Lpilipi 4:1 - Samburu

¹ Kore naa lalachera o nkanachera ainien nacham oleng nayieu nadol, ikinting'iding'id naa kaikarrie nanu ntae! Entacho katukul taatua Laitoriani, sotuatin lainien, imbungbung inia natiaaka ntae.

Lpilipi 4:1 Iomraidhean Croise

Matayo 10:22

Naa keibai ntae ltung'ana tankaraki nkarna ai. Kake kore long'iri metabaki nkiting'oto, neitejeuni.

Yoana 8:31

Nejoki ꞉Yeso lolo Yiaudi ooiruko ninye, <

Asat 11:23

Kore payie ebaki ninye inie, nedol inia nataasa Nkai to munyani enye, neng'ida neitogol ninche pooki payie emut nabo taa ltauja lenche aawueni taatua Laitoriani.

Asat 14:22

Neitogol ninche ltauja loo lolo ooiteng'eni aarreten payie ewueni taatua inia nkurukoto ejoki, <>

Asat 2:42

Neibung ninche aitirrichaki nkiteng'ena ee Lkipaareta o nchula ee ltung'ana ooiruko Yeso o ngilata e mukate e ndaa e Laitoriani o nkomono.

Rroman 2:7

Kore lolo oong'iri eas supati, nenyok ayiaya nkitoo e Nkai o nkanyit o nkichon naruk talip, neicho ninche nkichon nemeiting.

1 Lkorinto 15:58

Naaku taa lalachera o nkanachera ainien nacham, entacho katukul, emungusugus. Entibik nkata pooki ing'idakinono nkisiaayiare e Laitoriani, amu iyielolo aajo mara pecheu siaai linchi taatua Laitoriani.

1 Lkorinto 16:13

Entirripicho nintachoo oleng to nkurukoto! Entaa ltung'ana ooirich negol!

2 Lkorinto 1:14

Kebaki naa mining'ung'u mbaa pooki taata, kake kaisilig ajo ining'ung'u katukul mparri nabo. Kore ta mparri e Laitoriani lang Yeso Kristo, ing'idakinono ntae iyioo niking'idakino sii iyioo ntae.

Lgalatia 5:1

Naa ketalakua iyioo Kristo payie kibik taatua inia lakunoto. Kore tankaraki inia, entacho katukul, emirrinyokino aitoki enet e rrindikicho.

Lpilipi 1:27

Ntoki nabo ake naata tipat oleng, nchere payie iwuenini te nkichon inchi ana naichiaakino too Lomon Supati le Kristo, paa kore tanatumoka ayeu atoduaa ntae tanaa eitu, naning ajo intachoo katukul to nduata nabo o ltau obo inyanya larrabal le nkurukoto ee Lomon Supati.

Lpilipi 1:8

Keyielo Nkai ajo kedede tanajo kacham ntae oleng te inia chaman e Yeso Kristo, nayieu nadol ntae.

Lpilipi 2:16

tinimbung'bung aitibiraki rerei le nkichui. Naa keaku inia rrepet ai ta mparri e Kristo, tankaraki eitu eaku nyuata o nkinyinyiret ai ne pecheu.

Lpilipi 2:26

amu keyieu nedol ntae oleng, nenyamal aitoki tankaraki itining'o aajo ketomoyia.

Lkolosae 4:12

Neiroroki sii ntae ltung'ani linchi oji Epaparas, oara laisiaayiani le Kristo Yeso. Kenyokita ninye nkata pooki tankaraki ntae to nkomono enye, payie itumtum aaitacho irara lemeata ntioto, niatata sipata ee mbaa pooki naayieu Nkai.

1 Ltesalonike 3:13

payie etum aitogolo ltauja linchi taatua sinyaticho, nitumtum aataa lemeata ntioto tekue Nkai Papa lang, ta ng'amata e lotunoto e Laitoriani lang Yeso Kristo tenebo o sinyat lenyena pooki. Aamin.

2 Ltesalonike 2:15

Naaku naa, lalachera o nkanachera, entacho emingusgus naa embung'a nkiteng'ena nikintarasakita ntae pee era to nkutuk anaa ta mpalai.

2 Timoti 2:1

Naaku kore naa iyie nkerai ai, togolo taatua munyani natumi taatua Kristo Yeso.

Lburania 10:23

Mikipal kilimu aaipidaki ilo siligi likijo ikiata, amu keisiligai ilo oichoo iyioo lekutuk.

Lburania 3:14

Amu ikiata sotua tenebo o Kristo, tinikimbung aaitirrichaki inia sipata nikiata apake tekue payie kiruk ninye, ana metabau nkiting'oto e nkop.

Lburania 4:14

Naaku kore amu ikiata Laitainoni kitok la lasar oiliepa aim keper ajing chumata, Yeso Kristo Nkerai e Nkai, maibung'a naa aitirrichaki inia kurukoto nikilimu aajo ikiata.

2 Petero 3:17

Naaku naa, lacham lainien, kore amu iyielolo ana ewuon eitu easai, errita ate payie meitopong'oo ntae nkiteng'ena e sapare ee lolo aitarruok, nirria aaing'uaa nkitachoto inchi.