Marko 7:3 - Samburu

³ Amu kore apa Lparisayo o Lyiaudi pooki naa menya ndaa eitu eng'as aaituk nkaik enche tankaraki naibung'uta lkerreti loo lmakui lenche.

Marko 7:3 Iomraidhean Croise

Marko 7:13

Inia paa kore tee lkerreti linchi lintarasaa, nintaa rerei le Nkai meitoki. Nintokiki aas mbaa kumo naatiu nejia.>>

Marko 7:5

Neipar ꞉lolo Parisayo o laiteng'enak loo nkitanapat Yeso aajoki, <>

Luka 11:38

Kore payie edol ilo parisayoi ajo eitu eituk ninye nkaik ewuon eitu enya ndaa, neing'asia.

Yoana 2:6

Kore nkalo inie netii motioo e nkare ile ee soito, naauno te inie. Kore nenia motioo naa keasichere Lyiaudi tankaraki ntasimi enche. Kore apa moti nabo, naa keya litaii ntomoni isiet metabaki ip nabo o tikitam.

Lgalatia 1:14

Nalo kue taatua nkurukoto ee Lyiaudi alang risere ai pooki, naibung lkuak loo lmakui alang ninche.

Lkolosae 2:8

Entodol payie meatae ake ltung'ani oitaa ntae ltung'ana ooteenikaki nkiteng'ena e pecheu e sapare. Kore inia naa lkerreti loo ltung'ana eirukurukore ooirichakino nkitanapat e ana kop, namara Kristo.

1 Petero 1:18

Eitu eitami ntae ropiyiani tanaa masaa naaichunye, aalakunyie taa mbaa inchi nemeata tipat naaitarasakita ntae lmakui linchi,