Lpilipi 3:1 - Samburu

¹ Kore aitoki lalachera o nkanachera ainien, enting'idata taatua Laitoriani. Mainauru aigeroki ntae mbaa naigeroka apa amu tanaigeroki ntae, naa keret ntae inia payie mirriaa.

Lpilipi 3:1 Iomraidhean Croise

Matayo 5:12

Enting'idata, nichipapa amu keikitok laata inchi te chumata, amu nejia apake eikuna payie eitam sina loibonok le Nkai ootii tekue ntae.

Luka 1:47

neng'idakino ꞉ltau lai Nkai, Laitejeunoni lai,

Rroman 5:11

Namara inia ake, kake iking'idare oleng sotua likiata o Nkai tankaraki nayewua taata Laitoriani lang Yeso Kristo melet.

2 Lkorinto 13:11

Kore naa lalachera o nkanachera ainien, kajo ana aidipita. Entingidata, ninyoknyok aaibelekeny nkoitieii inchi, nining'ining nkitaarriyiana ai, nining'ong'o, niwuenini te seriani. Naa keaku Nkai e nchaman o ne seriani tenebo o ntae.

Epeso 6:10

Kore mbae naidipie, entogolioto taatua Laitoriani o te ngolon e nkidimata enye.

Lpilipi 3:3

Amu iyioo naa ltung'ana le Nkai oaasai Nkai erikoo Ltau lenye Sinyati, niking'idare Laitejeunoni Yeso, nimikisilig ndung'oto e sesen abaki duo aaidim nanu aisiliga.

Lpilipi 4:4

Enting'idata taatua Laitoriani nkata pooki, naitoki ake ajo enting'idata!

Lpilipi 4:8

Kore naidipie, lalachera o nkanachera, entaparrai nenia tokitin naadede o nenia naichiaakino rrepet, nenia ee sipat, nenia nemeata ntioto o nenia naachamaroi. Kore ntoki pooki naichiaakino lwuenet supat o nkanyit, entaparrai inia.

1 Ltesalonike 4:1

Kore naa aitoki lalachera o nkanachera, ikilej ntae nikintaarriyian ta Laitoriani Yeso payie iwuenini te nkichon naiting'id Nkai ana nikinteng'enita ntae. Kore ana niwuenitata aaiko nejia, enchom naa kue oleng inkoko nejia!

1 Ltesalonike 5:16

Enting'idata nkata pooki.

Yakobo 1:2

Lalachera o nkanachera ainien, enting'idata katukul, tinitumtum saanat naapaapaacha,

1 Petero 3:8

Kaidip ana kitaarriyiana ajoki ntae payie iwuenini pooki inyanya nabo, niatata lng'er, nichamama ana lalachera o nkanachera, nenanaa ntae ochuaa, niborbor.

1 Petero 4:13

Kake kore iimaritata sinaitin ootuwuana le Kristo enting'idata, paa kore teneibalunyieki nkitoo enye nitumtum ng'ida kitok oleng.

2 Petero 3:1

Ltung'ana lainien lacham, kore ana palai, naa mpalai ai e are naigeroka ntae. Naa kore too kuna pala pukura, kasaan aputu ntae entaparricho taa mparrunot inchi supati!