1 Timote 1:11 - Maktub gə́ To gə Kəmee

¹¹ Ta neelé aw na̰’d gə Tagə́maji lə Ala gə́ njḛgɔ-ronduba gə njemeemaji ləm, yee ɓa to Tagə́maji gə́ yeḛ ɔm jim’g mba karm m’ndoo dəwje ləm tɔ.

1 Timote 1:11 Iomraidhean Croise

Pakɔsje 138:2

Ma m’unda barmba mee kəi’g ləi gə́ to gə kəmee doi lé ləm, Ma m’unda no̰ rii mbata meemaji ləi gə meenda londoŋ ləi ləm tɔ. Mbata rii lé ɓar gə loo mbidi-mbidi Gə goo ndukunje ləi gə́ i ar dee d’aw lée’g béréré lé.

Lugu 2:14

Ulaje rɔnduba dɔ Ala’g lé, seḭ gə́ síje mee dara’g lé Deḛ gə́ dɔ naŋg nee gə́ taa kəmee rəgm lé d’a sí ne dan meekulɔm’g tɔ.

Njé gə́ Rɔmə 2:16

Yee ɓa a to raga pai-pai loo gə́ Ala nja a kar Jeju Kristi gaŋg rəwta dɔ dəwje dɔ néra goo ŋgəḭ’g lə dee mee ndəa gə́ yeḛ wɔji gə goo Tagə́maji gə́ m’ula sí lé.

1 Njé gə́ Kɔrḭtə 9:17

Ɓó ma m’ra gə məəm gə́ maji ndá meemaji ɓa gə́ nékoga dɔ jim ya. Nɛ ɓó lé to né gə́ unm lad ilam keneŋ ɓa m’ra kara to kula gə́ d’ɔm jim’g ya.

2 Njé gə́ Kɔrḭtə 4:4

Deḛ gə́ meḛ dee ndər dɔ kɔs Ala rəw’g lé njetaa loo-kɔg gə́ dɔ naŋg nee ɓasinè lé yeḛ nja tɔ kəm dee wə-wə nà Tagə́maji gə́ wɔji dɔ rɔnduba lə Kristi gə́ njekɔr rɔ Ala pai-pai lé a ndogó no̰ dee’g.

2 Njé gə́ Kɔrḭtə 4:6

Mbata Ala nja gə́ pa pana: Maji kar lookàr tḭ loondul kad lé yeḛ nja ar lookàr tḭ loondul meḛ sí’g kad mba kar sí n’gər ne rɔnduba lə Ala gə́ ndogó kəm Jeju Kristi’g lé.

Njé gə́ Galati 2:7

Ta gə́ kɔl ɓa nee ya: loo gə́ deḛ d’oo to gə́ d’ɔm Tagə́maji lé jim’g mbata lə deḛ gə́ to gə́ njékḭja tamɔd deeje el to gə́ d’ɔm taree ji Piɛrə’g mbata lə deḛ gə́ d’inja tamɔd deeje mba̰ lé

Njé gə́ Epesə 1:12

mba kar síjeḛ gə́ j’unda meḛ sí yel dɔ Jeju Kristi’g kédé lé jeḛ n’to ne nékila riɓar dɔ rɔnduba’g ləa ya.

Njé gə́ Epesə 1:6

Maji kar noji gə́ yeḛ wa sə sí gin yeḛ gə́ to ŋgonkəmee lé a nduba ne rəa gə́ raga kar dee pidee ne.

Njé gə́ Epesə 2:7

Meemaji gə́ yeḛ ra sə síjeḛ gə́ j’ɔm na̰’d gə Jeju Kristi lé yeḛ nduba ne noji ləa gə́ dum dɔ loo gə́ raga, gə ləbee-ləbee saar gə no̰.

Njé gə́ Epesə 3:10

Mba kar mbɔl dɔ Eglisə lé dəw-dɔ-looje ləm, gə njéko̰ɓeeje gə́ dara gə́ tar ləm tɔ lé ɓasinè d’a gər ne kəmkàr lə Ala lé gə lée-lée

Njé gə́ Kolosə 1:25

Ma m’tel m’to kura lə Eglisə neelé gə goo kɔm gə́ Ala nja ɔm kula neelé jim’g gə mba kam m’ɔr ne ta lə Ala ndəgəsə gə́ raga m’ar sí.

1 Njé gə́ Tesalonikə 2:4

Nɛ to gə́ Ala nja oo sí gə́ dəwje gə́ kəm kila mber Tagə́maji lé ɓa ɔm kula neelé ji sí’g ɓəi ndá jeḛ j’ɔr taree mba n’taa ne kəm Ala ya, yeḛ gə́ njenaa meekuru lə sí ɓó mba taa ne kəm dəwje ba el.

1 Timote 2:7

d’ɔrm d’undam gə́ njekilamber taree ləm, gə njekaḭkula ləma, gə njendoo njépole-magəje ta gə́ wɔji dɔ meekun gə kankəmta lé ləm tɔ. Kankəmta ɓa ma m’pa, ɓó m’pa taŋgɔm el.

1 Timote 6:15

Mee ndəa gə́ wɔji dəa lé Ala gə́ dəa ai səgərə gə́ to Bao-siŋgamoŋ kára ba kiao ləm, gə to Mbai dɔ mbaije ləma, gə to Mbaidɔmbaije ləm tɔ lé a rab Kristi lé gə́ raga.

1 Timote 6:20

Yen Timote, tɔs kəmi dɔ nébao gə́ d’ɔm jii’g lé, ta gə́ gə mḭdé ba ləm, gə ta gə́ aw gə goo ka̰ Ala lé el lé sa rɔi keneŋ.

2 Timote 1:11

Tagə́maji neelé ɓa d’undam ne gə́ njeriba sə dee dəa ləm, gə njekaḭkula ləma, gə njendoo njépole-magəje ginee ləm tɔ.

2 Timote 1:14

Né gə́ maji gə́ d’ɔm jii’g gə mba kari aa dəa lé ndém ji dɔ’g més gə goo siŋgamoŋ lə Ndilmeenda gə́ to meḛ sí’g.

2 Timote 2:2

Né gə́ oo tam’g no̰ dəwje gə́ njékootaje bula lé ndá ɔm taree ta diŋgamje gə́ to majikojije gə́ d’askəm ndoo mar deeje togə́bè tɔ.

Titə 1:3

Yeḛ nja ɓa riba dɔ ta ləa gə́ raga mee ndəa gə́ yeḛ wɔji gə goo kula kɔr gin ta gə́ yeḛ ɔm jim’g gə goo torndu Ala gə́ njekaji sí lé.