1 Samel 2:2 - Maktub gə́ To gə Kəmee

² Njerɔkunda gə́ to as səi-i Njesigənea̰ kára kara godo. I ya to Ala kára ba Ɓó yeḛ gə́ raŋg godo. Biri mbal gə́ to to gə́ i Ala lə sí bèe lé godo.

1 Samel 2:2 Iomraidhean Croise

2 Samel 22:3

Ala ləm tɔ biri mbal ləm Gə́ m’iŋga ne njo̰loo-kula-dɔm keneŋ. Yeḛ to dər-rɔ ləm gə́ m’a maji ne ləm, Gə loo ləm gə́ to tar sab gə́ m’ula dɔm keneŋ ləm tɔ.

2 Samel 22:32

See na̰ ɓa gə́ Ala ɓəi wa. See to Njesigənea̰ lé el wa. See na̰ ɓa to gə́ biri mbal lé ɓəi wa. See to Ala lə sí lé el wa.

2 Samel 7:22

Gelee gə́ nee ɓa i to gə́ boo, Njesigənea̰ Ala! Mbata njetana səi godo ləm, gari-i Ala godo gə goo néje lai gə́ jeḛ j’oo gə mbi sí neelé ya ləm tɔ.

1 Mbaije 8:23

Ǝi Njesigənea̰, Ala lə Israɛlje. Ala gə́ to gə́ i bèe lé godo mee dara’g ləm, gə dɔ naŋg nee ləm tɔ. I aa dɔ manrɔ ləi gə meekarabasur ləi wɔji ne dɔ kuraje ləi gə́ njaa nɔḭ’d gə meendakaḭ lé.

Pakɔsje 111:9

Yeḛ ɓa ɔm koso-dəwje tar ya. Yeḛ ar ndu manrɔ ləa lé to njaŋg gə no̰. Ria lé to gə kəmee ləm, to ɓəl kədm-kədm ləm tɔ.

Pakɔsje 18:2

Ǝi Njesigənea̰, i gə́ to siŋgam lé Ma m’undai dan kəm’g ya.

Pakɔsje 18:31

Rəwje lə Ala to maji ɔr njoroŋ ya ləm. Ta lə Njesigənea̰ lé kara to ta gə́ to njaŋg ya ləm tɔ. Yeḛ to dər-rɔ lə deḛ lai gə́ d’ɔm meḛ dee dəa’g.

Pakɔsje 71:19

Ǝi Ala, meekarabasur ləi lé aw saar teḛ mee dara’g ya, I nja to njera néje gə́ boo, Ǝi Ala, see na̰ ɓa to tana səi ɓəi wa.

Pakɔsje 71:3

Maji kari to gə́ biri mbal ləm gə́ to njo̰loo-kula-dɔm keneŋ Gə́ m’askəm tel gə́ keneŋ gə ndɔm-ndɔm ya! I ya wɔji njaŋg gə mba kam m’iŋga kaji Mbata i lé to biri mbal ləm gə kəi-kaar-kɔgərɔ ləm ləm tɔ.

Pakɔsje 73:25

I nja kára ba to kama gə́ si dara, See yeḛ gə́ raŋg gə́ ra ɓəi wa. Dɔ naŋg nee kara rɔm lelm wɔji dɔi-i nja kára ba.

Pakɔsje 86:8

Mbaidɔmbaije, mbuna magəje’g lé Yee gə́ kára kara gə́ to tana səi bèe godo ləm, Kula gə́ raŋg gə́ to asəna gə kula raije kara Godo ya ləm tɔ.

Pakɔsje 89:6

Ǝi Njesigənea̰, dara lé kila rɔ nédumkooje ləi gə́ raga, Deḛ kila rɔ meenda londoŋ ləi gə́ raga dan loo-kwa-dɔ-na̰’g lə deḛ gə́ to gə kəmee lé to!

Pakɔsje 89:8

Ala to ɓəl kədm-kədm dan koso-dəwje’d gə́ to gə kəmee lé ləm, Yeḛ to ɓəl kədm-kədm mbata deḛ lai gə́ gugu dəa sub lé ya ləm tɔ.

Pakɔsje 99:3

Maji kar dee d’ila riɓar dɔ rii gə́ boo’g Gə́ to ɓəl kədm-kədm’g, Yeḛ lé to Njerɔkunda.

Pakɔsje 99:5

Ulaje rɔnduba dɔ Njesigənea̰, Ala’g lə sí lé Undaje barmba dəbje kəm sí naŋg no̰ nétura-gɔl-kɔm’g ləa lé. Yeḛ lé to Njerɔkunda.

Pakɔsje 99:9

Ulaje rɔnduba dɔ Njesigənea̰’d Gə́ to Ala lə sí lé Undaje barmba dəbje kəm sí naŋg dɔ mbal’g ləa Gə́ to gə kəmee doi, Mbata Njesigənea̰, Ala lə sí lé to Njerɔkunda.

Teḛ-Raga 15:11

Ǝi Njesigənea̰, see na̰ ɓa to tana səi mbuna magəje’g wa. See na̰ ɓa to tana səi i gə́ to Bao-meenda ləm, Gə askəm kiŋga riɓar ləma, Gə to njera némɔrije ləm tɔ lé wa.

Esai 40:18

See na̰ ɓa seḭ a kwáje kwɔjije ne Ala wa. Esé néndaji gə́ ban ɓa seḭ a raje kaareeje to tana səa wa.

Esai 44:6

Aa ooje, ta gə́ Njesigənea̰, Mbai lə Israɛlje gə njekoga dɔ dee ləm, Yeḛ gə́ to Njesigənea̰ gə́ njeboo-néje ləm tɔ Pa togə́bè pana: Ma m’to yeḛ gə́ doŋgɔr ləm, Gə yeḛ gə́ rudu ləm tɔ. Ɓó lé ma m’godo ndá Ala kara godo tɔ.

Esai 44:8

Ɓəlje el ləm, undaje bala el ləm tɔ, See m’ula sí taree kédé gə́ ləw təsərə el wa. Seḭ toje njékɔrgootaje ləm: See Ala gə́ raŋg to gə́ ma bèe si keneŋ wa. Kɔr mbal gə́ raŋg godo ləm, Ma m’gər yeḛ gə́ raŋg el ləm tɔ.

Esai 57:15

Mbata Njekurdɔloo ləm Njesikəmba gə no̰ ləma, Yeḛ gə́ Ria to gə kəmee ləm tɔ lé Pa togə́bè pana: Ma m’isi sém looje gə́ ndəw’g ləm, Gə loo gə́ to gə kəmee’g ləm tɔ, Nɛ m’isi na̰’d gə dəw gə́ kəmee to ndòo ləm, Gə yeḛ gə́ ula dəa ləm tɔ, Gə mba gɔl meḛ dee gə́ d’ula dɔ dee ləm, Gə deḛ gə́ kəm dee to ndòo ləm tɔ.

Esai 6:3

Deḛ ra né wəl-wəl d’ula ne na̰ ta gə́ yo gə́ nee pana: Njerɔkunda gə kəmee, njerɔkunda gə kəmee, njerɔkunda gə kəmee Njesigənea̰ gə́ njeboo-néje! Rɔnduba ləa taa naŋg nee pəl-pəl.

Jeremi 10:6

Ǝi Njesigənea̰! Dəw kára bèe Gə́ to tana səi pai godo. I to gə́ boo ləm, riɓar ləi to gə́ boo Gə goo siŋgamoŋ ləi ləm tɔ.

Ləbije 11:44

Mbata ma m’to Njesigənea̰, Ala lə sí, seḭ a kɔrje rɔ sí kundaje gə kəmee ndá seḭ a toje ne dəwje gə́ to gə kəmee mbata ma nja m’to njerɔkunda ya. Seḭ a karje rɔ sí tel to né gə́ mina̰ mbata lə néje nee lai gə́ d’ag naŋg gə ta meḛ dee lé el.

Ləbije 11:45

Mbata ma m’to Njesigənea̰ gə́ m’ar sí undaje loo mee ɓee gə́ Ejiptə teḛje mba kam m’to ne Ala lə sí ləm, gə mba kar sí-seḭje kara toje ne dəwje gə́ to gə kəmee ləm tɔ, mbata ma nja m’to njerɔkunda ya.

Ləbije 19:2

Ula koso-dəwje lə Israɛlje lai pana: Seḭ a toje gə kəmee doi mbata ma m’to gə kəmee doi tɔ. Ma m’to Njesigənea̰, Ala lə sí ya.

Njé gə́ Rɔmə 15:4

Mbata taje lai gə́ deḛ ndaŋg mee maktub’g kédé lé deḛ ndaŋg gə mba ndoo sí ne mba kar mbɔl dɔ meekila gə ta gɔl mee gə́ maktub gə́ to gə kəmee ar sí lé jeḛ j’unda ne meḛ sí yel ya.

Njé gə́ Rɔmə 4:8

Dəw gə́ Mbaidɔmbaije tura goo kaiya ləa ɔm dəa’g el lé Ndá yeḛ si dan rɔlel’g ya.

Tel tura Godndu 3:24

Mbaidɔmbaije gə́ Njesigənea̰, i un kudu tɔji kura ləi boo ləi gə ji siŋgamoŋ ləi gə́ ɓar mèr-mèr, mbata see magə gə́ ra ɓa dara əsé dɔ naŋg gə́ a kaskəm ndaji kula raije gə néraije gə́ dum dɔ loo lé wa.

Tel tura Godndu 32:20

Yeḛ pana: M’a kar dee d’oo kəm el, M’a koo ne see rudu néra dee See a to to gə́ ban wa, Mbata deḛ to ginkoji dəwje Gə́ njékaw kori-korije ləm, Deḛ to ŋganje gə́ njékaltaje ləm tɔ.

Tel tura Godndu 32:39

Maji kar sí gərje gao To gə́ ma nja m’to Ala, Yeḛ gə́ raŋg gə́ njekorè dɔm’g godo, M’ar dəw si kəmba ləm M’ar dəw wəi ləm tɔ. M’ar dəw doo ləm M’ar doo ləa ər kəmsə ləm tɔ. Ɓó dəw kára kara askəm kɔree jim’g el.

Tel tura Godndu 32:4

Yeḛ to gə́ mbal. Kula reaje maji ɔr njoroŋ Mbata rəw-kabeeje lai to danasur Yeḛ to Ala gə́ njemeenda londoŋ Gə́ néra gə́ kori-kori godo rəa’g Yeḛ to njemeekarabasur ləm Gə njera né gə́ gə goo rəbee ləm tɔ.

Tel tura Godndu 4:35

Seḭ nja toje njékɔrgoo néje neelé gə mba kar sí gərje gao to gə́ Njesigənea̰ ya kára ba to Ala ɓó garee gə́ raŋg godo.

Tel tura Godndu 4:39

Ɓogənè maji kar sí gərje gao ləm, maji kar sí ŋgəmje taree meḛ sí’g ləm tɔ, to gə́ Njesigənea̰ Ala ya kára ba si mee dara’g tar ləm, gə dɔ naŋg nee ləm tɔ ɓó garee gə́ raŋg godo.

1 Piɛrə 1:16

mbata deḛ ndaŋg ta mee maktub’g pana: Seḭ a toje gə kəmee doi mbata ma m’to gə kəmee doi ya.