Lpilipi 3:10 - Samburu

¹⁰ payie ayielou Kristo oleng, nayielou sii inia ngolon naitipiwua ninye aitung'aa lootuata. Nayielou sii netiu tanang'arie sina, natuwuanai ninye te lkiye lenye,

Lpilipi 3:10 Iomraidhean Croise

Matayo 20:23

Nejoki, <>

Yoana 10:18

Meatae ltung'ani laar nanu matua, mara ake kaichooyie koon maatari matua. Kaata sipata naichoorie nkichui ai, naata sii aitoki sipata nang'amarie. Inia aaitanapa Papa.>>

Yoana 17:3

Naa ana nkichon nemeiting nchere payie kiyielou ltung'ana, iyie Nkai nabo ake nadede, neyielou Yeso Kristo ilo lirriwua.

Rroman 8:17

Naa tanaa nkera e Nkai kira, ikira sii lootum tenebo o Kristo inia naisiligie iyioo Nkai, naa tanaa iking'ar sina lenye, iking'ar sii nkitoo enye.

Rroman 8:29

Amu kore lolo ooteyielo ꞉ninye apake tekue, netegelua inia kata metinyunyukore Nkerai enye, payie etum inia Kerai enye ataa lkikau taa lalachera lenyena kumo.

Rroman 8:36

Ana naigero ajo, <>

2 Lkorinto 1:10

Keyiata kinyikaki lkiye, kake ketalakua iyioo Nkai, naa keche ake alaku iyioo. Nikitipika sii siligi lang ninye aajo keitoki ake alaku iyioo,

2 Lkorinto 1:5

Amu kore ana nikiimarita sina o mion ana naimayie Kristo, naaku ikiata sii iyioo rreten kitok nemeiting taatua ninye.

2 Lkorinto 13:4

Amu kore abaki tanaa te nchalan etechoki Yeso neri metua to lmusalaba, keichu to ngolon e Nkai. Naa iyielouu aajo kore kitii iyioo atua Kristo naa ikichal, kake ikinchu tenebo o ninye to ngolon e Nkai.

Lgalatia 2:20

Kaatechoki nanu tenebo o Kristo. Merokure aa nanu oichu, kake Kristo oichu taatua nanu. Kore nkichon naichu taata te sesen, naa kapikita nkurukoto ai atua Nkerai e Nkai, ilo laatachama, neichoru nkichui enye tankaraki nanu.

Lgalatia 6:17

Naa kore ang'asu taata, enchoo metaa meatae ltung'ani laaitanyamal, amu kaata nanu lminchiria latumo tankaraki Yeso te sesen lai.

Epeso 4:13

ana matum pooki naboicho e nkurukoto o ne yielounoto e Nkerai e Nkai, nikibulu tenebo aabotoru ana matitiu katukul ana netiu Kristo.

Lpilipi 3:8

Ee kedede, kaiken nenia baa pooki ajo ne pecheu tankaraki inia nara ne tipat too pooki, naa kore inia nara ne tipat naa yielounoto e Laitejeunoni Yeso Laitoriani lai. Kore tankaraki Kristo naiturrayie pooki naata apa, naiken ajo ketuwuana nkik payie atum Kristo metaa lalai,

Lkolosae 1:24

Kang'ida taata tee sinaitin laanyaita tankaraki natilika ntae Lomon Supati o sinaitin lewuon eng'or paatum laatiaka apa Kristo meata ajo maimaa tankaraki reteto natum sesen lenye, aa taa nkanisa, naa inia ake aitabarita.

Lkolosae 2:13

Kore abaki ituata tankaraki ng'ok inchi, neitu emurati mpukunoto inchi torno e tung'ani, eitaa ntae Nkai looichu tenebo o ninye, etapalikaki ntae ng'ok inchi.

Lkolosae 3:1

Kore naa tankaraki keitipiwuaki ntae tenebo o Kristo, eng'oru naa nenia baa e keper, naatii neti Kristo, ewuenita ta nkaina e tetene e Nkai.

1 Petero 1:3

Meisisi Nkai oara Menye Laitoriani lang Yeso Kristo! Ilo laa te lng'er lenye kitok etiiwuaki iyioo nkata e are, payie kitum siligi oichu tankaraki natipiwua Yeso Kristo taatua lootuata,

2 Petero 1:13

Naa kajo keichiaakino payie ainyoyie ntae aitaparru kuna baa ewuon aichu,

1 Yoana 2:3

Nikiata sipata aajo ikiyielo ninye tinikimbung nkitanapat enyena.

1 Yoana 2:5

Kake kore ilo oibung rerei lenye, naa kedede taatua ninye etoboreyia nchaman e Nkai. Naa te inia kiyielou aajo ikitii atua ninye.

Mbolunoto 1:18

ilo oichu. Katua apa naa ng'ura kaichu ntarasi o ntarasi! Naa kaata lboleta lo lkiye o nemeneng'a.