Yakobo 3:2 - Samburu

² Amu kore tee iyioo pooki, ikias ake mbaa kumo naapong'o. Kake kore ilo lemeitopong tee rereii oojo, naa keisula neidim sii airrita koon too nkulie oito pooki.

Yakobo 3:2 Iomraidhean Croise

Matayo 12:34

Ntae ichioi ee lasuria, aji inkoko tiniroro lomon supati, nirara maate torrok? Amu kore nenia naabore ltau lo ltung'ani, naa ninche eiro nkutuk enye.

Matayo 12:37

Amu te rerei lino ikinkenakini sipat, naa te rerei lino sii kidung'okini nkiguana.>>

Rroman 3:10

ana nejo Lkigerot, <

Rroman 7:21

Kadolita naa ana bae naibala, nchere kore ayieu naas supat, naatii ntorno atua.

1 Lkorinto 9:27

Kake kore naas, kaar sesen lai metaa rrindik lai payie meaku katilika lkulie tung'ana Lomon Supati, kore tesiedi naanyi nanu.

Lgalatia 3:22

Kake kore Lkigerot naa keteena nkop pooki apik taabori nkitoria ee ng'ok, payie eichori lolo oata nkurukoto ilo lekutuk to nkurukoto e Yeso Kristo.

Lgalatia 5:17

Amu kore nayieu mpukunoto ang torno, nera o yieunot e Ltau Sinyati. Naa keibooro kuna, payie miasias nenia niyieuu.

Lkolosae 1:28

Ninye kilikoo, kintaarriyian nikinteng'en ltung'ani pooki te ng'eno pooki payie kintaa ltung'ani pooki metaa ltung'ani lemeata ntioto tekue Nkai taatua Kristo.

Lkolosae 4:12

Neiroroki sii ntae ltung'ani linchi oji Epaparas, oara laisiaayiani le Kristo Yeso. Kenyokita ninye nkata pooki tankaraki ntae to nkomono enye, payie itumtum aaitacho irara lemeata ntioto, niatata sipata ee mbaa pooki naayieu Nkai.

Yakobo 1:26

Kore tenejo ltung'ani kera ltung'ani oyielo Nkai, kake nemeirrita lng'ejep lenye, koon ake esapita naa kore inia najo keyielo Nkai naaku ake pecheu.

Yakobo 1:4

Naaku naa, enchoo ng'iriata inchi ebulu katukul, payie iakuku ltung'ana ootubulutua aaiputakino taa mbaa pooki, meatae hoo ntoki nang'oriki ntae.

Yakobo 2:10

Amu kore pooki ng'ae oibung nkitanapat kake negil nabo, naaku keitorno ake ana lotigila pooki.

1 Petero 3:10

Amu kejo lkigerot sinyat, <

1 Petero 5:10

Tinindipdip aaimai sina te nkini kata, kore Nkai napeny munyani pooki, inia naipoto apa ntae te Kristo payie ing'arng'ar nkitoo enye nemeiting aikata, naa kerrinyoki ntae atua mbaa supati, neitogol ntae, neitacheyie payie mingusgus.