Yakobo 1:21 - Samburu

²¹ Naaku naa, enturrai mbaa pooki naaidurukie ntae o ntorno nataa kitok oleng, ning'amaa to mborron ilo rerei otipika Nkai atua ltauja linchi, oidim aitejeu nkichui inchi.

Yakobo 1:21 Iomraidhean Croise

Matayo 5:5

Emayiana lolo oobor, amu ninche oojung nkop.

Yoana 6:63

Kore Ltau Sinyati naa ninye oichoru nkichui, naa kore ngolon e ltung'ani naa meitoki eidim ataasa. Kore rerei latiaka ntae, naa nkiyeng'et o nkichui.

Yoana 6:68

Newoliki ꞉Simon Petero ajoki, <

Asat 10:33

Naaipotu naa iyie wou nabokata, naa itaasa ntoki supat iyewuo. Naaku naa ikiotuo pooki tekue Nkai, payie kitum aatining inia nikitiaka Laitoriani.>>

Asat 13:26

<

Rroman 1:16

Madol nanu anyit too Lomon Supati, amu ninche ngolon e Nkai naitejeu pooki ng'ae ooiruk, ang'asu too Lyiaudi neitoki Lgirriki.

Rroman 11:17

Keteng'eruaki mbata ee sura e lng'erriyioi otuunoki nerubakini surai e lng'erriyioi le ntim metubulu tenebo o nkulie sura e ilo ng'erriyioi otuunoki. Kore naa ntae lamara Lyiaudi, itiuu ana inia surai e ntim naturubakaki ilo ng'erriyioi otuunoki payie ing'arng'ar parakuoicho e inia tanai e ilo ng'erriyioi,

Rroman 6:17

Kake ache ta Nkai, amu kore apa ntae oaara rrindiki loo ng'ok, nitaa taata looning taa ltauja linchi pooki inia oitiei e nkiteng'ena naichoruaki metuutai ntae.

1 Lkorinto 15:2

Kulo Omon Supati latilika ntae ooitejeu ntae, tinimbung'bung aitibiraki, peechu naa pecheu apake iruko.

2 Lkorinto 7:1

Naaku naa sotuatin lainien, kore tankaraki nikiata kulo lekutukie le Nkai, matung'ai ntoki pooki naitarruo seseni o ltauja lang, nikiaku sinyat le Nkai katukul kiurie ninye.

Epeso 1:13

Taatua ninye sii aitoki itaa le Nkai apa payie ining'ining nirukuruk rerei le ndedei, lolo Omon Supati le njeunoto inchi. Naa taatua ninye sii itumo Ltau Sinyati le lekutuk oitaka iyioo Nkai, laa ninye sipsip nchere irara le Nkai.

Epeso 4:22

Keiteng'en ntae inia entuburkuchu lwuenet linchi le apa, ilo oyieu mpukunoto inchi torno naitarrorrita yieunot torrok o sapare, nirukurukorere.

Epeso 4:25

Naaku entapal sapare, nemeata lemeirorie likae te ndedei, amu ikira pooki rubat e sesen obo, nemeata nemeyieu reto e nkae.

Epeso 5:4

Emincho sii metaa keti atua ntae morore anaa rerei le madai o lderrat lemeiririkino. Kore kuna naa meiririkino ntae, kake kore nayiere naa payie inchocho Nkai nache.

1 Ltesalonike 1:5

Naa mara ake te rerei eotuo Lomon Supati lang nitii ntae, kake to ngolon o ta Ltau Sinyati o sipunoto nabore ajo kedede. Iyielolo sii netiu apa lwuenet lang kiwueni tenebo o ntae. Ikitowuana apa aiko nejia tankaraki ntae.

1 Ltesalonike 2:13

Naa ikincho sii Nkai nache nkata pooki tankaraki ana, nchere kore apa payie ing'amaa ntae rerei le Nkai, ilo litining'ie iyioo, ning'amaa mara ana rerei loo ltung'ana, kake ana nara te ndedei rerei le Nkai, ilo oasicho taatua ntae lairukok.

Tito 2:11

Amu /keibalunyieki munyani e Nkai, payie eyau njeunoto ee ltung'ana pooki.

Lburania 12:1

Naaku kore amu ikiata lturrur kitok loo ltung'ana le nkurukoto ooing'orita iyioo taa mbat pooki kikuetita, maiturrai naa ntoki pooki nairochi o inia ng'oki naonyikino iyioo oleng, nikindip inia kuetata e nkurukoto natii tekue iyioo te ng'iriata.

Lburania 2:3

kaji kipokie iyioo tinikintololoki ana jeunoto nawuenyi natilimua apa Laitoriani, neitisipaki aitoki iyioo ꞉lolo ootining'o apa Laitoriani tee nkiyiaa enche?

Lburania 4:2

Amu ketilikaki abaki iyioo Lomon Supati ana apake natilikaki ninche, kake eitu eret ninche lolo omon ootining'o tankaraki neitu eng'amaa to nkurukoto.

Yakobo 4:8

Entinyikaki Nkai, naa kenyikaki sii ninye ntae. Entukoi ntorrok pooki, ntae laasak loo ng'ok, nintisinyisiny ltauja linchi, ntae loaata lng'ach.

Yakobo 5:20

keyiere neyielou ilo tung'ani otirrinyua nchere, kore ilo orrinyu laing'okoni metung'ai nkoitiei enye e mpong'ori, naa keitejewua nkichui e ilo tung'ani te lkiye netujutoyieki ng'ok enyena kumo.

1 Petero 1:22

Kore naa tankaraki intibirita ate aaning ndedei netachamayie ntae Nkai, entachamata katukul taa ltauja supati, payie intodolulu nchaman nadede ana lalachera o nkanachera.

1 Petero 1:9

tankaraki itumutoto inia niruko apa aajo itumtum kenya, aa taa njeunoto ee ltauja linchi.

1 Petero 2:1

Naaku naa enturrai mbaa pooki torrok, nipalpal saparia pooki, nipalpal lom, nimintaakinono, niminyanya meteteel hoo ta mbae naje.

1 Petero 2:11

Ltung'ana lainien lacham oaamanya ana kop eiching'a, nirara lapuayak, kaitarrap ntae payie iyanyany ng'uarrat ee seseni linchi naarere ltauja linchi neiminie ntae kenya.