Lpilipi 2:2 - Samburu

² enchoo naa metaa kaabore ng'ida ltau, iakuku loaata nduata nabo nichamama, niakuku nabo taa ltauja o taa mparrunot.

Lpilipi 2:2 Iomraidhean Croise

Yoana 3:29

Kore loyemicho naa ꞉ilo orikito nkaibartani, kake kore lchapukerra naa keitache ainining'icho, neng'ida tenening ltoilo lo loyemicho. Naa nejia etiu ng'ida ai, naa ketoboreyia.

Asat 1:14

Naa ketumo ninche pooki nkata pooki aaomon tanaboicho tenebo o nkulie tomonok, netii sii Maria ng'otonye Yeso tenebo o ninche o lalachera le Yeso.

Asat 2:1

Kore ta mparri nanyeitae ntasim e Pentekost, naa ketii apa looiteng'eni pooki tenebo.

Asat 2:46

Kore mperot pooki, nepuonu ninche aatumo tee lning'o taatua nkaji e Nkai. Negil mukate e ndaa e Laitoriani taa nkang'itie enche te ng'ida o taa ltauja supati,

Asat 5:12

Ketaasa Nkai taa nkaik ee Lkipaareta mbaa naaitodolu nkitoo enye o mbaa kumo e nking'asia taatua ltung'ana. Netumo chiaake ninche pooki tanaboicho to ng'oji neji loip le Solomon.

Rroman 12:16

Enchoo metaa irara loaata mparrunoto nabo, nimitumtum mparrunot niliepiepie ate aaitalang lkulie, kake entuchulare abaki ltung'ana oomena, nimidoldol ate aajo irara ng'eni.

1 Lkorinto 1:10

Kaamon ntae lalachera o nkanachera ainien ta nkarna niyanyitnyit e Laitoriani lang Yeso Kristo, entining'oto pooki miatata oro taatua ntae, niakuku nabo katukul taa mparrunot o too nduaat.

2 Lkorinto 13:11

Kore naa lalachera o nkanachera ainien, kajo ana aidipita. Entingidata, ninyoknyok aaibelekeny nkoitieii inchi, nining'ining nkitaarriyiana ai, nining'ong'o, niwuenini te seriani. Naa keaku Nkai e nchaman o ne seriani tenebo o ntae.

2 Lkorinto 2:3

Naaku tankaraki inia payie aigeroka apa ntae ana naigero, amu mayieu apa nalotu inie nitii maaitanyamala ꞉lolo tung'ana ooichiaakino duo naaiting'id, amu kaata sipata naipirita ntae pooki ajo kore ng'ida ai naa ng'ida ee ntae pooki.

2 Lkorinto 7:7

Namara taa ake lotunoto enye apeny naitogolo ltauja lang, kake ikitogolito abaki payie kining aajo intogolito ntae ninye. Ketilika ninye iyioo ajoki iyieuu nikidoldol oleng o ninkuna tinisinanienio oleng o ninkuna inyoknyok aas nenia natiaka ntae. Nang'ida oleng tankaraki inia.

Lpilipi 1:4

Naa kore chiaake tanaomonoki ntae pooki, naomon te ng'ida

Lpilipi 2:16

tinimbung'bung aitibiraki rerei le nkichui. Naa keaku inia rrepet ai ta mparri e Kristo, tankaraki eitu eaku nyuata o nkinyinyiret ai ne pecheu.

Lpilipi 2:20

Maata likae tung'ani oata mbaa inchi taatua ltau lenye katukul ana ninye.

Lpilipi 4:2

Kajoki Ewodia o Sintek, metining'oto taatua Laitoriani.

Lkolosae 2:5

Kore abaki matii nanu tenebo o ntae te sesen, katii tenebo o ntae ta ltau, ang'ida tanadol ntae intachoo to nkurukoto nadupa taatua Kristo.

2 Ltesalonike 2:13

Kake keyiere nikirrinyoki iyioo Nkai nache nkata pooki tankaraki ntae lalachera oaacham ꞉Laitoriani, amu ketegelua ntae Nkai ta ng'asunoto payie ijeuu aaku sinyat ta Ltau Sinyati o tinirukuruk ndedei.

2 Timoti 1:4

Kore tanaparru lkiyio limbukoyie payie aaing'uaa, nayieuu naadol iyie payie atum ng'ida oleng.

Pilemon 1:20

Ee lalache, kore taatua Laitoriani, kayieu nikiret taa naaduo baa naimaka. Ntogolo ltau lai taatua Kristo!

2 Yoana 1:4

Kating'ide oleng payie atum mbata ee nkera inono eirukurukore ndedei, ana apa naitaarriyianaka iyioo Papa.

3 Yoana 1:4

Meatae ng'ida nalang ana ta nanu tananing ajo kepuoito nkera ainien taatua ndedei.