பிலிப்பியர் 1:17 - Saurashtra Bible (BSI)

¹⁷ துஸ்ர மென்க்யான் சொக்கட் மொன்னுகன் கிறிஸ்துக் ப்ரசார் கெர்னாஸ்தக் தெங்கொ ஸுய லாபுகுர்சி ப்ரசார் கெரராஸ். காராம் ஸேஸ்தெ மொகொ அங்குன் வேன் பாத கெர்னொ மெனி ஹவ்டராஸ்.

பிலிப்பியர் 1:17 Iomraidhean Croise

லூக்கா 21:14

தெனு புஸரிய புஸ்னிக் அமி காய் ஜவாப் ஸங்கஸ்த மெனி துமி விசார் பொடுங்கன்.

அப்போஸ்தலர் 22:1

“பா³புனு, பை⁴னு, மீ அத்தொ ஸங்கரிய நியாவுக் அய்குவொ.

அப்போஸ்தலர் 26:1

அகிரிப்பா பவுலுக் ஸீ, “தூ துரெ தா³வாக் ஸங்குவாய்’’ மெனி மெனெஸ். த்யெதானுக் பவுல் அபுல் நியாவுக் ஸங்கன் நிகிளெஸ்.

அப்போஸ்தலர் 26:24

பவுல் இஸனி அபுல் தா³வாக் ஸங்கிலேத் ர:த, பெஸ்து ஸெத்து³கன் “பவுலு, காய் பெதரியொ, தூ வேன் செவ்தெஹால் தொகொ பிஸொபோன் தெஜ்ஜிரியொ’’ மெனி மெனெஸ்.

ரோமர் 2:8

ஹொயெதி ஸுய லாபுகுர்சி ஜெடொ மல்லி, ஸத்யமுக் அண்குனாஸ்தக் அந்யாவுக் அண்கி ஜிவஸ்தெங்கொ தேவ் பெ⁴ளி உக்கு³ர்கன் அவி தண்டன தேன்.

பிலிப்பியர் 1:18

த்யெலெந்தால் கொன்னி ப்ரசன நீ: தெனு தெங்கொ ஸுய லாபுகுர்சிகீ, நிஜ்ஜம் மொன்னுகன்கீ, கோனதி கிறிஸ்துகெ சொக்கட் ஸமசார் அஸ்கி தாம் ஸங்கினி பொடரெஸ். தெல்லேஸ் மொகொ ஸொந்தோஷ். அத்தெங்குட் மெளி தெல்லேஸ் மொர் ஸொந்தோஷ்.

பிலிப்பியர் 1:7

துமி மொர் மொன்னும் சொக்கட் தாம் தெர்தியாஸ். தேஹாலிமூஸ் தும்ரெ அஸ்கினாகுர்சி இஸனி ஹவ்டெஸ்தெ நியாவ் மெனி லகரியொ. மீ சொக்கட் ஸமசாருக் தீ⁴ர்குகன் ஸங்கெ வேளும்கின், அத்தொ காராம் ரா:ஸ்தவேளும் மெளி துமி மொகொ ஹேது கெர்யாஸ். எகலெந்தால் மொகொ தெனி பொடெ தேவுகெ கிருபாம் தும்கொ மெளி பாத்யம் ஸே.

பிலிப்பியர் 2:3

துமி ம:ட்டபோன் நீ:ஸ்தக் அஸ்கினாக் தும்கொ ஸொம்மர் மேட்கன் ஹவ்டுவொ.

1 தீமோத்தேயு 2:7

எல்லெ சொக்கட் ஸமசாருக் போதன கெரரிய அப்போஸ்தலன்கன் தேவ் மொகொ களைளியாஸ். யூத குலமும் உஜுனா மென்க்யானுக் மெளி எல்லெ ஸத்ய வத்தானுக் போதன கெரரிய ஆசான்கன் தேவ் மொகொ ந்யமுன் கெர்யாஸ். மீ ஸங்கஸ்த அஸ்கி நிஜ்ஜம் வத்தொ. சொட்டொ வத்தொ நா: (2 தீமோ 1:11)

2 தீமோத்தேயு 2:9

எல்லெ சொக்கட் ஸமசார் மீ ஸங்கெஹால் ம:ட்ட பாப் கெரெ கைதிக் பந்தி ஹிம்ஸொ கெரரியஸோன் மொகொ ஹிம்ஸொ கெரராஸ். ஹொயெதி தேவுகெ வத்தாக் பந்தி தொவன் முஸுனா.

2 தீமோத்தேயு 4:16

மொகொ முல்லாவாள் விசான கெரெவேளு, மொர் தா³வாக் மீ ஸங்கெஸ். மொகொ ஸார்புகன் ஹிப்பி வத்தொ கெரஸ்தக் கொன்னின் அவ்யானி. அஸ்கின் மொகொ ஹாத் ஸொட்டியாஸ். தேவ் தெங்கொ க்ஷமொ கெரந்தக்.