1 Samel 1:2 - Maktub gə́ To gə Kəmee

² Denéje ləa deḛ joo, dené ləa gə́ kára lé ria lə An, yeḛ gə́ njekɔm’g joo lé ria lə Penina tɔ. Penina ɓa oji ŋganje nɛ An ndá ŋganeeje godo.

1 Samel 1:2 Iomraidhean Croise

Gḭ-Néje 11:30

Sarai lé to kawkad ɓó yeḛ oji ŋgon el.

Gḭ-Néje 25:21

Isaak ra ndòo rɔ Njesigənea̰’g mbata lə dené ləa gə́ aw kad ndá Njesigənea̰ oo kəmtondoo ləa. Togə́bè ɓa Rebeka gə́ dené ləa lé əskèm ya.

Gḭ-Néje 29:31

Njesigənea̰ oo to gə́ Jakob ndigi Lea el ndá yeḛ aree to ko̰ ŋganje nɛ Rasel ɓa aw kad.

Gḭ-Néje 4:19

Lemek taa denéje joo, yeḛ gə́ kára ria lə Ada, yeḛ gə́ raŋg ria lə Sila.

Gḭ-Néje 4:23

Lemek ula denéje ləa pana: Ada gə Sila, urje mbi sí ooje ne ndum! Denéje lə Lemek, urje mbi sí ooje ne ta ləm! Ma m’tɔl dəw kára mbata doo gə́ ma m’iŋga, Ma m’tɔl ŋgon kára mbata doo gə́ to rɔm’g lé tɔ.

Matiyo 19:8

Yeḛ ila dee keneŋ pana: To mbata meendər lə sí gə́ togə́bè ɓa Moyis un ne ndia ar sí tubaje ne denéje lə sí ɓó gelee gə́ un gə́ dɔtar lé to togə́bè el.

Lugu 1:7

Deḛ lé d’oji ŋgon el mbata Elijabed lé aw kad. Deḛ joo bɔr d’aw gə́ ɓuga jɔgmje ŋga ɓó d’askəm koji ŋgon el ŋga.

Lugu 2:36

Njetegginta gə́ dené ria lə An, to ŋgolə Panuel gə́ ginkoji lə Aser. Yeḛ ɓuga mba̰. Yeḛ si gə ma̰dee kəi lə ŋgabeeje as ləbee siri ɓa ŋgabeeje wəi.

Njéga̰g-Rəwtaje 13:2

Dəw kára gə́ ria lə Manoa si Sorea, yeḛ to gə́ ginkoji’g lə Dan. Dené ləa aw kad, ndá oji ŋgon el.

Njéga̰g-Rəwtaje 8:30

Gedeo̰ oji ŋganje gə́ diŋgam rɔ-siri mbata yeḛ taa denéje bula.