ala gə kəm ŋgon diŋgam unda nje gə́ kédé ɓó d’ar kaar dee ndəb dɔ’g el.

1 Njé gə́ Tesalonikə 4:18

Maji kar sí gɔlje meḛ na̰ gə taje neelé.

1 Njé gə́ Tesalonikə 5:11

Gelee gə́ nee ɓa maji kar sí ndəjije na̰ gə meendakaḭ ləm, undaje siŋga sí na̰’d ləm tɔ, to gə́ seḭ raje mba̰ ya.

Ǝbrəje 12:12

Gelee gə́ nee ɓa ji sí gə́ unda ndolè lé ar deeje ɓar mèr-mèr ləm, kəji sí gə́ unda bala kara aarje ne tar jigiri ləm tɔ.