2 Njé gə́ Kɔrḭtə 1:3 - Maktub gə́ To gə Kəmee

³ Maji kar dɔ ri Ala lé ai səgərə, yeḛ gə́ to Bɔ Mbaidɔmbaije lə sí Jeju Kristi ləm, gə bao-meekɔrjol ləma, gə Ala gə́ bao-njegɔl meḛ dəwje ləm tɔ.

2 Njé gə́ Kɔrḭtə 1:3 Iomraidhean Croise

Gḭ-Néje 14:20

Maji kar dɔ Ala gə́ Njekurdɔloo lé ai səgərə, yeḛ gə́ ya̰ njéba̰je ləi jii’g. Yen ɓa Abram kai néje lai loo dɔg ɓa un təa kára aree.

1 Sôrta Gḭka-Israɛlje 29:10

Dabid pidi Njesigənea̰ kəm koso-dəwje’g lai. Yeḛ pana: I Njesigənea̰, Ala lə bɔ síje Israɛl lé maji kar dɔi ai səgərə gə ləbi-ləbi saar-saar gə no̰ ya.

Nehemi 9:5

Juje gə Kadmiel gə Bani gə Hasabnia gə Serebia gə Hodija gə Sebania gə Petaja, gə́ to Ləbije neelé pana: Ḭje tar ɔsje gaji Njesigənea̰, Ala lə sí gə́ njesi gə ləbee-ləbee gə no̰ lé! Maji kar dee d’ɔs gaji rɔnduba lə ri Gə́ ur dɔ ndutɔrje lai ləm, Gə dɔ ta pidije lai ləm tɔ lé.

Maktub gə́ wɔji dɔ Jɔb 1:21

ndá yeḛ pana: M’teḛ mee kɔmje’g kudum dum Ndá m’a tel kaw naŋg gə kudum gə́ dum ya tɔ. Njesigənea̰ ya to njekar né ləm, Njesigənea̰ ya to njetaa né ləm tɔ, Ndá maji kar dɔ ri Njesigənea̰ ai səgərə.

Pakɔsje 18:46

Deḛ gə́ d’ḭ ɓee gə́ raŋg’d lé Siŋga dee godo ləm, Deḛ d’unda loo mee kəi-kaar-kɔgərɔ’g lə dee teḛ D’unda ne bala tigi-tigi ləm tɔ.

Pakɔsje 68:35

Ulaje rɔnduba dɔ Ala’g lé ya, Boo-ronduba ləa o̰ ɓee dɔ Israɛlje’g ləm, Siŋgamoŋ ləa ḭ sém loo gə́ tar ləm tɔ.

Pakɔsje 72:19

Maji kar ria gə́ maji dum lé ɓar saar-saar gə no̰ ləm, Maji kar rɔnduba ləa kara taa loo dɔ naŋg nee pəl-pəl ya ləm tɔ! Bèe ya! Bèe ya!

Pakɔsje 86:15

Nɛ i Mbaidɔmbaije lé I to Ala gə́ njemeekoso lemsé ləm, Gə njekookəmto̰doo ləm tɔ, Oŋg ḭ səi kalaŋ el ləm, Meemaji gə meenda londoŋ lé ɓa I to babee ya ləm tɔ.

Pakɔsje 86:5

Mbaidɔmbaije, i to njemeemaji ləm, Gə njemeekoso lemsé ləm tɔ. Deḛ lai gə́ ɓar rii lé I unda dee dan kəmi’g.

Esai 66:13

To gə́ dəw gə́ kea̰je gɔl mée bèe lé Togə́bè ɓa m’a gɔl ne meḛ sí ləm, D’a gɔl meḛ sí mee ɓee gə́ Jerusalem bèe ləm tɔ.

Loo gə́ killa rea kəm Daniel’g 4:34

Ɓasinè, ma Nebukadnesar, m’pidii, m’ɔs gajii, m’ula rɔnduba dɔ mbai dɔ dara’g. Kula reaje lai to gə goo rəbee ya ləm, rəwje ləa to danasur ləma, deḛ gə́ njaa ti ne rɔ dee lé kara yeḛ askəm ɓugu dee naŋg ləm tɔ.

Loo gə́ killa rea kəm Daniel’g 9:9

Meekɔrjol gə meekoso lemsé d’ḭ rɔ Mbaidɔmbaije Ala’g lə sí ya nɛ jeḛ lé j’ḭje səa j’ɔsje ta ləa rəw tɔ.

Misee 7:18

See Ala gə́ raŋg gə́ njekar mée oso lemsé dɔ néra gə́ kori-kori’g ləm, Gə njekar mée wəi dɔ kaiyaje’g Le ges dəwje gə́ to nékea̰je ləm tɔ lé ɓa ra wa. Yeḛ ŋgəm oŋg ləa saar-saar gə no̰ el Mbata meekoso lemsé ɓa taa kəmee ya.

Tagə́maji gə́ Ja̰ ndang 10:30

Ma jeḛ gə Bɔm lé jeḛ n’to gə́ kára ba bèe.

Tagə́maji gə́ Ja̰ ndang 20:17

Jeju tel ilá keneŋ pana: Ɔrɔ rɔm el, mbata m’ḭ m’aw rɔ Bɔm’g el ɓəi. Nɛ ɔd aw iŋga ŋgabɔmje ula dee: M’isi m’aw gə́ rɔ Bɔm gə́ to Bɔ síje lé ləm, m’isi m’aw gə́ rɔ Ala’g lé ləm gə́ to Ala lé lə sí ləm tɔ.

2 Njé gə́ Kɔrḭtə 11:31

Ala gə́ to Bɔ Mbaidɔmbaije Jeju ləm, gə́ to njedɔkaisəgərə gə ləbee-ləbee gə no̰ ləm tɔ lé yeḛ nja gər gao to gə́ ma m’pata ŋgɔm el.

2 Njé gə́ Kɔrḭtə 7:6

Nɛ Ala gə́ njegɔl meḛ deḛ gə́ rɔ dee wəi njururu lé yeḛ nja ɓa ar Titə teḛ dɔ sí’g gɔl ne meḛ sí,

Njé gə́ Epesə 1:17

Ma m’ra tamaji mba kar Ala lə Jeju Kristi, Mbaidɔmbaije lə sí gə́ to Bɔ rɔnduba lé a kar sí ndil gə́ ka̰ kəmkàr ləm, a kar kəm sí inja kar sí gərje ne ndiaa təsərə ləm tɔ.

Njé gə́ Epesə 1:3

Maji kar dɔ Ala Bɔ Mbaidɔmbaije lə sí Jeju Kristi lé ai səgərə, mbɔl dɔ Kristi ɓa yeḛ tɔr ne ndia dɔ sí’g ar sí j’isi ne gə nénojije ɓəd-ɓəd gə́ ka̰ Ndil lé mee dara’g.

Njé gə́ Pilibə 2:11

Ta dəw gə́ rara kara a teḛ ɓar ne ri Jeju Kristi Mbaidɔmbaije mba kula ne rɔnduba dɔ Ala Bɔ-dəwje’g lé tɔ.

Njé gə́ Kolosə 1:3

Jeḛ n’ra Ala gə́ to Bɔ Mbaidɔmbaije lə sí Jeju Kristi lé oiyo ta-ta mbata lə sí ləm, jeḛ n’ra tamaji mbata lə sí ləm tɔ

1 Piɛrə 1:3

Maji kar dɔ ri Ala Bɔ Jeju Kristi Mbaidɔmbaije lə sí lé ai səgərə. Yeḛ ar mée oso lemsé dɔ sí’g oji sí ne sigi, tɔɓəi teḛ gə́ yeḛ ar Jeju Kristi teḛ dan njé gə́ d’wəi’g lé ar meekundayel lə sí to ne kəmba tɔ.

2 Ja̰ 1:4

Loo gə́ ma m’iŋga ŋgani gə́ na̰je gə́ njaa dan kankəmta’g, gə goo godndu gə́ j’iŋga rɔ Bɔ-dəwje’g lé ndá rɔm sa ne rəw gə meendakaḭ ya.

2 Ja̰ 1:9

Nana ɓa gə́ aw dəa gə́ kédé ɓó ai mée sam-sam dɔ kankəmta’g lə Kristi el ndá Ala nai səa el. Yeḛ gə́ ai mée sam-sam dɔ tandoo’g neelé ndá Bɔ-dəwje nai səa ləm, Ŋgon kara nai səa ləm tɔ.