Yuda 1:4 - Samburu

⁴ Amu keteleliakinete atua ntae ltung'ana ooigerokaki apa nkiguana ewoun eng'or. Kore ninche naa ltung'ana lemeyanyit Nkai, neibelekenya munyani e Nkai ang aaitaa nkoitiei naasie asat e aanyit, neany Yeso Kristo oara ninye apeny lkitok, naa ninye apeny Laitoriani lang.

Yuda 1:4 Iomraidhean Croise

Matayo 13:25

kake kore eilura ltung'ana, nelotu lmang'antita lenye, neun ndeti taatua nkano, neing'uaa.

Yoana 17:3

Naa ana nkichon nemeiting nchere payie kiyielou ltung'ana, iyie Nkai nabo ake nadede, neyielou Yeso Kristo ilo lirriwua.

Asat 11:23

Kore payie ebaki ninye inie, nedol inia nataasa Nkai to munyani enye, neng'ida neitogol ninche pooki payie emut nabo taa ltauja lenche aawueni taatua Laitoriani.

Asat 15:24

Ikitining'o aajo keotuo lkulikae tung'ana ooing'uaa atua iyioo aapuonu aaitanyamal ntae tee rerei oopik ltauja linchi nkirochi, namara iyioo ooitanapa ninche metaasa inia nataasa.

Lgalatia 2:4

Naa ikichomo inie tankaraki lalachera ooiteng'enicho sapare, ootuo atua iyioo too nkurrat aaikitalan lakunoto ang nikiata taatua Kristo Yeso. Keyieu apa neitaa iyioo rrindiki loo nkitanapat e Musa,

Lgalatia 5:13

Lalachera lainien, keipotokaki ntae lakunoto, kake emincho ake lakunoto inchi eaku nkoitiei niasiesie nayieu mpukunoto inchi torno. Esiaayiata ntae maate to nkoitiei e nchaman.

Epeso 4:14

Naaku mikintoki aaku nkera naanang'aa laing'ok le nkare idie o idie, nenia naaya siwuo pooki le nkiteng'ena ee ltung'ana oaasapicho o loaata losegin, neitopong'oo metijing'a atua losegin le sapare.

1 Timoti 5:8

Kake kore tanaa keatae lemeibung ltung'ana lenyena, nelus le nkang enye naa keiturrayie ninye nkurukoto, neaku keitorno alang leitu eiruk.

2 Timoti 2:12

Tanaa iking'iri, naa ikintoricho kenya tenebo o ninye. Naa tanaa ikimiki ninye, nemiki sii kenya ninye iyioo.

2 Timoti 3:6

Kore lbata loo lolo tung'ana naa ketii looleliakino nkajijik, neitopong'oo ntomonok naamada. Kore kuna toluti naa kepetita ꞉nkirochi ee ng'ok, nerikito ꞉ng'uarrat kumo naapaapaacha,

1 Petero 2:16

Indimdim aataas inia eitu eisimakini ntae, kake emincho inia lakunoto inchi eaku nkoitiei niasiesie ntorrok, esiaayia Nkai ana Laitoriani linchi.

1 Petero 2:8

o soit orrorricho o ndadapoi narrekicho.>> Nerror ninche amu eitu eibung ilo rerei, ana nategelakaki apa ninche.

1 Petero 4:18

Naa, <>

2 Petero 2:10

Naa keiteme ꞉Nkai oleng lolo tung'ana torrok oopuoyie mpukunoto torno e ltung'ani eirukurukore ng'uarrat naayau mutai, nemen Laitoriani. Kore kulo tung'ana naa meitoki eurie, mbaa enche ake eparraa nemeurie abaki edek lolo oaata nkitoo te chumata.

2 Petero 2:7

Neitejeu ꞉Nkai ltung'ani oji Lot oara apa ninye loosipat oitemioto ltau lenye ꞉mbaa e anyit naasita lolo aitarruok.

2 Petero 3:7

Kore ake aitoki te ilo rerei, kerrip Nkai chumata o nkop e taata ana ntoki e tipat. Keitaanyuta nkima ana meyeu inia parri nadung'oki nkiguana nemut ltung'ana lemeurie ninye.

1 Yoana 2:22

Ng'ae pasa oasapicho mara ake ilo ojo, <>? Kore loiba Kristo naa ilo oany Papa o Nkerai enye.

Yuda 1:15

paa kore pooki ng'ae nedung'oki nkiguana, nemeatae ltung'ani torno lemeiteyielo ꞉ninye ntorrok pooki naataasa meurie Nkai. Neiteyielo aitoki lolo aing'okok torrok nenia baa torrok nairoro aarie ninye.>>

Yuda 1:18

Amu ketiakita ntae, <>

Mbolunoto 15:4

Ng'ae sa limikiurie iyie Laitoriani, neyanyit nkarna ino? Amu iyie ake apeny oara sinyati. Kepuonu ltung'ana loo lochon pooki, nikisai iyie, amu eibalakinyieki pooki ng'ae asat inono e sipata.>>