Lpilipi 3:16 - Samburu

¹⁶ Kore nayiere naa tinikipuo kue kimbung inia nikindipa aateyielo.

Lpilipi 3:16 Iomraidhean Croise

Rroman 12:16

Enchoo metaa irara loaata mparrunoto nabo, nimitumtum mparrunot niliepiepie ate aaitalang lkulie, kake entuchulare abaki ltung'ana oomena, nimidoldol ate aajo irara ng'eni.

Rroman 15:5

Meichoo ntae Nkai naa ninye eing'uaa ng'iriata o rreten entum mparrunoto nabo ana inia naata Kristo Yeso,

Lgalatia 5:7

Ipuoitoto apa aaitibiraki to nkoitiei e nkurukoto, ng'ae oibooyie ntae payie mianyitnyit ndedei?

Lgalatia 6:16

Naa kore pooki oopoyie ana kitaarriyiana, ninche Isirael le Nkai, naa metamanyai ꞉seriani o lng'er.

Lpilipi 1:27

Ntoki nabo ake naata tipat oleng, nchere payie iwuenini te nkichon inchi ana naichiaakino too Lomon Supati le Kristo, paa kore tanatumoka ayeu atoduaa ntae tanaa eitu, naning ajo intachoo katukul to nduata nabo o ltau obo inyanya larrabal le nkurukoto ee Lomon Supati.

Lpilipi 2:2

enchoo naa metaa kaabore ng'ida ltau, iakuku loaata nduata nabo nichamama, niakuku nabo taa ltauja o taa mparrunot.

Lpilipi 4:2

Kajoki Ewodia o Sintek, metining'oto taatua Laitoriani.

Lkolosae 2:6

Kore itang'amaitie Kristo Yeso aajo ninye Laitoriani, entewueni naa taatua ninye,

Lkolosae 4:2

Entewueni taatua nkomono, naa kore iomonitoto, entirripicho, niatata nache.

Mbolunoto 3:3

Entaparru naa ndedei naiteng'enaki apa ntae nitang'amatie, embung'a inia nirriididu. Kake kore tanaa minyuotototo, kalotu nitii tana lapurroni nimiyielouu hoo nkata nalotu.