Luka 2:9 - Samburu

⁹ Neipung'oki ꞉lmalaika la Laitoriani, newong'aki ꞉wong'an e nkitoo e Laitoriani taa mbat pooki, neiputukuny oleng.

Luka 2:9 Iomraidhean Croise

Matayo 1:20

Kore ewuon erare ninye ana bae, neipung'oki ꞉lmalaika la Laitoriani te nkidetidetata nejoki ninye, <

Luka 1:28

Nelo lmalaika neti ninye nejoki, <>

Luka 2:8

Kore apa te inia kop, naa ketii lchekuti oowueni aarrip mbooitie enche kuarie taa ang'ata.

Luka 24:4

Kore ake ewuon eing'aing'ai ninche tankaraki inia bae, nedol ake inia kata ltung'ana oare ooitachoo tabata ninche ooichopito nankan naaitintil.

Yoana 12:41

Ketejo apa Isaya kuna baa tankaraki ketodua nowua nkitoo e Yeso, nelimu mbaa naipirita ninye.

Asat 12:7

Nejo pang lmalaika la Laitoriani aipung'oki ninye, newong'u ilo gilata le jila. Neoch Petero ntoop neinyuoyie ajoki, <> Kore nenia senke natii nkaik enyena nelaari.

Asat 27:23

Kore ng'ole kuarie naa kaaipung'oka ꞉lmalaika le inia Ai nara lenye nara sii laisiaayiani lenye,

Asat 5:19

Kake kore kuarie, nebol lmalaika la Laitoriani nkutuk e jila neipung'unyie ninche boo nejoki,

2 Lkorinto 3:18

Kore iyioo pooki ooing'or nkitoo e Laitoriani ana kitaap too nkomomi nemeisiapa, neibelekenyi iyioo matutuwuana nkitanyanyukoto nabo o ninye, nelo nkitoo enye kue aaponikino iyioo. Kore ana, naa Laitoriani eing'uaa oara ninye Ltau Sinyati.

2 Lkorinto 4:6

Kore Nkai natejo, <> naa ninye ake naitowong ltauja lang payie eibalie yielounoto e nkitoo e Nkai naong'u to nkomom e Kristo.

1 Timoti 3:16

Keng'amaa pooki ng'ae nchere kore neiko ꞉ltung'ani teneyanyit Nkai naa keisudoro, nera netipat oleng: /keibalunyieki ninye era ltung'ani, neibalunyie ꞉Ltau Sinyati ajo loosipat, nedol ꞉lmalaikani. Nelikori taatua loreren, neiruki to nkop, neiliepieki aaya nkitoo e chumata.

Lburania 12:21

Kore inia nataase, naa keituriaicho ana natejo Musa, <>

Mbolunoto 18:1

Kore payie eim kuna baa pooki, nadol aitoki likae malaika edou eing'uaa chumata eata nkitoria kitok, neitulu wong'an e nkitoo enye nkop.

Mbolunoto 20:11

Naitoki adol lorika sapuk oibor le nkitoo o ilo ewuenita. Kore chumata o nkop neisig aapuo aaing'uaa ilo owuenita to lorika le nkitoo neitu edoli aitoki aikata.