1 Samel 10:3 - Maktub gə́ To gə Kəmee

³ I a kḭ lée’g neelé kaw lam ndá a teḛ kag-sɛnə’d gə́ Tabɔr. Lée neelé ɓa diŋgamje munda gə́ d’isi d’aw gə́ rɔ Ala’g lé loo gə́ Betel’g lé d’a kiŋgai keneŋ. Yeḛ gə́ kára a kaw gə ŋgan bya̰je munda ləm, yeḛ gə́ raŋg a kaw gə pil muruje munda ləma, yeḛ gə́ raŋg a kaw gə mán-nduú gə́ mḭ as ku kára ləm tɔ.

1 Samel 10:3 Iomraidhean Croise

Gḭ-Néje 28:19

Yeḛ unda ri loo neelé lə Betel. Nɛ kédé lé ri ɓee-boo neelé lə Luj.

Gḭ-Néje 28:22

Kɔr mbal nee gə́ ma m’unda gə́ nékolé-mee lé a to kəi lə Ala ndá néje lai gə́ i a karm lé m’a kai dee loo dɔg ndá m’a kun təa kára kari ya tɔ.

Gḭ-Néje 35:1

Ala ula Jakob pana: Uba naŋg ḭta, aw Betel mba si keneŋ. Lée neelé i a ra loo-nékinjaməs keneŋ kar Ala, yeḛ gə́ teḛ dɔi’g loo gə́ i aḭ ŋgokɔḭ Esawu lé.

Gḭ-Néje 35:3

Jeḛ j’a kḭ tuga loo kaw Betel. Lée gə́ neelé ɓa m’a ra loo-nékinjaməs keneŋ kar Ala, yeḛ gə́ oo ndum mee ndɔ gə́ ma m’nai ne dan nékəmndoo’g ləm, gə nai səm loo-mbá gə́ ma m’aw keneŋ lé ləm tɔ.

Pakɔsje 89:12

Dara gə naŋg neelé to gə́ kaḭ-i nja bura, I nja ɓa tum gin naŋg nee Unda néje lai gə́ to keneŋ ləm tɔ.

Jeremi 32:8

Yen ɓa Hananeel, ŋgolə bɔm lé ree rɔm’g mee gad kəi-daŋgai’d gə goo ta lə Njesigənea̰ lé ulam ne pana: Maji kam m’ndogo sə neḛ ndɔ lə neḛ gə́ to Anatot, mee ɓee’g lə Bḛjamije mbata ma ɓa wɔji dɔm gə mba kam m’ndogo m’aree to nénduba ləm ndá maji kam m’ndogo ya. Bèe ɓa ma m’gər gao to gə́ to ta lə Njesigənea̰ ya.

Ləbije 1:10

Ɓó lé nékinjaməs ləa to gə́ nékul gə́ lam bèe gə́ to ŋgon badə əsé ŋgon bya̰ gə́ ka̰ roo lé ndá maji karee wa bàlee gə́ rəa mina̰ el ɓa.

Ləbije 23:13

Nékar gə́ to nduji gə́ seḭ a korèje na̰’d gə nékinjaməs lé a to nduji gə́ ndá léréré as nékwɔji kwɔi-lə-né misa̰ gə́ seḭ a mbɔḭje gə ubu asəna gə nékar gə́ ka̰ roo gə́ baḭyee ə̰də lel Njesigənea̰, tɔɓəi a karje nékar gə́ ka̰ tər naŋg gə́ to mán-nduú gə́ mḭ as litər kára gə́ gesee tɔ.

Ləbije 3:12

Ɓó lé nékinjaməs ləa to gə́ ko̰ bya̰ ndá yeḛ a ree ne no̰ Njesigənea̰’g ya.

Ləbije 3:6

Ɓó lé yeḛ a kwa da-kul gə́ lam, gə́ to bàl badə əsé ma̰də badə ɓa gə́ nékinjaməs gə́ ka̰ kɔm na̰’d gə Njesigənea̰ ndá yeḛ a kwa yee gə́ rəa mina̰ el ɓa.

Ləbije 7:13

Tɔɓəi yeḛ a ree gə muru gə́ əm-tiné to keneŋ mba kɔm dɔ mbə’g neelé karee to nékinjaməs gə́ ka̰ ra Ala oiyo kɔm ne səa na̰’d sad.

Jujé 19:12

Yee ḭ Sarid tel par gə́ bər loo kuba gə́ lə kàr, aw njal teḛ rəw-nim-ɓee’g lə Kislot-Tabor ləm, aw kəmee gə́ kédé teḛ Dabrat ləma, aw teḛ Japia ləm tɔ.

Jujé 19:22

yee aw teḛ Tabɔr, gə Sasima, gə Bet-Semes, ɓa unda ŋgaŋgee baa gə́ Jurdɛ̰. D’as ɓee-booje dɔg-giree-misa̰ gə ɓee-kogoje lə dee.

Njéga̰g-Rəwtaje 20:18

Togə́bè ɓa Israɛlje d’ḭ d’aw Betel dəji ne Ala pana: See na̰ ɓa mbuna sí’g a kaw kédé no̰ sí’g mba kaw rɔ gə Bḛjamije lé wa. Njesigənea̰ ila dee keneŋ pana: Judaje ɓa d’a kaw kédé.

Njéga̰g-Rəwtaje 20:23

Ndá Israɛlje d’ḭ d’aw no̰ no̰ Njesigənea̰’g saar kàrkemetag. Deḛ dəji Njesigənea̰ pana: See to kəm kar sí j’awje gə́ kédé mba rɔ gə Bḛjamije gə́ to ŋgako̰ síje lé ya ɓəi wa. Njesigənea̰ ila dee keneŋ pana: Awje aw rɔje sə dee ya.

Njéga̰g-Rəwtaje 20:27

Tɔɓəi Israɛlje d’aw dəji Njesigənea̰ ta mbata lé neelé ɓa sa̰duk-manrɔ lə Ala to keneŋ

Njéga̰g-Rəwtaje 4:12

D’ula Sisera pana: Barak, ŋgolə Abinoam si aw gə́ dɔ mbal gə́ Tabɔr.

Njéga̰g-Rəwtaje 4:6

Yeḛ ula kula ɓar Barak, ŋgolə Abinoam gə́ si ɓee gə́ Kedes-Neptali ndá yeḛ ulá pana: Aa oo, ndukun gə́ Njesigənea̰, Ala lə Israɛlje un ari ɓa nee: Ɔd aw ɓar dəwje tɔl-dɔg-loo-dɔg (10.000), deḛ gə́ to Neptalije, gə Jabilo̰je ar dee d’aw səi na̰’d dɔ mbal gə́ Tabɔr,

Njéga̰g-Rəwtaje 8:18

Yee dəji Jeba gə Salmuna pana: See dəwje gə́ seḭ tɔl deeje Tabɔr lé to dəwje gə́ ban wa. Deḛ d’ilá keneŋ pana: Deḛ to to gə́ i bèe ya, nana kara to asəna gə ŋgolə mbai bèe.

1 Samel 10:4

D’a rai lapia tɔɓəi d’a kari pil muruje joo ndá i a taa ji dee’g ya.