1 Samel 3:2 - Maktub gə́ To gə Kəmee

² Mee ndəa gə́ neelé, Eli to loo-tée’g ya. Nɛ kəmee un kudu to bibli aree oo loo njai el ŋga.

1 Samel 3:2 Iomraidhean Croise

Gḭ-Néje 27:1

Isaak ɓuga mba̰ ləm, kəmee tel to bibli aree oo loo el ŋga ləm tɔ. Ndá yeḛ ɓar ŋgondəree Esawu ulá pana: Ŋgonəm! Yeḛ tel ndigi təa’g pana: Yḛ̀ m’aar nee.

Gḭ-Néje 48:10

Kəm Israɛl lé to bibli mbata yeḛ to dəw gə́ tɔg aree oo loo el ŋga. Jisəb ree sə dee pər gə́ rəa’g ndá Israɛl il ɓɔl dee wa dee kaaree’g sud.

Gḭ-Néje 48:19

Nɛ bɔbeeje mbad pana: Ma m’gər gao, ŋgonəm, ma m’gər gao ya, yeḛ kara a tel to ginkoji dəwje ləm, yeḛ a to dəw gə́ boo ləm tɔ. Nɛ ŋgokea̰ gə́ ndɔḭ lé a kur dəa’g ləm, ŋgakeaje kara d’a tel to ginkoji dəwje bula ləm tɔ.

1 Mbaije 14:4

Dené lə Jeroboam ra togə́bè ya tɔ, yeḛ aw Silo ndá andə mee kəi’g lə Aija. Aija ɓuga yaa̰ ar kəmee oo loo el.

Pakɔsje 90:10

Ləb si kəmba lə sí lé aḭ rɔ-siri ba, Nɛ njé gə́ na̰je gə́ siŋga dee to yaa̰ lé Ləb si kəmba lə dee a kaḭ rɔ-jinaijoo, Nɛ to gə́ deḛ ti ne rɔ dee lé Tel to meeko̰ gə kəmndoo gə́ ra dee ya ɓəi. Kur sí a kəw el ya ndá j’a kḭ kawje.

Njekillamber 12:3

Mee ndɔ gə́ njéŋgəm takəije d’a kunda bala tigi-tigi ləm, diŋgamje gə́ njésiŋgamoŋje d’a kula dɔ dee kaw ŋguna-ŋguna ləm, denéje gə́ njékusu koje d’a kəw rɔ dee mbata deḛ bula el ləma, deḛ gə́ d’aa kəmbolè lé loondul a dəb dɔ dee’g keneŋ ləm tɔ.

1 Samel 2:22

Eli ɓuga yaa̰ ndá yeḛ oo ta néra ŋganeeje gə́ dee ra kəm Israɛlje’g bura lé ya. Yeḛ oo to gə́ deḛ to gə denéje gə́ mbo̰ dɔ na̰ tarəw kəi-kubu-kiŋga-na̰’g tɔ.

1 Samel 4:15

Eli lé ɓuga yaa̰ ləm ləbee aḭ rɔ-jinaikara-giree-jinaijoo ləma, kəmee to bibli ndá yeḛ askəm koo ne loo el ləm tɔ.