Yuda 1:1 - Samburu

¹ Kore ana palai naa keing'uaa Yuda, laisiaayiani le Yeso Kristo oara sii lalache le Yakobo. Kairoroki lolo ooipoto, oaatachama ꞉Nkai Papa, neirritita ꞉Yeso Kristo.

Yuda 1:1 Iomraidhean Croise

Matayo 10:3

o Pilipo o Batolomayo, o Tomas o Matayo laitalakunoni le kodi, o Yakobo, layieni le Alpayo, o Todayo,

Matayo 13:55

Amaa ele, mara layieni le laitibirani loo ntokitin ee nkeek, mara ng'otonye eji Maria? Naa mara lalachera lenyena Yakobo o Yosep o Simon o Yuda?

Marko 3:18

o Andirea o Pilipo o Batolomayo o Matayo o Tomas, o Yakobo layieni le Alpayo, o Todayo o Simon ilo agoloni

Marko 6:3

Amaa, mara ilo aitibirani loo ntokitin ee nkeek ele, layieni le Maria nera sii lalache Yakobo o Yosep o Yuda o Simon? Metii dei nkanachera enyena atua iyioo?>> Negorokino ꞉ninche ninye.

Luka 6:16

o Yuda le Yakobo o Yudas Isikariot otilikoyie Yeso taa lmang'ati lenyena.

Yoana 12:26

Kore ꞉pooki ng'ae laaisiaai nanu, nchoo sii elo kue airukurukore nanu, payie eaku kore natii nanu netii sii laisiaayiani lai. Kore ꞉pooki ng'ae laaisiaai nanu, naa keicho ꞉Nkai nkanyit.

Yoana 14:22

Nejoki ꞉Yudas, namara taa Yudas Isikariot, <>

Yoana 15:16

Mara ntae likitegelutua nanu kake nanu otegelua ntae, naitoki aicho ntae nkitoo nipoyieyie aaiunyie lng'anayio. Kore lng'anayio liiu naa lng'anayio oobikoo, payie eicho ntae Papa ntoki pooki niomonunu ta nkarna ai.

Yoana 17:15

Kore naamonito, naa mara payie intai ninche aitung'aa nkop, kake payie irrip te ilo torno.

Yoana 17:17

Ntisinya ninche te ndedei, rerei lino ndedei.

Yoana 17:19

Kaitai koon aaku lasar sinyati anang ninche, payie eitisinyi sii ninche te ndedei.

Yoana 6:39

Naa kore nayieu ꞉ilo lairriwua nanu naa payie maiminie lolo laichoo ꞉ninye, kake payie aitipiu te inia parri e nkiting'oto.

Asat 1:13

Kore payie ejing ilo kerenket, neiliapaki lngilata le nkurupa owuenie chiaake ninche. Naa kulo tung'ana taa ootijing'a inie: Petero o Yoana o Yakobo o Andirea o Pilipo o Tomas o Batolomayo o Matayo o Yakobo layieni le Alpayo o Simon oji Silote o Yudas layieni le Yakobo.

Asat 20:32

<

Asat 27:23

Kore ng'ole kuarie naa kaaipung'oka ꞉lmalaika le inia Ai nara lenye nara sii laisiaayiani lenye,

Rroman 1:1

Kore ana palai, naa nanu Paulo eing'uaa, laisiaayiani la Laitejeunoni Yeso, naaipoto ꞉Nkai mataa Lkipaaret naategelua matilikoi Lomon Supati lenyena.

Rroman 1:6

Naa kore sii ntae, itii atua lolo ooipotoki metaa le Yeso Kristo.

Rroman 16:18

Amu kore ltung'ana ootuwuana lolo, naa meisiaita Kristo Laitoriani lang, kake nkochuaa naarikito. Naa kore tee rereii supati nemelok, neitamae ꞉ninche ltung'ana oaamae.

Rroman 6:22

Kake kore naa taata etalakuaki ntae taatua ng'ok neitoria ntae Nkai, kore nitumtum naa keitae ntae sinyat nintokiki tesiedi aatum nkichon ee ntarasi.

Rroman 8:30

Naa kore lootegelua apake tekue, ninche sii eipoto, naa kore looipoto /neitaa sii ltung'ana loosipat, naa kore /looitaa loosipat neitoki sii aicho nkitoo.

Rroman 9:24

Keipoto sii iyioo Nkai, namara ake iyioo oaara loo Lyiaudi aapeny eipoto, kake abaki lolo oaara loo lkulie oreren.

1 Lkorinto 1:2

Ikiroroki nkanisa e Nkai natii lkerenket le Korinto, lolo ooitaa ꞉Nkai metaa ltung'ana lenyena etii atua Laitejeunoni Yeso, neipoto metaa sinyat tenebo o lolo pooki ooipot nkarna e Laitoriani lang Yeso Kristo to ng'oji netii, ilo Aitoriani lenche naa lalang.

1 Lkorinto 6:11

Nejia apake etiu lbata linchi kake keitukoyieki ntae ng'ok, neitisinyaki ntae, neitaaki iyioo loosipat ta nkarna e Laitoriani Yeso Kristo o ta Ltau le Nkai ang.

Epeso 5:26

payie etum aitisinya, eituk ta nkare o te rerei le Nkai,

1 Ltesalonike 2:12

Ikitasayia ntae, nikintogol ntae, nikintaarriyian ntae, payie iwuenini te nkichon naichiaakino tekue Nkai naipotoka ntae nkitoria o nkitoo enye.

1 Ltesalonike 5:23

Naa enchoo meitisinya ntae katukul Nkai e sotua makoon. Kore mpukunoto inchi pooki, aa nkiyeng'et o nkichui o seseni linchi, naa enchoo metaa meata ntioto to lotunoto e Laitoriani lang Yeso Kristo.

2 Timoti 1:9

Keitejewua ninye iyioo, neipoto iyioo to nkupototo sinyati, namara tankaraki nikitaasa toki, kake tankaraki yieunoto o munyani enye. Kore ana munyani naa keichooki iyioo te Kristo Yeso ewuon meatae nkop,

2 Timoti 4:18

Kaalaku nanu ꞉Laitoriani taatua mbae pooki torno, naaya nkitoria enye e chumata te seriani. Metaa nenye nkisisa ntarasi o ntarasi. Aamin.

Lburania 3:1

Naaku taa, lalachera o nkanachera ainien sinyat, niking'ar tenebo nkipototo e chumata, entaparrai naa Yeso oara lkipaaret oiriwua ꞉Nkai nera laitainoni kitok la lasar, ilo laa ninye kiruk nikimbalie.

Yakobo 1:1

Kore ana palai naa nanu Yakobo, oara laisiaayiani le Nkai o la Laitoriani Yeso Kristo eing'uaa. Kairoroki lolo mareita tomon o oare oaatasachayieki aasachaki atua loreren.

1 Petero 1:2

Etegelua apa ntae Nkai Papa te yieuna enye eitisiny ntae ta Ltau Sinyati payie irukuruk Yeso Kristo neituk ntae lodo lenye. Meiputa ntae munyani o seriani.

1 Petero 1:5

Nerrip ꞉Nkai ntae to ngolon enye, iwuenini to nkurukoto, payie ing'amaa inia jeunoto natipikaki payie eibalunyieki ta nkata e nkiting'oto.

1 Petero 2:9

Kake kore ntae naa irara ltung'ana oogeluno, lturrur loo laitainok la lasar ooisiaaita Lkinkii, nirara lorere sinyati, ltung'ana le tipat le Nkai, ooipuotua ta naimin apik atua inia wong'an enye e nking'asia, payie itumtum aatilikoi rrepeta enyena.

1 Petero 5:10

Tinindipdip aaimai sina te nkini kata, kore Nkai napeny munyani pooki, inia naipoto apa ntae te Kristo payie ing'arng'ar nkitoo enye nemeiting aikata, naa kerrinyoki ntae atua mbaa supati, neitogol ntae, neitacheyie payie mingusgus.

2 Petero 1:1

Kore ana palai naa keing'uaa Simon Petero, oara laisiaayiani o Lkipaaret le Yeso Kristo. Kairoroki ntae lolo oichoo ꞉Nkai meiruko ana mbae e tipat aajo, kore Nkai ang nara Laitejeunoni Yeso Kristo naa loosipat, ana ake taata nikiruk.

Yuda 1:21

Entewueni taatua nchaman e Nkai, iyanyutata lng'ur la Laitoriani lang Yeso Kristo meitabaki ntae nkichon ee ntarasi.

Yuda 1:3

Lacham lainien, kore abaki aata yieunoto oleng naigerokinyie ntae naipirita ana jeunoto niking'ar, kadol ajo keirikino naigeroki ntae, alej payie inyoknyok aanya larrabal le inia kurukoto nemeibelekenya aikata, naitarasakaki apa sinyat le Nkai.