Marko 4:19 - Samburu

¹⁹ kake kore pee ejing ꞉mbaa e ana kop o mpong'ori e parakuoicho o lng'uarra loo nkulie tokitin ltauja, neiding'aki, negor ilo rerei metaa meiu lng'anayio.

Marko 4:19 Iomraidhean Croise

Matayo 13:22

Kore lkuku ootodokita lantarara atua, naa ltung'ani oning ilo rerei, kake kore payie etum irran e ana kop o mpong'ori e parakuoicho, neiding'aki, negor ilo rerei, metaa meiu lng'anayio.

Matayo 19:23

Nejoki ꞉Yeso looiteng'eni lenyena, <

Matayo 3:10

Naa kore taata, eidipaki aatipik ntolu ntana ee lkeek metaa kore pooki cheni lemeiu lng'anayio supati, nedung'uni, nenang'akini nkima.

Marko 4:18

Kulo naa aitoki lantarara ootodokita ng'oji ee lkuku: lolo ooning ilo rerei,

Luka 10:41

Newoliki ꞉Laitoriani ajoki, <

Luka 21:34

Errita ate payie meirraaya ntae luboi o merai o irran e nkichon, metaa kore inia parri nalotu, nemeirrachu ntae aluam mintekiki.

Yoana 15:2

Kore lng'asula pooki lai lemejing ꞉lng'anayio, nedung'oo aiturraa. Naa kore lng'asula ojing lng'anayio, neng'ur aitibir payie etum lng'anayio kumo aatijing.

Rroman 12:2

Emiduaaya mbaa e ana kop, kake enchoo eibelekeny ntae Nkai aiteng'ejuk mparrunot inchi, payie itumtum aatisipu inia nayieu Nkai nara supat, neiting'id ninye, necho.

Epeso 2:2

Ipuoyieyie apa nenia oitiei naapuoyie ltung'ana lemeyielo Nkai. Nirukurukorere ilo oirirua oitore nkitoria e loing'ang'e, oasicho taata taatua lolo lemening Nkai.

Epeso 6:12

Amu mikinya iyioo larrabal aarare ltung'ana, kake ikirere laitoriak o lolo oaata nkitoo, nikirere looitore ana kop e naimin, nikirere sii lairiruani torrok otii loing'ang'e.

Lpilipi 4:6

Emintanyamal ate tae bae, kake kore nkata pooki niomonmon ninchirakiki Nkai, entiliki yieunot inchi inchocho nache.

1 Timoti 6:17

Kore lolo parakuo taata tana kop, ntanapa payie meimer tanaa epik siligi lenche parakuoicho naaiting, kake payie epik siligi Nkai, naichoo iyioo ntoki pooki aitiemu te leng'on payie king'idakino.

2 Timoti 4:10

Amu kore Demas, naa kaatung'ayie alo lkerenket le Tesalonike, tankaraki nacham mbaa e nkop. Nechomo Keresekenes nkop ee Lgalatia, nelo Tito nee Dalmatia.

2 Petero 1:8

Naa kore tanaa iatata kuna pooki, nebulaa taatua ntae, naaku miakuku ltung'ana oaachal lemeiu lng'anayio laa asat supati, kake iyielouu Laitoriani lang Yeso Kristo oleng.

Yuda 1:12

Kore kulo tung'ana naa soito oopi ooricho le atua nkare. Lolo laa kore too sukukuuni linchi nedaa tenebo o ntae meata nkanyit, aa ate aapeny eing'or. Kera nkidis nemecha naya siwuo, nera sii lkeek lemeata lng'anayio nkata e ndung'ore, ootuata katare netodotunyie taa ntana.