Marko 16:1 - Samburu

¹ Kore teipa e Jumamos eicha Sabato, neinyiang'u Maria Magadalena o Maria ng'otonye Yakobo, o Salome latan naarropil pee etum aachom aaelie Yeso.

Marko 16:1 Iomraidhean Croise

Marko 14:3

Kore etii Yeso Betania, nkaji e Simon oata nkeeya ee lbolot, anyeita ndaa, nelotu ntomononi inie enapita lkidong. Kore ilo kidong naa soit oji alabasta eitibirunyieki, netii lata narok narropili nagol nkinyiang'a naji Nardo. Kore payie eiper ilo kidong abol, nebukoki inia lata nkue e Yeso.

Marko 14:8

Etaasa ninye naidim, eelie sesen lai lata tankaraki nukaroto ai, ewuon eng'or inia kata.

Marko 15:40

Netii sii inie ntomonok naaing'orita elakua, kore atua ninche ketii Maria Magadalena o Maria ng'otonye Yakobo lara lkini o lalache lenye oji Yose, netii sii Salome.

Marko 15:42

Kore tankaraki nataa teipa e inia parri e napa, eikienyu eaku mparri e Sabato, neinapnapaki Yosep le Arimataya Pilato neomonu sesen le Yeso. Kore apa ninye naa ltung'ani le nkanyit, nera lobo lo lkiama laa larikok loo Lyiaudi, neanyita sii ninye Nkitoria e Nkai.

Marko 15:47

Kore Maria Magadalena o Maria ng'otonye Yosep, nedol inie neiteperieki ninye.

Marko 16:2

Nepuo tasiran oleng e Jumapili, nkurarei nochi ake nailiepunyie ndama.

Marko 16:8

Neipung to nkurarei aaisig, amu keikirikirete to ngureticho, neing'asiate. Neaku meata hoo obo otilikita amu ketuguretita.

Luka 23:54

Kore inia parri, naa mparri e napa etaa kebau Sabato.

Luka 23:56

Nechuko aaitibir ntokitin naarropil o lata naelieki. Kore mparri e Sabato, neyeng'iyeng'a ninche ana nejo nkitanapat.

Luka 24:1

Kore ta mparri ekue e sapa, payie eng'asu aisuruanu, nepuo nana tomonok nkurarei enapita ntokitin naarropil naaitibirita.

Yoana 19:25

kore ng'otonye o anache ng'otonye o nkitok e Kilopas naji Maria o Maria Magadalena neitachoo tankalo lmusalaba le Yeso.

Yoana 19:31

Kore apa inia parri, naa mparri nanapae tankaraki Sabato. Naa kore inia Sabato, naa Sabato apa naata tipat oleng. Naaku inia payie echomo larikok loo Lyiaudi netii Pilato aomon meichoo metigila nkejek ee ltung'ana ootechoki, neitai too lmusalabani amu meyieu apa Lyiaudi neing'uari seseni eika to lmusalaba ta mparri e Sabato.