Tito 1:2 - Samburu

² Kore ana dedei naa keicho ninche siligi le nkichon ee ntarasi, le lekutuk oitayia apa ꞉Nkai ewuon apake eitu eitibiruni nkop, nemesapicho Nkai.

Tito 1:2 Iomraidhean Croise

Matayo 25:34

<

Matayo 25:46

Naa kepuo ninche meitemei ntarasi, kake kore loosipat nepuo atua nkichon ee ntarasi.>>

Marko 10:17

Kore eibung'uta ꞉Yeso nkoitiei alo te inie, nekuetiki ninye ltung'ani obo negilaki kung, neipar ajoki, <>

Yoana 10:28

Kaicho nanu ninche nkichon nemeiting, nemeidaari aikata, nemeatae loidim atowuapai ninche ta nkaina ai.

Yoana 17:2

ana ninchoo ninye meitoria ltung'ana pooki, payie etum aichoo lolo pooki linchoo nkichon nemeiting.

Yoana 17:24

<

Yoana 5:39

Inyokitata aaing'uraa lkigerot, amu ijoijo iatata nkichui ee ntarasi taatua ninche. Naa kore lolo kigerot naa nanu elimu,

Yoana 6:54

Kore pooki ng'ae oanya sesen lai, nemat lodo lai naa keata nkichon nemeiting, naa kaitipiu ninye ta mparri e nkiting'oto.

Yoana 6:68

Newoliki ꞉Simon Petero ajoki, <

Asat 15:18

/oibalunyie kuna pooki ta ng'asunoto.>

Rroman 1:2

Kore lolo Omon Supati naa lekutuk oitayia apa Nkai aimunyie loibonok lenyena too Lkigerot Sinyat.

Rroman 16:25

Meeichori inia Ai ake nabo ng'en naidim aichoo ntae ngolon, nkisisa te Yeso Kristo! Keidim ninye aitogolo ntae ana neiteng'en ntae likoroto ai ee Lomon Supati, inia likoroto naipirita Kristo Yeso, ndedei nemeidimai payie eyielouni kake neibalunyieki taata. Keisudoro apa too ntowuon o ntowuon, kake kore taata, naa keibalunyieki neiteyieloki loreren pooki too lkigerot le naibon, ana naitanapa ꞉Nkai ee ntarasi, payie etum ninche aatining Nkai teneiruk Lomon Supati likilikorita. Metaa nenye nkisisa ntarasi, Aamin.

Rroman 2:7

Kore lolo oong'iri eas supati, nenyok ayiaya nkitoo e Nkai o nkanyit o nkichon naruk talip, neicho ninche nkichon nemeiting.

Rroman 5:2

Ketoboloka iyioo Yeso Kristo nkoitiei nikibakinyie to nkurukoto ana munyani nikitii taata atua, niking'idare siligi le nkitoo e Nkai likitum.

Rroman 5:21

metaa kore ana neikuna ng'ok payie eng'asu aaitoricho neyau lkiye, neitoricho sii munyani to nkoitiei e sipata nayau nkichon ee ntarasi aimu Yeso Kristo Laitoriani lang.

Rroman 5:4

naa kore kiata ng'iriata neidimie iyioo mataa ltung'ana lemeigusgusieki, naa kore payie kiaku ltung'ana lemeigusgusieki nikitum siligi.

Rroman 6:23

Amu kore laata ee ng'ok naa lkiye, kake kore nkichooroto e pecheu e Nkai naa nkichon ee ntarasi taatua Kristo Yeso Laitoriani lang.

Lkolosae 1:27

Keyieu apa Nkai payie aibalunyie newua inia kisudoroto enye e nking'asia too ltung'ana loo loreren, kore inia kisudoroto naa nchere kore Kristo oamanya atua ltauja linchi naa ninye siligi linchi le nkitoo nalotu.

1 Ltesalonike 2:15

Naa ꞉lolo Yiaudi apa oaatara Laitoriani Yeso o loibonok le Nkai, netimiraitie iyioo aaipung'ie. Kore ninche meiting'id Nkai, nera sii lmang'ati loo ltung'ana pooki,

1 Ltesalonike 5:8

Kake kore amu ikira le mparkiji, mataa loaaparricho aaitibiraki! Maichopo naa nkurukoto o nchaman ana nchuret e lgoo, nikinchop sii siligi le njeunoto ana nkopiyia e senkei.

1 Timoti 6:12

Tama larrabal supat le nkurukoto ang, nitilimua teinia limunoto supat nintayia tekue ltung'ana kumo, nimbung'a inia kichon ee ntarasi nikimpotokaki apa.

1 Timoti 6:19

Naa kore teneas ana, neiturrurroki ate ntokitin supati ee nkolong'i naapuonu, payie eibung inia kichon nara nkichon nadede.

2 Timoti 1:1

Nanu Paulo, oitaaki Lkipaaret le Kristo Yeso te yieunoto e Nkai, laairoroki iyie Timoti nkerai ai nacham. Kaaitaaki apa Lkipaaret payie aitabaki ltung'ana lkilikuai le lekutuk oitayia apa Nkai le nkichui natumi taatua Kristo Yeso. Metaa munyani o lng'ur o seriani, naing'uaa Nkai Papa o Kristo Yeso Laitoriani lang tenebo o iyie.

2 Timoti 1:9

Keitejewua ninye iyioo, neipoto iyioo to nkupototo sinyati, namara tankaraki nikitaasa toki, kake tankaraki yieunoto o munyani enye. Kore ana munyani naa keichooki iyioo te Kristo Yeso ewuon meatae nkop,

2 Timoti 2:10

Naa kore tankaraki inia, kang'iri mbaa pooki tankaraki lolo ootegelua ꞉Nkai, payie etum sii ninche njeunoto natii atua Kristo Yeso tenebo o nkitoo ee ntarasi.

2 Timoti 2:13

Naa tinimikisiligai iyioo, naa keisiligai ake ninye nkata pooki, amu meidim atanya ajo mera ilo oara.

2 Timoti 2:15

Tonyuaa taa ilo oatachamayie Nkai, ilo aisiaayiani lemenya anyit, olimu aitibiraki rerei le ndedei.

Tito 2:13

kianyuta siligi lang omayiana, meitabari tenelioii nkitoo ee Nkai aang kitok, nara Laitejeunoni lang Yeso Kristo.

Tito 2:7

Kore taa mbaa pooki, ntodolu koon aaku nkitanyanyukoto naduaari taa asat supati. Tininteng'enicho, nteng'enicho ta nkanyit metii ndala,

Tito 3:7

Paa kore eikena iyioo ꞉Nkai ajo ikira loosipat to munyani enye, nikiaku lootum nkichon ee ntarasi, inia nikisiliguta.

1 Yoana 2:25

Naa kore lekutuk oitaka ninye iyioo naa ele: nkichon ee ntarasi.

1 Yoana 5:20

Nikintoki aayielo aajo keyewuo Nkerai e Nkai, neichoo iyioo ning'unoto payie kindim aateyielo ninye oara odede. Naa ikitii atua ilo odede, atua Nkerai enye Yeso Kristo. Ninye naa Nkai nadede nera nkichon ee ntarasi.

Yuda 1:21

Entewueni taatua nchaman e Nkai, iyanyutata lng'ur la Laitoriani lang Yeso Kristo meitabaki ntae nkichon ee ntarasi.

Mbolunoto 13:8

Kore ltung'ana pooki oaamanya nkop nesai ninye, lolo leitu eigeri apa nkarn enche ewuon eitu eitamanyuni nkop to mbuku ee lolo oaata nkichui ee ntarasi, inia buku e Lkuo leker otaraki apa metua.

Mbolunoto 17:8

Kore inia ng'ues nitoduaa, keichu apa kake merekure taata eichu. Ketaa payie eiliepu to lodo le nkop nelo meidakieki katukul. Naa kore ltung'ana pooki oaamanya nkop, lolo leitu eigeri nkarn enche to mbuku e nkichui ee ntarasi apake payie eitamanyuni nkop, neing'asia tenedol inia ng'ues torno amu keichu apa ang'as nemerekure eichu taata, kake keitoki alotu.