பிலிப்பியர் 1:4 - Saurashtra Bible (BSI)

⁴ தும்ரெ அஸ்கினாகுர்சி மீ கொப்பிம் ஸொந்தோஷ்கன் ப்ரார்தன ஸே.

பிலிப்பியர் 1:4 Iomraidhean Croise

மாற்கு 5:5

தெனொ ராத் துபார் கொப்பிம் க³டஸ்தலமும்கின், தொங்கர்னும் ஹிண்டய். கெ⁴ட்டி ரெச்ச தகய். தெகோஸ் தெனொ கு³ண்டொ க²டி ஹன்லி காயம் கெல்லய்.

லூக்கா 15:10

திஸோஸ் பாப் கெரஸ்த ஸொட்டி தேவ்ஜோள் அவெ ஒண்டெ மெனிகுக் ஹவ்டி, தேவு தூதுன் ஜுகு ஸொந்தோஷ் பொடன்" மெனி மீ தும்கொ ஸங்கரியொ.

லூக்கா 15:7

திஸோஸ் தேவ்ஜோள் அவ்னொ மெனி அவஸ்யம் நீ:ஸ்த 99 (நவநவது) நீதிமான்னுக் ஹவ்டி ஸொந்தோஷ் பொடஸ்த ஸொம்மர், பாப் கெரஸ்த ஸொட்டி தேவ்ஜோள் அவெ ஒண்டெ மெனிகுக் ஹவ்டி பரலோகும் ஜுகு ஸொந்தோஷ் பொடன் மெனி மீ தும்கொ ஸங்கரியொ.

ரோமர் 1:9

மீ தும்கொ ஹவ்டி கொப்பிம் ப்ரார்தன கெரரியொ மெனஸ்தக் தேவூஸ் ஸாக்ஷி. தேவுகெ பெடா தெ⁴ரெ சொக்கட் ஸமசார் ஸங்கரிய காமுக் மீ மொன்னுஜந்த கெரரியொ.

பிலிப்பியர் 2:2

துமி ஒண்டே மொன்னுகன், ஒண்டே லக்ஷ்யம்கன், ஒண்டே தீர்மான்கன் ஜிவி, அஸ்கினாஜோள் ஒண்டேஸோன் ப்ரேவ்கன் ர:வொ. ஆதாயம் அப்புனொ மெனிதீ, ம:ட்டபோன் பொந்துனொ மெனிதீ, துமி கொன்னின் கை கெரஹோனா.

பிலிப்பியர் 3:18

காமெனெதி ஜுகுதெனு தேவுகெ வத்தாக் ஒப்புலரானி. தெனு கிறிஸ்து ஸிலுவாம் மொரெ அர்துக் களைளரானி. எல்லெ தும்கொ மீ ஜுகுவாள் ஸங்கிரியொ. அத்தொ மெளி மீ தொளாம் பனி ஸெந்தொ ஸங்கரியொ.

பிலிப்பியர் 4:1

தேஹாலிம் மொர் ப்ரேவ் பொரெ பை⁴ பெ⁴ய்னானு, மீ தும்கொ ஸனொ மெனி ஜுகு ஹவுர்கன் ஸே. துமீஸ் மொர் ஸொந்தோஷ். துமீஸ் மொர் க்ரீடு. மீ ஸங்கெதானுக் பகவான்கெ ஐக்யமும் தீ⁴ர்குகன் நிள்சி ர:வொ.

கொலோசெயர் 2:5

மீ தும்ரெ ஸெங்கொ நீ:மெனெத் மெளி மொர் மொன்னு தும்ரெ ஸெங்கோஸ் ஸே. துமி‍ சல்த கெல்லரிய ரீதினுக்கின், கிறிஸ்துஜோள் துமி தொவ்ரிய விஸ்வாஸுக் ஸீ மீ ஜுகு ஸொந்தோஷ் பொடரியொ.

1 தெசலோனிக்கேயர் 1:2

அமி தேவ்ஜோள் ப்ரார்தன கெரஸ்த வேளு, தும்கொ அஸ்கினாக் ஹவ்டி அமி கொப்பிம் தேவுக் தந்யவாத் ஸங்கராஸ்.

பிலேமோன் 1:7

துரெ ப்ரேவுக் ஹவ்டி மொர் மொன்னுக் உற்சாவ்கின் பலம் அப்பிரியொ. ஹாய்! பை⁴, தூ தேவுகெ மென்க்யானுக் ஹேது கெரெஹால் தெங்கொ மொன்னு ஜுகு ஸொந்தோஷ்கன் ஸே.

2 யோவான் 1:4

பரலோகு பா³ப்ஜோள்ரீ: அமி கள்ளியெ ஆக்³ஞொதானுக் தும்ரெ நு:ருனும் தெவ்டதெனு ஸத்ய வத்தான்தானுக் நீதிகன் ஜிவராஸ்த தெக்கி மீ ஜுகு ஸொந்தோஷ் பொடெஸ்.