Tito 1:1 - Samburu

¹ Kore ana palai naa keing'uaa Paulo laisiaayiani le Nkai nera sii lkipaaret le Yeso Kristo. Kaaterewuaki payie aretu loogeluno le Nkai metubulu to nkurukoto neyielou ndedei, amu keiteng'en inia dedei meturia Nkai.

Tito 1:1 Iomraidhean Croise

Luka 18:7

Oo sa Nkai! Meicho sipat lgelunot lenyena, ooichiraki kuarie o parkiji? Mara meimalimalie reto tee ninche?

Asat 13:48

Kore payie ening lkulie oreren inia, neng'ida ninche, neiliepie rerei la Laitoriani, naa kore lolo pooki ootegelakaki nkichon ee ntarasi, neiruk.

Rroman 1:1

Kore ana palai, naa nanu Paulo eing'uaa, laisiaayiani la Laitejeunoni Yeso, naaipoto ꞉Nkai mataa Lkipaaret naategelua matilikoi Lomon Supati lenyena.

2 Lkorinto 1:1

Kore ana palai naa nanu Paulo eing'uaa, oara te yieuna e Nkai, Lkipaaret le Yeso Kristo, ilo Aitejeunoni oanyutae apa, neing'uaa sii lalache lang Timoti. Ikiroroki nkanisa e Nkai nati Korinto o sinyat pooki ootii nkop e Akayia.

Epeso 2:8

Amu eitejewua ntae Nkai te munyani enye to nkoitiei e nkurukoto, namara ntae eing'uaa inia kake nkichooroto naichoo ninye ntae pecheu,

Lpilipi 1:1

Kore ana palai naa keing'uaa Paulo tenebo o lalache lang Timoti oaara laisiaayiak le Yeso, ilo Aitejeunoni oanyutae apa. Ikiroroki sinyat pooki le Kristo Yeso ootii Pilipi, tenebo o larikok o laisiaayiak le nkanisa enche.

Lkolosae 2:2

Kanyokita payie etumi aaitogolo ninche ltauja neibung'a tenebo te nchaman, netum ltung'ana sipata nadede naing'uaa ning'unoto nadede, neichori ning'unoto ee mbae e Nkai naisudoro, naa Kristo taa inia.

1 Timoti 2:4

ilo oyieu ninye payie ejeu ltung'ana pooki neyielou ndedei.

1 Timoti 3:16

Keng'amaa pooki ng'ae nchere kore neiko ꞉ltung'ani teneyanyit Nkai naa keisudoro, nera netipat oleng: /keibalunyieki ninye era ltung'ani, neibalunyie ꞉Ltau Sinyati ajo loosipat, nedol ꞉lmalaikani. Nelikori taatua loreren, neiruki to nkop, neiliepieki aaya nkitoo e chumata.

1 Timoti 6:3

Kore tenetii ltung'ani oiteng'enicho nkiteng'ena e sapare nemeiririkino rerei odede la Laitoriani Yeso Kristo o nkiteng'ena naicho Nkai nkanyit,

2 Timoti 2:10

Naa kore tankaraki inia, kang'iri mbaa pooki tankaraki lolo ootegelua ꞉Nkai, payie etum sii ninche njeunoto natii atua Kristo Yeso tenebo o nkitoo ee ntarasi.

2 Timoti 2:23

Tapaachere rereii le madai oiro ltung'ana meata sipata amu iyielo ajo keyau larrabal.

2 Timoti 2:25

Kore lolo lemeyieu mbaa enyena, neichiaakino payie eiteng'en ninche to mborron, ejo kebaki neicho ꞉Nkai ninche munyani enye meibelekenyata aayielou ndedei,

Yakobo 1:1

Kore ana palai naa nanu Yakobo, oara laisiaayiani le Nkai o la Laitoriani Yeso Kristo eing'uaa. Kairoroki lolo mareita tomon o oare oaatasachayieki aasachaki atua loreren.

2 Petero 1:3

Keichoo iyioo Nkai pecheu to ngolon enye ntoki pooki nayieuni te nkichon, neichoo sii aitoki iyioo ntoki pooki nayieuni payie kitum aaturia Nkai to nkoitiei naiting'id ninye. Naa kore nkoitiei nikitumie inia, naa yielounoto e ilo oipoto iyioo te nkitoo o to ngolon enye.

2 Petero 3:11

Naa kore amu keidakieki kuna tokitin pooki aaiko inji, meata ajo miakuku ltung'ana oowueni te sinyaticho neurie Nkai,

1 Yoana 2:23

Kore loany Nkerai naa meata abaki Papa, kore loibalunyie Nkerai naa keata sii Papa.

Mbolunoto 1:1

Ana eitoduaa ꞉Nkai Yeso Kristo, aicho meeiteyielo laisiaayiak o nkaisiaayiak enyena inia naa meata ajo measai ta nkata nataana. Neirruaaya ꞉Kristo lmalaika lenye, aiteyielo laisiaayiani lenye oji Yoana ilo kilikuai.