Tito 2:12 - Samburu

¹² Naa keiteng'enita iyioo inia munyani matany mbaa nemetii uriata e Nkai o ng'uarrat e nkop, payie kibik kitem mbaa, nikiwueni te sipata nikiurie Nkai tana kop,

Tito 2:12 Iomraidhean Croise

Matayo 12:32

Kore pooki ng'ae oiro rerei torno te Nkerai e Ltung'ani naa kepalikini, kake kore pooki ng'ae oiro rerei torno ta Ltau Sinyati, naa mepalikini tana ng'amata anaa ta ng'amata nalotu kenya.

Matayo 16:24

Kore te inia kata, nejoki ꞉Yeso looiteng'eni lenyena, <

Matayo 28:20

ninteng'ening'en ninche meibung'a pooki naitanapa ntae, naa katii nanu tenebo o ntae mperot pooki metabaki nkiting'oto e ng'amata e ana kop.>>

Luka 1:6

Naa kore apa ninche, kera pukura ltung'ana loosipat tekue Nkai, neibung'a nkitanapat o lkerreti pooki la Laitoriani, meata ntioto.

Luka 1:75

te sinyaticho o tee sipat, tekue ninye te nkichon ang pooki.

Yoana 14:30

Merekure airorie ntae mbaa kumo, amu kelotuta ilo oitore ana kop. Meata ninye ngolon ta nanu,

Yoana 6:25

Kore payie etum ꞉lolo tung'ana Yeso teilo kokun le Kapernaum, nejoki, <>

Asat 24:16

Naaku kore nkata pooki, kanyok metaa kaning ta ltau lai ajo meata naakurrieki tekue Nkai o tekue ltung'ana.

Asat 24:25

Kore elikita ꞉Paulo ninye mbaa naipirita sotua oipida o Nkai o nkiboroto e koon o nkiguana e Nkai nalotu Kenya, neguretu Pelikis nejo, <>

Rroman 12:2

Emiduaaya mbaa e ana kop, kake enchoo eibelekeny ntae Nkai aiteng'ejuk mparrunot inchi, payie itumtum aatisipu inia nayieu Nkai nara supat, neiting'id ninye, necho.

Rroman 6:12

Naaku, emincho ng'oki meitoria seseni linchi ooye, eji paa iasias naayieu ng'uarrat enyena.

Rroman 6:19

Kairorita to nkutuk nining'ung'u, tankaraki nirara ltung'ana oaachal. Kore ana ninchooitie apa rubat ee seseni linchi payie eaku rrindiki ee mbaa nemeichiaakino o ne ntorno metaasa ntorrok, enyiaaki sii taata enchoo rubat inchi eaku meitoria ꞉sipata e Nkai payie iakuku sinyat.

Rroman 8:13

Amu tiniwuenini ana nayieu mpukunoto inchi torno naa iyeye, kake tiniarrar metuata asat e mpukonoto inchi torno, to ngolon e Ltau Sinyati, ninchichu.

2 Lkorinto 1:12

Kore to nkop pooki aa oleng taatua ntae, ikitowuana ana ltung'ana supati ltauja o ana ltung'ana oong ana nayieu Nkai. Neitu kirukurukore inia najo ltung'ana le nkop ng'eno, kake munyani e Nkai kirukurukore. Ikiyielo taa ltauja lang aajo nejia etiu, naa inia ntoki niking'idare.

2 Lkorinto 7:1

Naaku naa sotuatin lainien, kore tankaraki nikiata kulo lekutukie le Nkai, matung'ai ntoki pooki naitarruo seseni o ltauja lang, nikiaku sinyat le Nkai katukul kiurie ninye.

Lgalatia 1:4

Ilo laa ninye oichorua koon tankaraki ng'ok ang, pee etum atalaku iyioo taa mbaa torrok e ana kop, ana yieunoto e Nkai Papa lang.

Lgalatia 5:24

Kore lolo oaara le Kristo Yeso, etecho mpukunoto enche torno tenebo o yieunot o ng'uarrat enyena.

Epeso 1:4

Ketegelua ꞉ninye iyioo ewuon eitu eng'asu aitai nkop tankaraki e inia nataasa Kristo, payie kitum aataa sinyat nimikiata sii ntioto tekue ninye.

Epeso 2:2

Ipuoyieyie apa nenia oitiei naapuoyie ltung'ana lemeyielo Nkai. Nirukurukorere ilo oirirua oitore nkitoria e loing'ang'e, oasicho taata taatua lolo lemening Nkai.

Lkolosae 1:22

naa eyewua Nkai taata melet terichet ntae o koon aimu lkiye le Nkerai enye natua to nkop payie etum aitaa ntae sinyat, ltung'ana lemeata ntioto nemeata nakurrieki tekue ninye.

1 Ltesalonike 4:7

Amu eitu eipot iyioo Nkai payie kiwueni taatua mbaa nemeichiaakino, kake payie ikiwueni taatua sinyaticho.

1 Ltesalonike 4:9

Kake kore mbaa naaipirita nchaman ee lalachera o nkanachera, meyiere payie eigeroki ntae ltung'ani amu keitanapa ntae Nkai payie ichamama maate.

1 Timoti 4:12

Nimincho ltung'ani kimen iyie tankaraki nira lelerie, kake kore te rerei lino o to wuanata ino o te nchaman ino o to nkurukoto ino o te sinyaticho ino, taa nkitanyanyukoto naduaaya lairukok.

1 Timoti 6:17

Kore lolo parakuo taata tana kop, ntanapa payie meimer tanaa epik siligi lenche parakuoicho naaiting, kake payie epik siligi Nkai, naichoo iyioo ntoki pooki aitiemu te leng'on payie king'idakino.

1 Timoti 6:9

Naa kore lolo tung'ana oong'uar payie eaku parakuo, naa kedoki atua ntemat o rruachet ee ng'uarrat kumo e madai naaricho, naayaki ninche lkiye o mutai.

2 Timoti 3:12

Naa kore pooki ooyieu newueni eurie Nkai taatua Kristo Yeso, naa keitami sina,

2 Timoti 4:10

Amu kore Demas, naa kaatung'ayie alo lkerenket le Tesalonike, tankaraki nacham mbaa e nkop. Nechomo Keresekenes nkop ee Lgalatia, nelo Tito nee Dalmatia.

Tito 3:3

Amu ikira abaki apa iyioo lmada, nimikining'icho, neitopong'ori iyioo, nikira rrindiki loo ng'uarrat torrok o mbaa kumo naaiting'id seseni. Nikiwuenie nkiba o lom, eibae iyioo nikimbaro.

Lburania 8:11

Nemeatae loitoki aiteng'en le latia enye tanaa lalache lenye ajoki, amu kaayielou ninche pooki, ang'asu lkini ana metabaki lkitok.

Yakobo 1:27

Kore yielounoto e Nkai naiken ꞉Nkai Papa lang ajo kedede, naa inia nairrita nkera okichono o nkoilia tee sinaitin lenche, neirrita koon payie mejing atua ntorroni nati nkop.

2 Petero 2:9

Naaku mara keyielo naa ake Laitoriani neiko teneitai taatua ntemat lolo oourie ninye, neitaanyu lolo torrok mparri e Nkiguana, epikita ng'udi?

2 Petero 3:11

Naa kore amu keidakieki kuna tokitin pooki aaiko inji, meata ajo miakuku ltung'ana oowueni te sinyaticho neurie Nkai,

1 Yoana 2:27

Kore naa ntae, kemanya Ltau Sinyati atua ntae, ilo litang'amaitie apa payie eel ntae ilo Sinyati, nimiyieuu hoo neiteng'en ntae likae. Kake kore ana naiteng'en ntae Ltau Sinyati naipirita mbaa pooki, nera nkiteng'ena enye ndedei namara sapare, keiteng'ena sii ntae nchere payie iwuenini taatua ninye!

1 Yoana 2:6

Kore pooki ng'ae ojo keti atua ninye, naa keichiaakino neikunari to lototo ana apa neikunari ninye.

1 Yoana 5:19

Nikiyielo aajo ikira le Nkai, naa kore nkop pooki naa keti taabori nkitoria e ilo mang'antita torno.

Yuda 1:18

Amu ketiakita ntae, <>

Mbolunoto 14:12

Naaku keyiere payie eng'iri sinyat le Nkai sina oitami, lolo taa ooning nkitanapat e Nkai neibung nkurukoto e Yeso.>>