ڳاڻاٽو 7:9 - Sindhi Bible

⁹ پر بني قهات کي ڪجهہ بہ ڪين ڏنائين؛ ڇالاءِ جو پاڪ مڪان جي خدمت جيڪا انهن جي بِلي هئي، سا هيءَ هئي تہ هو انهي کي پنهنجن ڪلهن تي کڻن.

Muslim Sindhi Bible

⁹ پر موسيٰ بني قهات کي ڪابہ گاڏي يا ڪوبہ ڏاند ڪونہ ڏنو، ڇو تہ جيڪي مخصوص شيون سندن ذميواريءَ ۾ هيون سي کين ڪلهن تي کڻڻيون هيون.

ڳاڻاٽو 7:9 Iomraidhean Croise

1.تواريخ 15:13

ڇالاءِ جو جڏهن اوهان پهريون دفعو انهيءَ کي نہ کنيو، تڏهن خداوند اسان جو خدا اسان تي ڪڙڪي پيو، ڇو جو اسان قانون موجب کيس نہ ڳوليو هو.

2.سموئيل 6:13

۽ هيئن ٿيو تہ جڏهن خداوند جي صندوق کڻڻ وارا ڇهہ قدم هليا تڏهن هن هڪڙو ڏاند ۽ هڪڙو بيٺل ٿلهو جانور قرباني ڪيو.

ڳاڻاٽو 3:31

۽ صندوق، ۽ ميز، ۽ شمعدان، ۽ ٻئي قربانگاهون، ۽ پاڪ مڪان جا ٿانو، جيڪي عبادت جي ڪم ۾ ٿا اچن، ۽ پردو، ۽ انهي سان لاڳاپو رکندڙ سڀ ڪو ڪم انهن جي ذمي رهي.

1.تواريخ 23:26

لاوين کي وري ڪڏهن بہ تنبو ۽ انهي جي خدمت جا ٿانوَ کڻڻا نہ پوندا.

1.تواريخ 15:3

۽ دائود سڀ اسرائيلي يروشلم ۾ آڻي گڏ ڪيا، انهيءَ لاءِ تہ خداوند جي صندوق کڻي، جيڪا جاءِ انهيءَ جي لاءِ تيار ڪئي هئائين، اتي رکي.

2.سموئيل 6:6

۽ جڏهن اهي نڪون جي اَن ڳاهڻ واري پڙ تي آيا تڏهن عزہ پنهنجو هٿ ڊگهو ڪري صندوق کي قابو ڪيو؛ ڇالاءِ جو ڏاندن ٿاٻو کاڌو.

1.بادشاهَہ 8:3

۽ اسرائيل جا سڀ بزرگ آيا، ۽ ڪاهنن اچي صندوق کنئي.

2.سموئيل 6:3

۽ هنن اها صندوق هڪڙي نئين گاڏيءَ ۾ کڻي رکي، ۽ ابينداب جو گهر، جو ٽڪريءَ تي هو، تنهن مان ڪڍي آندائين: ۽ ابي ناداب جا پٽ عزہ ۽ احيو اها نئين گاڏي ڪاهي آيا: